Aðrar útgáfur af skjalinu: PDF - Word Perfect. Ferill 152. máls.
130. löggjafarþing 2003–2004.
Þskj. 152 — 152. mál.
Frumvarp til laga
um breytingu á barnalögum, nr. 76/2003.
Frá allsherjarnefnd.
1. gr.
Í stað dagsetningarinnar „1. janúar 2003“ hvarvetna í 81. gr. laganna kemur: 1. nóvember 2003.
2. gr.
Lög þessi öðlast þegar gildi.
G r e i n a r g e r ð.
Þegar frumvarp til nýrra barnalaga (nr. 76 frá 27. mars 2003) var samþykkt á 128. löggjafarþingi láðist að breyta dagsetningum í 81. gr. þess, sem fjallar um lagaskil, til samræmis við gildistökuákvæði þess sem var breytt í meðförum allsherjarnefndar úr 1. janúar 2003 í 1. nóvember 2003. Frumvarpi þessu er ætlað að samræma lagaskilaákvæði og gildistökuákvæði laganna áður en þau taka gildi 1. nóvember nk.
