Aðrar útgáfur af skjalinu: PDF - Word Perfect. Ferill 183. máls.
130. löggjafarþing 2003–2004.
Þskj. 241 — 183. mál.
sjávarútvegsráðherra við fyrirspurn Magnúsar Þórs Hafsteinssonar um meðafla í flotvörpu.
Fyrirspurnin hljóðar svo:
1. Hver er meðafli sem mælst hefur í afla kolmunna-, síldveiði- og loðnuskipa, greint eftir veiðitegundum uppsjávarafla og tegundum meðafla?
2. Hvernig skiptist þessi meðafli á milli veiðisvæða og tímabila?
3. Hversu mikið af meðaflanum hefur verið reiknað til aflamarks hjá viðkomandi skipum?
4. Hversu oft hefur komið til svæðalokana vegna meðafla uppsjávarveiðiskipa og þá hvar og hvenær?
5. Hve oft hefur Fiskistofa gert sérstaka athugun á þessum meðafla?
Í 1.–3. lið er spurt um magn meðafla og tegundaskiptingu hans eftir veiðisvæðum, tímabilum og tegund veiða. Tafla 1 sýnir magn og tegundaskiptingu meðafla sem fékkst við síldveiðar með flotvörpu innan landhelginnar á tímabilinu 1. september 2000 til 31. ágúst 2003. Í töflu 2 er svo meðafli sem fékkst við síld- og kolmunnaveiðar í flotvörpu utan landhelgi á sama tímabili. Skráður meðafli byggist á upplýsingum frá löndunarhöfnum. Enginn meðafli var veginn við löndun loðnuafla sem fékkst við veiðar með flotvörpu.
Í 4. lið er spurt um umfang svæðalokana. Togveiðum á loðnu, kolmunna og síld er stýrt með reglugerðum. Kolmunnaveiðar með vörpu eru óheimilar án sérstaks leyfis Fiskistofu og flotvörpuveiðarnar eru takmarkaðar við skilgreind svæði, sbr. reglugerð nr. 146/2003, um togveiðar á kolmunna. Síldveiðar með vörpu eru einnig háðar sérstöku leyfi Fiskistofu auk þess sem þær hafa verið óheimilar á ákveðnum svæðum og eru nú með öllu óheimilar fyrir Vestur-, Suður- og Austurlandi, sbr. reglugerð nr. 710/2003, um bann við síldveiðum með vörpu. Meginregla varðandi loðnuveiðar er sú að þær hafa eingöngu verið heimilar með nót, sbr. reglugerð nr. 523/2003, um loðnuveiðar íslenskra skipa 2003/2004. Hins vegar er heimilt að veita tilraunaleyfi til veiða á loðnu með vörpu, að fengnum tillögum Hafrannsóknastofnunarinnar, og hefur það verið gert undanfarin ár. Sett var tímabundin reglugerð um bann við kolmunnaveiðum á Þórsbanka og gilti hún seinni hluta ársins 2002. Sams konar reglugerð var sett í maí 2003 og er hún ótímabundin. Tvívegis hefur verið beitt skyndilokunum vegna meðafla við síldveiðar (tilkynningar um skyndilokanir nr. 135 og 136, sjá fylgiskjal).
Í 5. lið er spurt um athuganir Fiskistofu á meðafla. Á tímabilinu 1. september 2000 til 31. ágúst 2003 hafa eftirlitsmenn Fiskistofu verið um borð í kolmunna-, síldar- og loðnuskipum sem hér segir:
Þessi vera eftirlitsmanna um borð í kolmunna-, síldar- og loðnuskipum hefur leitt til þeirra reglna sem í gildi eru um takmarkanir veiðisvæða umræddra skipa. Fiskistofa tók saman minnisblað fyrir sjávarútvegsráðuneytið í febrúar sl. um meðafla við flottrollsveiðar á uppsjávarafla tímabilið 1. apríl 2002 til 10. febrúar 2003. Þá fékk Fiskistofa sérstaka fjárveitingu frá sjávarútvegsráðuneytinu sl. vor til að ráða þrjá eftirlitsmenn í sex mánuði til að gera úttekt á meðafla við flottrollsveiðar á uppsjávarafla. Það verkefni stendur enn yfir og er áætlað að niðurstöður liggi fyrir um næstu áramót. Verkefnið er unnið í samstarfi við Hafrannsóknastofnunina.
Tafla 1. Meðafli íslenskra skipa við veiðar á síld innan landhelgi með flotvörpu. Löndun frá 1. september 2000 til 31. ágúst 2003.
Meðafli Hoffells 6. janúar 2003 var vigtaður, skráður og boðinn upp sem „Hafróafli“.
Meðafli Ásgríms Halldórssonar 17.–22. janúar 2003 var vigtaður og skráður, en fór til bræðslu og var ekki reiknaður til aflamarks.
Allur annar afli var reiknaður till aflamarks, þ.e. ef viðkomandi tegund er í aflamarki.
Enginn meðafli var vigtaður né skráður á tímabilinu við loðnuveiðar innan landhelgi.
Enginn meðafli var vigtaður né skráður á tímabilinu við kolmunnaveiðar innan landhelgi.
Framangreindar upplýsingar byggjast á „Lóðsinum“, þ.e. skráningum viðkomandi hafnarstarfsmanna. Tafla 2. Meðafli íslenskra skipa við veiðar á síld og kolmunna utan landhelgi með flotvörpu 1. september 2000 til 31. ágúst 2003.
Allur afli var reiknaður til aflamarks, þ.e. ef viðkomandi tegund er í aflamarki.
Enginn meðafli var vigtaður né skráður á tímabilinu við loðnuveiðar utan landhelgi.
Allar framangreindar landanir eru blandaðar, þ.e. bæði kolmunni og síld auk meðafla.
Framangreindar upplýsingar byggjast á „Lóðsinum“, þ.e. skráningum viðkomandi hafnarstarfsmanna og skráningum starfsmanna Fiskistofu þegar um er að ræða landanir erlendis.
Fylgiskjal.
Hafrannsóknastofnunin:
130. löggjafarþing 2003–2004.
Þskj. 241 — 183. mál.
Svar
sjávarútvegsráðherra við fyrirspurn Magnúsar Þórs Hafsteinssonar um meðafla í flotvörpu.
Fyrirspurnin hljóðar svo:
1. Hver er meðafli sem mælst hefur í afla kolmunna-, síldveiði- og loðnuskipa, greint eftir veiðitegundum uppsjávarafla og tegundum meðafla?
2. Hvernig skiptist þessi meðafli á milli veiðisvæða og tímabila?
3. Hversu mikið af meðaflanum hefur verið reiknað til aflamarks hjá viðkomandi skipum?
4. Hversu oft hefur komið til svæðalokana vegna meðafla uppsjávarveiðiskipa og þá hvar og hvenær?
5. Hve oft hefur Fiskistofa gert sérstaka athugun á þessum meðafla?
Í 1.–3. lið er spurt um magn meðafla og tegundaskiptingu hans eftir veiðisvæðum, tímabilum og tegund veiða. Tafla 1 sýnir magn og tegundaskiptingu meðafla sem fékkst við síldveiðar með flotvörpu innan landhelginnar á tímabilinu 1. september 2000 til 31. ágúst 2003. Í töflu 2 er svo meðafli sem fékkst við síld- og kolmunnaveiðar í flotvörpu utan landhelgi á sama tímabili. Skráður meðafli byggist á upplýsingum frá löndunarhöfnum. Enginn meðafli var veginn við löndun loðnuafla sem fékkst við veiðar með flotvörpu.
Í 4. lið er spurt um umfang svæðalokana. Togveiðum á loðnu, kolmunna og síld er stýrt með reglugerðum. Kolmunnaveiðar með vörpu eru óheimilar án sérstaks leyfis Fiskistofu og flotvörpuveiðarnar eru takmarkaðar við skilgreind svæði, sbr. reglugerð nr. 146/2003, um togveiðar á kolmunna. Síldveiðar með vörpu eru einnig háðar sérstöku leyfi Fiskistofu auk þess sem þær hafa verið óheimilar á ákveðnum svæðum og eru nú með öllu óheimilar fyrir Vestur-, Suður- og Austurlandi, sbr. reglugerð nr. 710/2003, um bann við síldveiðum með vörpu. Meginregla varðandi loðnuveiðar er sú að þær hafa eingöngu verið heimilar með nót, sbr. reglugerð nr. 523/2003, um loðnuveiðar íslenskra skipa 2003/2004. Hins vegar er heimilt að veita tilraunaleyfi til veiða á loðnu með vörpu, að fengnum tillögum Hafrannsóknastofnunarinnar, og hefur það verið gert undanfarin ár. Sett var tímabundin reglugerð um bann við kolmunnaveiðum á Þórsbanka og gilti hún seinni hluta ársins 2002. Sams konar reglugerð var sett í maí 2003 og er hún ótímabundin. Tvívegis hefur verið beitt skyndilokunum vegna meðafla við síldveiðar (tilkynningar um skyndilokanir nr. 135 og 136, sjá fylgiskjal).
Í 5. lið er spurt um athuganir Fiskistofu á meðafla. Á tímabilinu 1. september 2000 til 31. ágúst 2003 hafa eftirlitsmenn Fiskistofu verið um borð í kolmunna-, síldar- og loðnuskipum sem hér segir:
| Veiðiferðir | Dagar | ||
| Kolmunnatroll | 11 | 78 | |
| Síldarnót | 58 | 185 | |
| Síldartroll | 46 | 287 | |
| Loðnunót | 8 | 30 | |
| Loðnutroll | 5 | 35 | |
Þessi vera eftirlitsmanna um borð í kolmunna-, síldar- og loðnuskipum hefur leitt til þeirra reglna sem í gildi eru um takmarkanir veiðisvæða umræddra skipa. Fiskistofa tók saman minnisblað fyrir sjávarútvegsráðuneytið í febrúar sl. um meðafla við flottrollsveiðar á uppsjávarafla tímabilið 1. apríl 2002 til 10. febrúar 2003. Þá fékk Fiskistofa sérstaka fjárveitingu frá sjávarútvegsráðuneytinu sl. vor til að ráða þrjá eftirlitsmenn í sex mánuði til að gera úttekt á meðafla við flottrollsveiðar á uppsjávarafla. Það verkefni stendur enn yfir og er áætlað að niðurstöður liggi fyrir um næstu áramót. Verkefnið er unnið í samstarfi við Hafrannsóknastofnunina.
Tafla 1. Meðafli íslenskra skipa við veiðar á síld innan landhelgi með flotvörpu. Löndun frá 1. september 2000 til 31. ágúst 2003.
Hér er efni sem sést aðeins í pdf-skjalinu.
Meðafli Hoffells 6. janúar 2003 var vigtaður, skráður og boðinn upp sem „Hafróafli“.
Meðafli Ásgríms Halldórssonar 17.–22. janúar 2003 var vigtaður og skráður, en fór til bræðslu og var ekki reiknaður til aflamarks.
Allur annar afli var reiknaður till aflamarks, þ.e. ef viðkomandi tegund er í aflamarki.
Enginn meðafli var vigtaður né skráður á tímabilinu við loðnuveiðar innan landhelgi.
Enginn meðafli var vigtaður né skráður á tímabilinu við kolmunnaveiðar innan landhelgi.
Framangreindar upplýsingar byggjast á „Lóðsinum“, þ.e. skráningum viðkomandi hafnarstarfsmanna. Tafla 2. Meðafli íslenskra skipa við veiðar á síld og kolmunna utan landhelgi með flotvörpu 1. september 2000 til 31. ágúst 2003.
Hér er efni sem sést aðeins í pdf-skjalinu.
Allur afli var reiknaður til aflamarks, þ.e. ef viðkomandi tegund er í aflamarki.
Enginn meðafli var vigtaður né skráður á tímabilinu við loðnuveiðar utan landhelgi.
Allar framangreindar landanir eru blandaðar, þ.e. bæði kolmunni og síld auk meðafla.
Framangreindar upplýsingar byggjast á „Lóðsinum“, þ.e. skráningum viðkomandi hafnarstarfsmanna og skráningum starfsmanna Fiskistofu þegar um er að ræða landanir erlendis.
Fylgiskjal.
Hafrannsóknastofnunin:
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
