Aðrar útgáfur af skjalinu: PDF - Word Perfect. Ferill 28. máls.
128. löggjafarþing 2002–2003.
Þskj. 28 — 28. mál.
um frekari uppbyggingu endurhæfingar við Fjórðungssjúkrahúsið á Akureyri.
Alþingi ályktar að fela heilbrigðisráðherra að hrinda í framkvæmd frekari uppbyggingu endurhæfingar við Fjórðungssjúkrahúsið á Akureyri.
Á Kristnesi í Eyjafirði er starfrækt eina endurhæfingardeildin utan suðvesturhorns landsins. Nítján virk endurhæfingarrými eru á deildinni sem er of lítið miðað við þarfir upptökusvæðis Fjórðungssjúkrahússins á Akureyri. Á endurhæfingarstofnunum á Suðurlandi eru 35–40 rúm að meðaltali nýtt af sjúklingum af Norður- og Austurlandi. Langir biðlistar eru á þeim stofnunum og því einsýnt að aukin afkastageta endurhæfingardeildar á Kristnesi væri hagkvæm lausn. Húsnæðið er til en þarfnast lagfæringa og fjölga þyrfti stöðuheimildum. Raunhæft virðist að stefna að 25 rúma legudeild auk 11 dagvistarrýma sem fyrst og fremst yrðu notuð af sjúklingum frá Akureyri og næsta nágrenni. Sjúklingar sem búsettir eru fjær þyrftu að eiga kost á sjúkrahóteli. Aukin starfsemi endurhæfingardeildar mundi þannig bæta endurhæfingarþjónustu á Norður- og Austurlandi, stytta legutíma endurhæfingarsjúklinga á bráðadeildum Fjórðungssjúkrahússins á Akureyri og stytta biðlista vegna endurhæfingar. Þessi aðgerð yrði tvímælalaust til mikilla hagsbóta í heilbrigðiskerfinu. Að mati Fjórðungssjúkrahússins á Akureyri næmi rekstrarkostnaður við aukna endurhæfingu u.þ.b. 54 millj. kr. á ári.
Þessi tillaga er í fullu samræmi við áherslur ríkisstjórnarinnar í byggðamálum. Hún mun auka þjónustuna á Norður- og Austurlandi, verða til hagsbóta fyrir allt það fólk sem þarf á þessari þjónustu að halda á svæðinu. Þá mundi framkvæmd hennar létta á þessari starfsemi á suðvesturhorninu og hafa jákvæð áhrif fyrir landið allt. Einnig mundu skapast auknir möguleikar fyrir framhaldsendurhæfingu á sjúkrahúsunum á Norður- og Austurlandi, t.d. á Húsavík og Heilbrigðisstofnun Austurlands.
Aðgerð af þessu tagi mun einnig auka atvinnu á þessu sviði á Eyjafjarðarsvæði og er það í samræmi við markmið ríkisstjórnarinnar í byggðamálum eins og þau eru sett fram í nýrri byggðaáætlun.
Fylgiskjal.
128. löggjafarþing 2002–2003.
Þskj. 28 — 28. mál.
Tillaga til þingsályktunar
um frekari uppbyggingu endurhæfingar við Fjórðungssjúkrahúsið á Akureyri.
Flm.: Árni Steinar Jóhannsson, Þuríður Backman.
Alþingi ályktar að fela heilbrigðisráðherra að hrinda í framkvæmd frekari uppbyggingu endurhæfingar við Fjórðungssjúkrahúsið á Akureyri.
Greinargerð.
Á Kristnesi í Eyjafirði er starfrækt eina endurhæfingardeildin utan suðvesturhorns landsins. Nítján virk endurhæfingarrými eru á deildinni sem er of lítið miðað við þarfir upptökusvæðis Fjórðungssjúkrahússins á Akureyri. Á endurhæfingarstofnunum á Suðurlandi eru 35–40 rúm að meðaltali nýtt af sjúklingum af Norður- og Austurlandi. Langir biðlistar eru á þeim stofnunum og því einsýnt að aukin afkastageta endurhæfingardeildar á Kristnesi væri hagkvæm lausn. Húsnæðið er til en þarfnast lagfæringa og fjölga þyrfti stöðuheimildum. Raunhæft virðist að stefna að 25 rúma legudeild auk 11 dagvistarrýma sem fyrst og fremst yrðu notuð af sjúklingum frá Akureyri og næsta nágrenni. Sjúklingar sem búsettir eru fjær þyrftu að eiga kost á sjúkrahóteli. Aukin starfsemi endurhæfingardeildar mundi þannig bæta endurhæfingarþjónustu á Norður- og Austurlandi, stytta legutíma endurhæfingarsjúklinga á bráðadeildum Fjórðungssjúkrahússins á Akureyri og stytta biðlista vegna endurhæfingar. Þessi aðgerð yrði tvímælalaust til mikilla hagsbóta í heilbrigðiskerfinu. Að mati Fjórðungssjúkrahússins á Akureyri næmi rekstrarkostnaður við aukna endurhæfingu u.þ.b. 54 millj. kr. á ári.
Þessi tillaga er í fullu samræmi við áherslur ríkisstjórnarinnar í byggðamálum. Hún mun auka þjónustuna á Norður- og Austurlandi, verða til hagsbóta fyrir allt það fólk sem þarf á þessari þjónustu að halda á svæðinu. Þá mundi framkvæmd hennar létta á þessari starfsemi á suðvesturhorninu og hafa jákvæð áhrif fyrir landið allt. Einnig mundu skapast auknir möguleikar fyrir framhaldsendurhæfingu á sjúkrahúsunum á Norður- og Austurlandi, t.d. á Húsavík og Heilbrigðisstofnun Austurlands.
Aðgerð af þessu tagi mun einnig auka atvinnu á þessu sviði á Eyjafjarðarsvæði og er það í samræmi við markmið ríkisstjórnarinnar í byggðamálum eins og þau eru sett fram í nýrri byggðaáætlun.
Fylgiskjal.
Kostnaðaráætlun fyrir stöður vegna aukinnar endurhæfingar.
(Að mati Fjórðungssjúkrahússins á Akureyri.)
Fjöldi | Starfsmannafélag | Launaflokkur – þrep, janúar 2002 | ||
1,50 | sérfræðingur | LA | 302-4 | 6.650.064 kr. |
3,40 | hjúkrunarfræðingur | FÍH | B-3:3 | 7.317.847 kr. |
2,00 | yfiriðjuþjálfi 3 | BHM | 5:3 | 4.234.200 kr. |
1,00 | aðstoðarmaður iðjuþjálfa | stak | A-6:6 | 1.345.884 kr. |
0,50 | íþróttafræðingur | BHM | 201-3 | 939.684 kr. |
1,00 | aðstoðarmaður sjúkraþjálfa | STAK | A-4:5 | 1.345.884 kr. |
0,50 | yfirfélagsráðgjafi | BHMR | 1.101.474 kr. | |
2,50 | yfirsjúkraþjálfi 4 | BHMR | B-8:2 | 5.701.800 kr. |
0,50 | starfsstúlkur | Eining | 1-3 | 572.850 kr. |
0,50 | læknaritarar | STAK | B-1:5 | 724.950 kr. |
13,40 | föst laun dagvinna | 29.934.937 kr. | ||
2% aukagreiðsla (persónu-/orlofsuppbót) | 598.693 kr. | |||
25% afleysing, yfirvinna, álag | 7.483.659 kr. | |||
17% lífeyrissjóðsframlag | 6.462.888 kr. | |||
5,23% tryggingagjald | 1.988.289 kr. | |||
Samtals áætluð árslaun | 46.468.166 kr. | |||
Alm. rekstrargj. áætluð 15% af launak. | 6.970.225 kr. | |||
Heildarkostnaður á ársgrundvelli | 53.438.391 kr. |