Aðrar útgáfur af skjalinu: PDF - Word Perfect. Ferill 421. máls.
131. löggjafarþing 2004–2005.
Þskj. 555  —  421. mál.




Fyrirspurn



til viðskiptaráðherra um tryggingavernd innstæðueigenda.

Frá Jóhönnu Sigurðardóttur.



     1.      Hvernig er tryggingavernd innstæðueigenda háttað hérlendis samanborið við það sem gerist annars staðar á Norðurlöndum?
     2.      Hver er meðalinnstæða einstaklinga í viðskiptabönkum og sparisjóðum, og hversu margir eiga innstæður annars vegar undir og hins vegar yfir þeirri lágmarkstryggingavernd sem lög um innstæðutryggingar og tryggingakerfi fyrir fjárfesta kveða á um? Um hve háar fjárhæðir er að ræða í hvoru tilviki?
     3.      Telur ráðherra rétt í ljósi aðstæðna á fjármálamarkaði að grípa til aðgerða til að treysta betur stöðu innstæðueigenda og telur hann að öryggi þeirra sé nægjanlega tryggt komi til alvarlegra skakkafalla hjá innlánsstofnunum þannig að þær geti ekki staðið við skuldbindingar gagnvart innstæðueigendum?


Skriflegt svar óskast.