[prenta uppsett í dálka] 47. fundur, 130. lþ.
Birkir J. Jónsson (andsvar):
Hæstv. forseti. Hv. þm. kom akkúrat með lykilorðið hér áðan þegar við fórum að tala um hver veruleikinn var fyrir daga kvótakerfisins, þegar fyrirtæki fóru á hausinn. Það er málið. Fyrirtæki fóru nefnilega unnvörpum á hausinn fyrir tíð kvótakerfisins. Hvaða áhrif hafði það á efnahag landsins? Hvaða áhrif hafði það á bankastarfsemi í landinu? Ég held að menn verði að líta á söguna.
Ég segi: Íslenskur sjávarútvegur er myndarlega rekinn í dag og ég mun ekki standa að aðför að fólki sem vinnur við íslenskan sjávarútveg eða þeim sem reka fiskvinnslufyrirtæki og gera það vel. (GMJ: Það er enginn að tala um ...)
