Aðrar útgáfur af skjalinu: PDF - Word Perfect. Ferill 473. máls.
128. löggjafarþing 2002–2003.
Þskj. 903 — 473. mál.
samgönguráðherra við fyrirspurn Kristjáns L. Möllers um flutning fjarvinnsluverkefna og starfa út á land.
Fyrirspurnin hljóðar svo:
Hvaða fjarvinnsluverkefni og hversu mörg störf á vegum ráðuneytisins og stofnana og fyrirtækja sem heyra undir ráðuneytið voru flutt út á land árið 2002, sundurliðað eftir stöðum sem verkefnin og störfin voru flutt til? Enn fremur er óskað eftir skilgreiningu á umræddum störfum.
Ráðuneytið sendi fyrirspurnina til umsagnar allra undirstofnana ráðuneytisins. Ekki voru flutt fjarvinnsluverkefni á vegum undirstofnana þess út á land á árinu 2002 en ráðuneytinu hafa borist eftirfarandi svör um flutning og stofnun nýrra starfa úti á landi.
Vegagerðin.
Hinn 1. janúar 2002 voru fastir starfsmenn Vegagerðarinnar 352, þar af 220 starfandi á landsbyggðinni.
Árið 2002 var ekkert starf hjá Vegagerðinni flutt út á land en hins vegar var eitt nýtt starf stofnað, þ.e. staða tæknifræðings á Akureyri. Starfið felst í framkvæmdakaupum og eftirliti.
Árið 2001 voru nokkur störf flutt eða stofnuð ný á landsbyggðinni:
– Fjögur störf þjónustufulltrúa á Ísafirði. Þjónustudeild, símsvörun og upplýsingagjöf til vegfarenda.
– Eitt starf tæknimanns á Sauðárkróki. Framkvæmdakaup, eftirlit og yfirborðsmerkingar vega.
– Eitt starf tæknifræðings á Akureyri. Áætlanadeild, umferð- og umferðaröryggismál.
– Eitt starf jarðfræðings á Akureyri. Rannsóknardeild, jarðfræðirannsóknir.
– Eitt starf vélamanns á Höfn. Þjónustusvæði, vélamaður.
Árið 2000 voru nokkur störf flutt eða stofnuð ný á landsbyggðinni:
– Eitt starf tæknifræðings í Borgarnesi. Framkvæmdakaup og eftirlit, eftirlit með framkvæmdum.
– Eitt starf verkfræðings á Akureyri. Áætlanir, hönnun vega.
– Tvö störf eftirlitsmanna á Akureyri. Framkvæmdadeild, viðhaldsstjórnun vega, skoðun slitlaga og annað eftirlit.
Rannsóknarnefnd sjóslysa.
Rannsóknarnefnd sjóslysa var flutt frá Reykjavík til Stykkishólms í desember 2001 og var þá framkvæmdastjóri ráðinn til starfa. Hinn 1. janúar 2002 var nýr starfsmaður ráðinn fyrir nefndina.
Ferðamálaráð Íslands.
Ekki voru nein störf á vegum Ferðamálaráðs Íslands flutt út á land árið 2002 en verkefni sem unnin hafa verið varðandi upplýsingamiðlun á skrifstofu ráðsins í Reykjavík voru flutt til skrifstofu ráðsins á Akureyri í upphafi ársins 2002.
Flugmálastjórn Íslands, Siglingastofnun Íslands, Póst- og fjarskiptastofnun og Rannsóknarnefnd flugslysa fluttu ekki störf út á land á árinu 2002.
128. löggjafarþing 2002–2003.
Þskj. 903 — 473. mál.
Svar
samgönguráðherra við fyrirspurn Kristjáns L. Möllers um flutning fjarvinnsluverkefna og starfa út á land.
Fyrirspurnin hljóðar svo:
Hvaða fjarvinnsluverkefni og hversu mörg störf á vegum ráðuneytisins og stofnana og fyrirtækja sem heyra undir ráðuneytið voru flutt út á land árið 2002, sundurliðað eftir stöðum sem verkefnin og störfin voru flutt til? Enn fremur er óskað eftir skilgreiningu á umræddum störfum.
Ráðuneytið sendi fyrirspurnina til umsagnar allra undirstofnana ráðuneytisins. Ekki voru flutt fjarvinnsluverkefni á vegum undirstofnana þess út á land á árinu 2002 en ráðuneytinu hafa borist eftirfarandi svör um flutning og stofnun nýrra starfa úti á landi.
Vegagerðin.
Hinn 1. janúar 2002 voru fastir starfsmenn Vegagerðarinnar 352, þar af 220 starfandi á landsbyggðinni.
Árið 2002 var ekkert starf hjá Vegagerðinni flutt út á land en hins vegar var eitt nýtt starf stofnað, þ.e. staða tæknifræðings á Akureyri. Starfið felst í framkvæmdakaupum og eftirliti.
Árið 2001 voru nokkur störf flutt eða stofnuð ný á landsbyggðinni:
– Fjögur störf þjónustufulltrúa á Ísafirði. Þjónustudeild, símsvörun og upplýsingagjöf til vegfarenda.
– Eitt starf tæknimanns á Sauðárkróki. Framkvæmdakaup, eftirlit og yfirborðsmerkingar vega.
– Eitt starf tæknifræðings á Akureyri. Áætlanadeild, umferð- og umferðaröryggismál.
– Eitt starf jarðfræðings á Akureyri. Rannsóknardeild, jarðfræðirannsóknir.
– Eitt starf vélamanns á Höfn. Þjónustusvæði, vélamaður.
Árið 2000 voru nokkur störf flutt eða stofnuð ný á landsbyggðinni:
– Eitt starf tæknifræðings í Borgarnesi. Framkvæmdakaup og eftirlit, eftirlit með framkvæmdum.
– Eitt starf verkfræðings á Akureyri. Áætlanir, hönnun vega.
– Tvö störf eftirlitsmanna á Akureyri. Framkvæmdadeild, viðhaldsstjórnun vega, skoðun slitlaga og annað eftirlit.
Rannsóknarnefnd sjóslysa.
Rannsóknarnefnd sjóslysa var flutt frá Reykjavík til Stykkishólms í desember 2001 og var þá framkvæmdastjóri ráðinn til starfa. Hinn 1. janúar 2002 var nýr starfsmaður ráðinn fyrir nefndina.
Ferðamálaráð Íslands.
Ekki voru nein störf á vegum Ferðamálaráðs Íslands flutt út á land árið 2002 en verkefni sem unnin hafa verið varðandi upplýsingamiðlun á skrifstofu ráðsins í Reykjavík voru flutt til skrifstofu ráðsins á Akureyri í upphafi ársins 2002.
Flugmálastjórn Íslands, Siglingastofnun Íslands, Póst- og fjarskiptastofnun og Rannsóknarnefnd flugslysa fluttu ekki störf út á land á árinu 2002.
