Aðrar útgáfur af skjalinu: PDF - Word Perfect. Ferill 798. máls.
130. löggjafarþing 2003–2004.
Þskj. 1668 — 798. mál.
viðskiptaráðherra við fyrirspurn Jóhönnu Sigurðardóttur um fjárfestingar viðskiptabanka.
Viðskiptaráðuneytið óskaði eftir upplýsingum frá Samtökum banka og verðbréfafyrirtækja (SBV) til að svara fyrirspurninni. SBV leitaði eftir svörum frá Íslandsbanka hf., KB-banka hf. og Landsbanka Íslands hf. Meðfylgjandi svör eru tekin upp úr innsendum upplýsingum frá viðskiptabönkunum þremur.
1. Hvert var markaðsvirði hlutafjáreignar viðskiptabankanna og dótturfyrirtækja þeirra í fyrirtækjum skráðum í Kauphöll Íslands í milljörðum króna og sem hlutfall af markaðsvirði skráðra hlutabréfa í lok áranna 2000 og 2003? Hvert var markaðsvirði hlutafjáreignar viðskiptabankanna í öðrum félögum á sama tíma?
Markaðsvirði hlutafjáreignar viðskiptabankanna þriggja og dótturfyrirtækja þeirra í fyrirtækjum skráðum í Kauphöll Íslands var 17,2 milljarðar kr. í lok árs 2000 og 34 milljarðar kr. í lok árs 2003. Hlutafjáreign viðskiptabankanna í skráðum fyrirtækjum nam 4,1% af heildarmarkaðsvirði fyrirtækja í Kauphöll Íslands í lok árs 2000 og 5,2% í lok árs 2003.
Markaðsvirði hlutafjáreignar viðskiptabankanna í öðrum fyrirtækjum var 15,9 milljarðar kr. í lok árs 2000 og 34,3 milljarðar kr. í lok árs 2003.
2. Hver var fjöldi fyrirtækja og dótturfélaga sem viðskiptabankarnir áttu hlut í innan lands og erlendis í lok áranna 2000 og 2003?
Viðskiptabankarnir áttu samtals hlut í 410 fyrirtækjum í lok árs 2000 og 400 fyrirtækjum í lok árs 2003. Þess ber að geta að í mörgum tilfellum eiga tveir eða allir viðskiptabankanna hlut í sama fyrirtæki.
3. Hvernig skiptist hlutafjáreignin innbyrðis milli bankanna og hverjar voru fimm verðmætustu eignirnar hjá hverjum banka um sig í lok áranna 2000 og 2003?
Hlutabréfaeignin skiptist þannig á milli bankanna:
Fimm verðmætustu hlutafjáreignir Íslandsbanka í lok árs 2000 voru Glitnir hf., R Raphael & Sons PLC, Íslandsbanki hf., Ker hf. og Baugur hf. Í lok árs 2003 voru það Sjóvá-Almennar tryggingar hf., Straumur hf., Framtak fjárfestingarbanki hf., Sölumiðstöð hraðfrystihúsanna og R. Raphael & Sons PLC.
Fimm verðmætustu hlutafjáreignir KB-banka í lok árs 2000 (þ.e. Kaupþings hf. og Búnaðarbanka Íslands hf.) voru Frjálsi fjárfestingarbankinn hf., Össur hf., Kaupthing Lux. SA, Sól-Víking hf. og Samherji hf. Í lok árs 2003 voru það Kaupthing Bank Sverige, Norvestia Oy, Vátryggingafélag Íslands hf., Singer & Friedlander Grp. plc. og Baugur Group hf.
Fimm verðmætustu hlutafjáreignir Landsbanka í lok árs 2000 voru Vátryggingafélag Íslands hf., The Heritable Bank Ltd., Íslenski hugbúnaðarsjóðurinn hf., Kaupás hf. og Lýsing hf. Í lok árs 2003 voru það Eimskipafélag Íslands hf., The Heritable Bank Ltd., Sölumiðstöð hraðfrystihúsanna hf., Landsafl hf. og Landsbanki Lúxemborg SA.
4. Hversu hátt hlutfall af eignum bankanna var í erlendum og innlendum skuldabréfum og erlendum og innlendum hlutabréfum í lok áranna 2000 og 2003?
Í lok árs 2000 var hlutfall erlendra skuldabréfa 0,43% af eignum viðskiptabankanna þriggja að meðaltali og innlendra skuldabréfa 6,04%. Hlutfall erlendra hlutabréfa var 0,82% og innlendra hlutabréfa 3,62%.
Í lok árs 2003 var hlutfall erlendra skuldabréfa 0,41% af eignum viðskiptabankanna þriggja að meðaltali og innlendra skuldabréfa 5,42%. Hlutfall erlendra hlutabréfa var 1,06% og innlendra hlutabréfa 3,22%.
130. löggjafarþing 2003–2004.
Þskj. 1668 — 798. mál.
Svar
viðskiptaráðherra við fyrirspurn Jóhönnu Sigurðardóttur um fjárfestingar viðskiptabanka.
Viðskiptaráðuneytið óskaði eftir upplýsingum frá Samtökum banka og verðbréfafyrirtækja (SBV) til að svara fyrirspurninni. SBV leitaði eftir svörum frá Íslandsbanka hf., KB-banka hf. og Landsbanka Íslands hf. Meðfylgjandi svör eru tekin upp úr innsendum upplýsingum frá viðskiptabönkunum þremur.
1. Hvert var markaðsvirði hlutafjáreignar viðskiptabankanna og dótturfyrirtækja þeirra í fyrirtækjum skráðum í Kauphöll Íslands í milljörðum króna og sem hlutfall af markaðsvirði skráðra hlutabréfa í lok áranna 2000 og 2003? Hvert var markaðsvirði hlutafjáreignar viðskiptabankanna í öðrum félögum á sama tíma?
Markaðsvirði hlutafjáreignar viðskiptabankanna þriggja og dótturfyrirtækja þeirra í fyrirtækjum skráðum í Kauphöll Íslands var 17,2 milljarðar kr. í lok árs 2000 og 34 milljarðar kr. í lok árs 2003. Hlutafjáreign viðskiptabankanna í skráðum fyrirtækjum nam 4,1% af heildarmarkaðsvirði fyrirtækja í Kauphöll Íslands í lok árs 2000 og 5,2% í lok árs 2003.
Markaðsvirði hlutafjáreignar viðskiptabankanna í öðrum fyrirtækjum var 15,9 milljarðar kr. í lok árs 2000 og 34,3 milljarðar kr. í lok árs 2003.
2. Hver var fjöldi fyrirtækja og dótturfélaga sem viðskiptabankarnir áttu hlut í innan lands og erlendis í lok áranna 2000 og 2003?
Viðskiptabankarnir áttu samtals hlut í 410 fyrirtækjum í lok árs 2000 og 400 fyrirtækjum í lok árs 2003. Þess ber að geta að í mörgum tilfellum eiga tveir eða allir viðskiptabankanna hlut í sama fyrirtæki.
3. Hvernig skiptist hlutafjáreignin innbyrðis milli bankanna og hverjar voru fimm verðmætustu eignirnar hjá hverjum banka um sig í lok áranna 2000 og 2003?
Hlutabréfaeignin skiptist þannig á milli bankanna:
Hér er efni sem sést aðeins í pdf-skjalinu.
Fimm verðmætustu hlutafjáreignir Íslandsbanka í lok árs 2000 voru Glitnir hf., R Raphael & Sons PLC, Íslandsbanki hf., Ker hf. og Baugur hf. Í lok árs 2003 voru það Sjóvá-Almennar tryggingar hf., Straumur hf., Framtak fjárfestingarbanki hf., Sölumiðstöð hraðfrystihúsanna og R. Raphael & Sons PLC.
Fimm verðmætustu hlutafjáreignir KB-banka í lok árs 2000 (þ.e. Kaupþings hf. og Búnaðarbanka Íslands hf.) voru Frjálsi fjárfestingarbankinn hf., Össur hf., Kaupthing Lux. SA, Sól-Víking hf. og Samherji hf. Í lok árs 2003 voru það Kaupthing Bank Sverige, Norvestia Oy, Vátryggingafélag Íslands hf., Singer & Friedlander Grp. plc. og Baugur Group hf.
Fimm verðmætustu hlutafjáreignir Landsbanka í lok árs 2000 voru Vátryggingafélag Íslands hf., The Heritable Bank Ltd., Íslenski hugbúnaðarsjóðurinn hf., Kaupás hf. og Lýsing hf. Í lok árs 2003 voru það Eimskipafélag Íslands hf., The Heritable Bank Ltd., Sölumiðstöð hraðfrystihúsanna hf., Landsafl hf. og Landsbanki Lúxemborg SA.
4. Hversu hátt hlutfall af eignum bankanna var í erlendum og innlendum skuldabréfum og erlendum og innlendum hlutabréfum í lok áranna 2000 og 2003?
Í lok árs 2000 var hlutfall erlendra skuldabréfa 0,43% af eignum viðskiptabankanna þriggja að meðaltali og innlendra skuldabréfa 6,04%. Hlutfall erlendra hlutabréfa var 0,82% og innlendra hlutabréfa 3,62%.
Í lok árs 2003 var hlutfall erlendra skuldabréfa 0,41% af eignum viðskiptabankanna þriggja að meðaltali og innlendra skuldabréfa 5,42%. Hlutfall erlendra hlutabréfa var 1,06% og innlendra hlutabréfa 3,22%.
