Aðrar útgáfur af skjalinu: PDF - Word Perfect. Ferill 172. máls.
128. löggjafarþing 2002–2003.
Þskj. 173  —  172. mál.




Fyrirspurn



til fjármálaráðherra um afskrifaðar skattskuldir.

Frá Jóhönnu Sigurðardóttur.


     1.      Hvernig skiptist fjárhæð afskrifaðra skattskulda árlega síðustu þrjú ár milli atvinnugreina, hlutfallslega og í fjárhæðum, milli beinna afskrifta annars vegar og óbeinna hins vegar?
     2.      Hver var tekjuskattsstofn þeirra einstaklinga sem fengu skattskuldir afskrifaðar á árunum 2000 og 2001, sundurliðað milli beinna og óbeinna afskrifta annars vegar og milli tekjubila sem gefur góða mynd af tekjudreifingu einstaklinganna hins vegar?
     3.      Hvernig skiptast afskrifaðar skattskuldir á lögaðila og einstaklinga árlega síðustu þrjú ár? Fram komi upphafleg skattskuld annars vegar og viðurlög hvers konar, innheimtukostnaður og dráttarvextir hins vegar.
     4.      Hver er skoðun ráðherra á reglum um álagðan kostnað, viðurlög og dráttarvexti vegna vanskila á skattkröfum ríkissjóðs og telur ráðherra rétt að endurskoða þær reglur?


Skriflegt svar óskast.