[prenta uppsett í dálka] 73. fundur, 130. lþ.
Ásgeir Friðgeirsson:
Frú forseti. Ég ítreka það sem ég sagði áðan að til umræðu er starfsumhverfi einnar þeirrar greinar sem hefur víðast hvar á Vesturlöndum náð hvað mestum árangri á sviði nýsköpunar. Ráðherra viðskipta- og iðnaðarmála getur ekki vísað þessu frá og ég spyr hvort það hljóti ekki að vera skylda hæstv. iðn.- og viðskrh. að móta stefnu stjórnvalda á þessu sviði þar sem sett eru skýr markmið um öfluga innlenda dagskrárgerð og kvikmyndagerð og að stuðningur stjórnvalda við þá framtíðarsýn verði skilgreindur skilmerkilega.
