Flm. (Lára Margrét Ragnarsdóttir) (andsvar):
Herra forseti. Mér þykir afar leitt að hv. þm. Jón Gunnarsson skuli tala um ,,ef`` það eigi að reisa sædýrasafn. Ég hefði viljað heyra hann jákvæðari gagnvart hugmyndinni.
Þáltill. mín byggist fyrst og fremst á skoðunum og niðurstöðum manna sem eru sérhæfðir í ferðamálum og hafa kannað möguleika á staðsetningu fyrir rekstur svona safns til hins ýtrasta. Niðurstaða þeirra er sú að það skuli vera byggt á höfuðborgarsvæðinu. En ég vona að hv. þingmaður átti sig líka á því að í dag er t.d. Akranessvæðið talið til höfuðborgarsvæðisins og það er jafnvel styttra til Sandgerðis en til Akraness.