Aðrar útgáfur af skjalinu: PDF - Word Perfect. Ferill 88. máls.
132. löggjafarþing 2005–2006.
Þskj. 262 — 88. mál.
heilbrigðis- og tryggingamálaráðherra við fyrirspurn Jóhönnu Sigurðardóttur um endurgreiðslu á tannlæknakostnaði barna og unglinga.
1. Hversu há var endurgreiðsla vegna tannlæknakostnaðar barna og unglinga á árunum 2003 og 2004, sundurliðað eftir þessum aldurshópum:
a. að 6 ára aldri,
b. 7–12 ára,
c. 13–17 ára?
Samkvæmt upplýsingum frá Tryggingastofnun ríkisins greiddi stofnunin eftirfarandi upphæðir vegna tannlæknaþjónustu barna á tilgreindum aldri:
2. Hver hefði endurgreiðslan orðið ef kostnaðurinn hefði verið að fullu endurgreiddur, sundurliðað á sama hátt?
Tryggingastofnun ríkisins skráði ekki heildarupphæðir á reikningum tannlækna á þessum árum og því er ekki hægt að sjá hver heildarkostnaður var.
3. Hversu mörg börn fengu endurgreiðslu á árunum 2003 og 2004 í hverjum aldurshópi og hvað er það hátt hlutfall barna í þessum aldurshópum?
4. Liggur fyrir rannsókn á tannheilsu barna og unglinga sem ráðherra boðaði að hrundið yrði af stað árið 2004?
Landsrannsókn á munnheilsu Íslendinga, MUNNÍS, var hleypt af stokkunum á skólaárinu 2004–2005. Skoðað var slembiúrtak 20% barna á aldrinum 6, 12 og 15 ára á Íslandi. Samtals voru 2.254 börn skoðuð.
Áformað var að hefja skoðanir á haustmissiri 2004. Sjö vikna verkfall grunnskólakennara setti hins vegar strik í reikninginn, og varð til þess að fresta varð skoðunum þar til á vormissiri. Síðustu skoðunum lauk í lok aprílmánaðar 2005. Gagnainnsláttur var í höndum Félagsvísindastofnunar og er nýlokið. Úrvinnsla er nú að hefjast og er fyrstu niðurstaðna að vænta fyrir áramót.
5. Eru uppi áform hjá ráðherra um frekari endurgreiðslur á tannlæknakostnaði barna?
Þegar niðurstöður landsrannsóknarinnar MUNNÍS liggja fyrir verður farið yfir hvort breyta þarf núverandi endurgreiðslukerfi vegna tannlækninga. Þá verður hægt að skoða hvort tannheilsa barna í landinu hefur batnað eða versnað. Ef niðurstöður sýna slæma tannheilsu meðal barna kemur í ljós í hvaða hópum vandinn er mestur og verða ákvarðanir um framhaldið byggðar á faglegum forsendum.
132. löggjafarþing 2005–2006.
Þskj. 262 — 88. mál.
Svar
heilbrigðis- og tryggingamálaráðherra við fyrirspurn Jóhönnu Sigurðardóttur um endurgreiðslu á tannlæknakostnaði barna og unglinga.
1. Hversu há var endurgreiðsla vegna tannlæknakostnaðar barna og unglinga á árunum 2003 og 2004, sundurliðað eftir þessum aldurshópum:
a. að 6 ára aldri,
b. 7–12 ára,
c. 13–17 ára?
Samkvæmt upplýsingum frá Tryggingastofnun ríkisins greiddi stofnunin eftirfarandi upphæðir vegna tannlæknaþjónustu barna á tilgreindum aldri:
| Ár | Aldursbil | Hlutur TR í kr. |
| 2003: | 0–3 ára | 21.432.784 |
| 4–8 ára | 175.099.379 | |
| 9–12 ára | 151.317.840 | |
| 13–17 ára | 195.021.081 | |
| 2004: | 0–3 ára | 20.877.196 |
| 4–8 ára | 165.411.403 | |
| 9–12 ára | 143.817.795 | |
| 13–17 ára | 198.398.138 |
2. Hver hefði endurgreiðslan orðið ef kostnaðurinn hefði verið að fullu endurgreiddur, sundurliðað á sama hátt?
Tryggingastofnun ríkisins skráði ekki heildarupphæðir á reikningum tannlækna á þessum árum og því er ekki hægt að sjá hver heildarkostnaður var.
3. Hversu mörg börn fengu endurgreiðslu á árunum 2003 og 2004 í hverjum aldurshópi og hvað er það hátt hlutfall barna í þessum aldurshópum?
| Ár | Aldursbil | Fjöldi | Hlutfall, % |
| 2003: | 0–3 ára | 3.099 | 18,5 |
| 4–8 ára | 16.176 | 75,5 | |
| 9–12 ára | 14.967 | 81,9 | |
| 13–17 ára | 15.870 | 71,8 | |
| 2004: | 0–3 ára | 2.969 | 17,8 |
| 4–8 ára | 15.563 | 72,7 | |
| 9–12 ára | 14.304 | 78,9 | |
| 13–17 ára | 16.236 | 71,5 |
4. Liggur fyrir rannsókn á tannheilsu barna og unglinga sem ráðherra boðaði að hrundið yrði af stað árið 2004?
Landsrannsókn á munnheilsu Íslendinga, MUNNÍS, var hleypt af stokkunum á skólaárinu 2004–2005. Skoðað var slembiúrtak 20% barna á aldrinum 6, 12 og 15 ára á Íslandi. Samtals voru 2.254 börn skoðuð.
Áformað var að hefja skoðanir á haustmissiri 2004. Sjö vikna verkfall grunnskólakennara setti hins vegar strik í reikninginn, og varð til þess að fresta varð skoðunum þar til á vormissiri. Síðustu skoðunum lauk í lok aprílmánaðar 2005. Gagnainnsláttur var í höndum Félagsvísindastofnunar og er nýlokið. Úrvinnsla er nú að hefjast og er fyrstu niðurstaðna að vænta fyrir áramót.
5. Eru uppi áform hjá ráðherra um frekari endurgreiðslur á tannlæknakostnaði barna?
Þegar niðurstöður landsrannsóknarinnar MUNNÍS liggja fyrir verður farið yfir hvort breyta þarf núverandi endurgreiðslukerfi vegna tannlækninga. Þá verður hægt að skoða hvort tannheilsa barna í landinu hefur batnað eða versnað. Ef niðurstöður sýna slæma tannheilsu meðal barna kemur í ljós í hvaða hópum vandinn er mestur og verða ákvarðanir um framhaldið byggðar á faglegum forsendum.
