Aðrar útgáfur af skjalinu: PDF - Word Perfect. Ferill 195. máls.
130. löggjafarþing 2003–2004.
Þskj. 276 — 195. mál.
utanríkisráðherra við fyrirspurn Þórunnar Sveinbjarnardóttur um íslensku friðargæsluna.
1. Hversu margir einstaklingar eru á viðbragðslista íslensku friðargæslunnar? Hversu margar konur og hversu margir karlar?
Á viðbragðslista íslensku friðargæslunnar eru 184 manns. Í viðbragðsstöðu er 151, óvirkir eru 12 og 21 er að störfum. Konur á viðbragðslistanum eru 62 af 184 eða 34%. Karlar á viðbragðslistanum eru 122 af 184 eða 66%.
2. Hversu margir einstaklingar á viðbragðslistanum hafa verið sendir til starfa erlendis fyrir íslensku friðargæsluna?
Árið 2001 voru 17 einstaklingar á vettvangi, árið 2002 36 einstaklingar og það sem af er þessu ári hefur 41 verið sendur á vettvang.
3. Hafa einhverjir verið sendir til starfa fyrir friðargæsluna sem ekki hafa verið á viðbragðslistanum?
Já, í þeim tilfellum þar sem þá sérfræðiþekkingu sem til þurfti var ekki að finna hjá einstaklingum á viðbragðslistanum.
4. Hvaða skilyrði þarf fólk að uppfylla til þess að komast á viðbragðslistann?
Umsækjendur skulu vera að minnsta kosti 25 ára og hafa:
* háskólapróf, aðra sérmenntun eða með öðrum hætti hafa aflað sér sérhæfðrar þekkingar og reynslu,
* mjög góða enskukunnáttu,
* hæfni í mannlegum samskiptum, sérstaklega við fólk úr ólíkum menningarheimum og með margvísleg trúarbrögð,
* þolgæði undir álagi,
* öguð og sjálfstæð vinnubrögð,
* hæfileika til að aðlagast nýjum aðstæðum og frumstæðu vinnuumhverfi.
Þekking og/eða reynsla af störfum að neyðar- og mannúðarmálum er æskileg, sem og kunnátta í öðrum tungumálum, svo sem Norðurlandamálum, frönsku og þýsku.
5. Hvernig fer þjálfun væntanlegra friðargæsluliða fram og hver hefur umsjón með henni?
Öryggisnámskeið er haldið fyrir einstaklinga á viðbragðslista íslensku friðargæslunnar og er það tvískipt. Fyrri hlutinn snýr að rötun og notkun GPS-staðsetningarbúnaðar og skiptist í eftirfarandi þætti:
* Rötun.
* Áttavitinn.
* Kort og kortalestur.
* Hnitakerfin.
* Staðarákvarðanir.
* Að ná áttum.
* GPS-tæknin.
* GPS-staðsetningartæknin.
* Staðsetningartæki.
* Gervitungl.
* Kort og GPS-tæki.
* Verkleg æfing.
Slysavarnafélagið Landsbjörg sér um þennan hluta námskeiðsins.
Seinni hlutinn snýr að almennu öryggi og skiptist í eftirfarandi þætti:
* Fræðsla hjá Landhelgisgæslunni: jarðsprengjur o.fl.
* Sérsveit ríkislögreglustjóra: gíslataka, eftirlitspóstar, viðbrögð á hættustundu, mótstöðuafl hluta o.fl.
6. Hversu margir starfsmenn í utanríkisráðuneytinu starfa að málefnum friðargæslunnar?
Tveir starfsmenn sinna málefnum friðargæslunnar á alþjóðaskrifstofu utanríkisráðuneytisins. Þeir geta jafnframt leitað til annara starfsmanna alþjóðaskrifstofu ef þörf krefur.
7. Eru fyrirhugaðar einhverjar breytingar á skipulagi friðargæslunnar á næsta ári?
Helstu breytingar sem verða á skipulagi friðargæslunnar frá og með næsta ári lúta að fyrirhugaðri stækkun friðargæslunnar þannig að hún hafi á að skipa hópi 50 útsendra starfsmanna árið 2006 eins og að er stefnt. Þessi fjöldi mun m.a. gera kröfu til fjölgunar starfsmanna á viðbragðslista friðargæslunnar úr 180 eins og er í dag í 250 manns og mun sú aukning hefjast frá og með næsta ári. Á sama tíma verður unnið að því innan ráðuneytisins að efla stjórn friðargæslunnar og fræðslu og almennan undirbúning þeirra sem fara á erlendan vettvang.
8. Hver er áætlaður kostnaður við íslensku friðargæsluna í ár og næstu þrjú ár, og hvernig skiptist hann?
Samkvæmt fjárlagafrumvarpi verða framlög til friðargæslu 329,8 millj. kr. árið 2004. Gert er ráð fyrir að framlög fari hækkandi á næstu árum og stefnt að því að þau verði 550 millj. kr. árið 2006 og að friðargæsluliðar á vettvangi verði þá 50.
9. Er ráðgert að efna til samstarfs með Norðurlandaþjóðunum um friðargæslu?
Við undirritun utanríkisráðherra á samkomulagi um samvinnu við aðrar Norðurlandaþjóðir, svokallað Nordic Coordinated Arrangement for Military Peace Support (NORDCAPS) í Reykjavík 3. september sl. var m.a. lagður grundvöllur að samvinnu við aðrar Norðurlandaþjóðir um friðargæslu.
10. Hvernig er verksvið íslensku friðargæslunnar skilgreint innan þeirra alþjóðastofnana og samtaka sem í hlut eiga, svo sem Sameinuðu þjóðanna og Atlantshafsbandalagsins?
Verksvið íslensku friðargæslunnar í samstarfi við aðrar alþjóðastofnanir á borð við Sameinuðu þjóðirnar, Atlantshafsbandalagið eða Evrópusambandið er skilgreint sem þátttaka Íslendinga í friðarverkefnum með borgaralegu framlagi íslenskra sérfræðinga eða starfsmanna á sem breiðustum grundvelli með það markmið í huga að slíkt framlag komi að raunverulegu gagni við úrlausn þess vanda sem við er að glíma hverju sinni.
130. löggjafarþing 2003–2004.
Þskj. 276 — 195. mál.
Svar
utanríkisráðherra við fyrirspurn Þórunnar Sveinbjarnardóttur um íslensku friðargæsluna.
1. Hversu margir einstaklingar eru á viðbragðslista íslensku friðargæslunnar? Hversu margar konur og hversu margir karlar?
Á viðbragðslista íslensku friðargæslunnar eru 184 manns. Í viðbragðsstöðu er 151, óvirkir eru 12 og 21 er að störfum. Konur á viðbragðslistanum eru 62 af 184 eða 34%. Karlar á viðbragðslistanum eru 122 af 184 eða 66%.
2. Hversu margir einstaklingar á viðbragðslistanum hafa verið sendir til starfa erlendis fyrir íslensku friðargæsluna?
Árið 2001 voru 17 einstaklingar á vettvangi, árið 2002 36 einstaklingar og það sem af er þessu ári hefur 41 verið sendur á vettvang.
3. Hafa einhverjir verið sendir til starfa fyrir friðargæsluna sem ekki hafa verið á viðbragðslistanum?
Já, í þeim tilfellum þar sem þá sérfræðiþekkingu sem til þurfti var ekki að finna hjá einstaklingum á viðbragðslistanum.
4. Hvaða skilyrði þarf fólk að uppfylla til þess að komast á viðbragðslistann?
Umsækjendur skulu vera að minnsta kosti 25 ára og hafa:
* háskólapróf, aðra sérmenntun eða með öðrum hætti hafa aflað sér sérhæfðrar þekkingar og reynslu,
* mjög góða enskukunnáttu,
* hæfni í mannlegum samskiptum, sérstaklega við fólk úr ólíkum menningarheimum og með margvísleg trúarbrögð,
* þolgæði undir álagi,
* öguð og sjálfstæð vinnubrögð,
* hæfileika til að aðlagast nýjum aðstæðum og frumstæðu vinnuumhverfi.
Þekking og/eða reynsla af störfum að neyðar- og mannúðarmálum er æskileg, sem og kunnátta í öðrum tungumálum, svo sem Norðurlandamálum, frönsku og þýsku.
5. Hvernig fer þjálfun væntanlegra friðargæsluliða fram og hver hefur umsjón með henni?
Öryggisnámskeið er haldið fyrir einstaklinga á viðbragðslista íslensku friðargæslunnar og er það tvískipt. Fyrri hlutinn snýr að rötun og notkun GPS-staðsetningarbúnaðar og skiptist í eftirfarandi þætti:
* Rötun.
* Áttavitinn.
* Kort og kortalestur.
* Hnitakerfin.
* Staðarákvarðanir.
* Að ná áttum.
* GPS-tæknin.
* GPS-staðsetningartæknin.
* Staðsetningartæki.
* Gervitungl.
* Kort og GPS-tæki.
* Verkleg æfing.
Slysavarnafélagið Landsbjörg sér um þennan hluta námskeiðsins.
Seinni hlutinn snýr að almennu öryggi og skiptist í eftirfarandi þætti:
* Fræðsla hjá Landhelgisgæslunni: jarðsprengjur o.fl.
* Sérsveit ríkislögreglustjóra: gíslataka, eftirlitspóstar, viðbrögð á hættustundu, mótstöðuafl hluta o.fl.
6. Hversu margir starfsmenn í utanríkisráðuneytinu starfa að málefnum friðargæslunnar?
Tveir starfsmenn sinna málefnum friðargæslunnar á alþjóðaskrifstofu utanríkisráðuneytisins. Þeir geta jafnframt leitað til annara starfsmanna alþjóðaskrifstofu ef þörf krefur.
7. Eru fyrirhugaðar einhverjar breytingar á skipulagi friðargæslunnar á næsta ári?
Helstu breytingar sem verða á skipulagi friðargæslunnar frá og með næsta ári lúta að fyrirhugaðri stækkun friðargæslunnar þannig að hún hafi á að skipa hópi 50 útsendra starfsmanna árið 2006 eins og að er stefnt. Þessi fjöldi mun m.a. gera kröfu til fjölgunar starfsmanna á viðbragðslista friðargæslunnar úr 180 eins og er í dag í 250 manns og mun sú aukning hefjast frá og með næsta ári. Á sama tíma verður unnið að því innan ráðuneytisins að efla stjórn friðargæslunnar og fræðslu og almennan undirbúning þeirra sem fara á erlendan vettvang.
8. Hver er áætlaður kostnaður við íslensku friðargæsluna í ár og næstu þrjú ár, og hvernig skiptist hann?
| Íslensk friðargæsla – áætlaður kostnaður 2003. | |
| Millj.kr. | |
| Launakostnaður | 172,0 |
| Dagpeningar | 32,0 |
| Ferðakostnaður | 15,0 |
| Ýmis kostnaður | 3,0 |
| Tryggingar vegna Pristínaflugvallar | 2,3 |
| Framlög til rekstrar Pristínaflugvallar | 25,0 |
| Norska utn. vegna Srí Lanka | 5,9 |
| Unifem vegna starfsm. á skrifstofu Unifem í Kosovo | 5,1 |
| Unifem á Íslandi | 0,5 |
| Framlag til EUPM | 2,2 |
| Framlag til Concordia | 1,7 |
| Samtals | 264,7 |
Samkvæmt fjárlagafrumvarpi verða framlög til friðargæslu 329,8 millj. kr. árið 2004. Gert er ráð fyrir að framlög fari hækkandi á næstu árum og stefnt að því að þau verði 550 millj. kr. árið 2006 og að friðargæsluliðar á vettvangi verði þá 50.
9. Er ráðgert að efna til samstarfs með Norðurlandaþjóðunum um friðargæslu?
Við undirritun utanríkisráðherra á samkomulagi um samvinnu við aðrar Norðurlandaþjóðir, svokallað Nordic Coordinated Arrangement for Military Peace Support (NORDCAPS) í Reykjavík 3. september sl. var m.a. lagður grundvöllur að samvinnu við aðrar Norðurlandaþjóðir um friðargæslu.
10. Hvernig er verksvið íslensku friðargæslunnar skilgreint innan þeirra alþjóðastofnana og samtaka sem í hlut eiga, svo sem Sameinuðu þjóðanna og Atlantshafsbandalagsins?
Verksvið íslensku friðargæslunnar í samstarfi við aðrar alþjóðastofnanir á borð við Sameinuðu þjóðirnar, Atlantshafsbandalagið eða Evrópusambandið er skilgreint sem þátttaka Íslendinga í friðarverkefnum með borgaralegu framlagi íslenskra sérfræðinga eða starfsmanna á sem breiðustum grundvelli með það markmið í huga að slíkt framlag komi að raunverulegu gagni við úrlausn þess vanda sem við er að glíma hverju sinni.
