[prenta uppsett í dálka] 49. fundur, 130. lþ.
Kristján L. Möller (andsvar):
Frú forseti. Þetta andsvar og svör hv. formanns sjútvn. mun ég ræða betur á eftir og fara betur í þegar meiri tími gefst til. En á þeirri mínútu sem ég á hér eftir þá vil ég spyrja hv. þm. út í það vegna þess að honum er tíðrætt um það og reynir að telja okkur trú um það að byggðakvótaákvæðið sé styrkt í þessu þrátt fyrir að það fari út úr lögunum. Þess vegna vil ég spyrja hv. þm.: Hvað gerist ef sjútvrh. þarf að úthluta fljótlega stórum hluta af hámarkinu skv. 9. gr. vegna aflabrests í einhverri tegund eins og gerst hefur einmitt núna í Breiðafirði, er þá gulltryggt að restinni verði ekki úthlutað strax til þeirra samkvæmt aflamarki?
