Aðrar útgáfur af skjalinu: PDF - Word Perfect. Ferill 161. máls.

---

133. löggjafarþing 2006–2007.
Þskj. 161  —  161. mál.

Fyrirspurn

til umhverfisráðherra um járnblendiverksmiðjuna á Grundartanga.

Frá Kolbrúnu Halldórsdóttur.

     1.      Hvernig er háttað eftirliti með losun mengunarefna frá járnblendiverksmiðjunni á Grundartanga (Íslenska járnblendifélaginu ehf.)?
     2.      Hvað veldur því að ryklosun frá verksmiðjunni hefur aukist mikið undanfarið?
     3.      Hefur fjölgað kvörtunum um sýnilega mengun frá verksmiðjunni á þessu ári?
     4.      Hversu mikið ryk sleppur gegnum hreinsivirki verksmiðjunnar og hversu mikið sleppur út fram hjá því?
     5.      Hvers vegna er ekki skylt að tilkynna um ryklosun sem varir skemur en þrjár klukkustundir?
     6.      Hvað hefur úttekt á þungmálmum frá hráefni og framleiðsluferli leitt í ljós?
     7.      Hvernig samræmist staðfest losun mengandi efna starfsleyfi verksmiðjunnar?
     8.      Hvernig verður staðið að undirbúningi fyrir endurnýjun starfsleyfis verksmiðjunnar samkvæmt reglugerð nr. 785/1999?
     9.      Hvaða áform eru uppi um stækkun verksmiðjunnar og/eða breytingu á framleiðslu hennar?
     10.      Hverjir koma að ákvörðun um hugsanlega stækkun verksmiðjunnar eða breytingu á framleiðslu hennar?


Skriflegt svar óskast.