Aðrar útgáfur af skjalinu: PDF - Word Perfect. Ferill 143. máls.

---

130. löggjafarþing 2003–2004.
Þskj. 143  —  143. mál.

Frumvarp til laga

um breytingu á lögum um málefni aldraðra, nr. 125/1999, með síðari breytingum.

(Lagt fyrir Alþingi á 130. löggjafarþingi 2003–2004.)

1. gr.

    Í stað fjárhæðarinnar „5.440“ í 2. málsl. 1. mgr. 10. gr. laganna kemur: 5.576.

2. gr.

    Lög þessi öðlast þegar gildi og koma til framkvæmda við álagningu opinberra gjalda á árinu 2004 vegna tekna ársins 2003.

Athugasemdir við lagafrumvarp þetta.

    Í frumvarpinu er lagt til að gjald í Framkvæmdasjóð aldraða sé hækkað um 2,5% eða 136 kr. og skuli nema 5.576 kr. á hvern gjaldanda í stað 5.440 kr. í gildandi lögum. Hækkunin er vegna verðlagsbreytinga, en gert er ráð fyrir að byggingarvísitala hækki um 2,5% frá meðalverði ársins 2003 til meðalverðs ársins 2004.



Fylgiskjal.


Fjármálaráðuneyti,
fjárlagaskrifstofa:

Umsögn um frumvarp til laga um breytingu á lögum nr. 125/1999,
um málefni aldraðra, með síðari breytingum.

    Með frumvarpinu er lagt til að sérstakt gjald sem skattstjórar leggja á þá sem skattskyldir eru skv. 1. gr. laga nr. 90/2003, um tekjuskatt og eignarskatt, og rennur í Framkvæmdasjóð aldraðra skuli nema 5.576 kr. á hvern gjaldanda í stað 5.440 kr. í gildandi lögum. Hækkun á hvern gjaldanda nemur 136 kr., sem eru 2,5%. Í fjárlagafrumvarpi fyrir árið 2004 er miðað við að gjaldendur á því ári verði 169.000 og því hækka tekjur sjóðsins um 23 m.kr. frá forsendum fjárlagafrumvarps.