Aðrar útgáfur af skjalinu: PDF - Word Perfect. Ferill 468. máls.
133. löggjafarþing 2006–2007.
Þskj. 811 — 468. mál.
iðnaðarráðherra við fyrirspurn Kristjáns L. Möller um orkuöflun til álvera.
1. Hver er heildaraflþörf og framleiðslugeta þeirra álvera sem hugmyndir hafa komið fram um, þ.e. álvers á Bakka við Húsavík, fyrirhugaðrar stækkunar í Straumsvík, álvers í Helguvík, álvers í Þorlákshöfn og frekari stækkunar á Grundartanga, skipt niður á þrep og ár, og hvaðan á orkan að koma?
Fyrirhuguð stækkun Alcan í Straumsvík: Aflþörf núverandi álframleiðslu í Straumsvík er um 330 MW. Stækkun álversins þarf um 465 MW. Gangsetning er fyrirhuguð 1. september 2010 og aflþörf í árslok 2010 fyrir viðbótarframleiðslu er áætluð 290 MW. Um miðjan mars 2011 er áætlað að aflþörf vegna stækkunar verði 465 MW og verður heildaraflþörfin þá komin í 795 MW.
Núverandi framleiðslugeta er 180.000 tonn á ári. Við stækkun verksmiðjunnar mun framleiðslugeta aukast um 280.000 tonn á ári og verður 460.000 tonn á ári. Áætlað er að gangsetning stækkunar verði 1. september 2010 og að henni verði lokið 15. mars 2011.
Gert er ráð fyrir að 200 MW verði aflað frá jarðgufuvirkjunum Orkuveitu Reykjavíkur á Hengilssvæðinu og Nesjavallavirkjun. Um 265 MW munu koma frá vatnsaflsvirkjunum Landsvirkjunar í Neðri-Þjórsá.
Stækkun álvers Norðuráls á Grundartanga: Stækkun álvers Norðuráls á Grundartanga stendur nú yfir og er framleiðslugetan nú þegar komin í 220.000 tonn á ári. Árleg framleiðslugeta álversins verður aukin úr 220.000 tonnum í 260.000 tonn seinni hluta þessa árs. Orkan kemur frá jarðgufuvirkjunum Orkuveitu Reykjavíkur, um 70 MW. Þeirrar orku hefur nú þegar að mestu verið aflað.
Fyrirhugað álver Alcoa Fjarðaáls við Bakka: Alcoa kannar hagvæmni þess að reisa í áföngum allt að 250.000 tonna álver á Bakka við Húsavík. Uppbyggingu álversins verður hagað í samræmi við orkuöflunina. Heildaraflþörf 250.000 tonna álvers er áætluð um 400 MW. Orkunnar verður aflað á jarðhitasvæðum á Norðausturlandi í samvinnu við Landsvirkjun og Þeistareyki ehf. Miðað er við að framkvæmdum við orkuöflun verði lokið árið 2015.
Fyrirhugað álver Norðuráls í Helguvík: Gert er ráð fyrir að fyrsti áfangi fyrirhugaðs álvers í Helguvík verði um 150.000 tonn og tekinn í notkun í árslok 2010. Á síðari stigum, sem ekki hafa verið tímasett nákvæmlega, er gert ráð fyrir að álverið nái allt að 250.000 tonna afkastagetu.
Orkuveita Reykjavíkur hefur gefið yfirlýsingu um að geta afhent 100 MW til álvers í Helguvík í árslok 2010. Þessarar orku verður aflað frá jarðgufuvirkjunum á Hengilssvæðinu og Nesjavallavirkjun. Hitaveita Suðurnesja hefur gefið yfirlýsingu um að fyrirtækið geti séð álverinu fyrir allt að 150 MW. Þegar fullri afkastagetu álversins verður náð er reiknað með að orkuþörfin verði allt að 435 MW. Orkuveita Reykjavíkur og Hitaveita Suðurnesja telja sig geta séð álverinu fyrir þeirri orku.
2. Hver er núverandi staða á gufuöflun fyrir fyrrgreind verkefni, mælt í MW rafmagns fyrir hvert verkefni?
Fyrirhuguð stækkun Alcan í Straumsvík: Orkuveita Reykjavíkur mun sjá álverinu fyrir um 200 MW. Gufunnar hefur ekki verið aflað enn.
Stækkun álvers Norðuráls á Grundartanga: Orkuveita Reykjavíkur hefur að mestu aflað þeirra 70 MW sem þarf til stækkunarinnar.
Fyrirhugað álver Norðuráls í Helguvík: Viljayfirlýsing Orkuveitu Reykjavíkur og Norðuráls vegna fyrirhugaðs álvers í Helguvík kveður á um að 100 MW verði til afhendingar um áramót 2010–2011. Orkunnar hefur enn ekki verið aflað en gert er ráð fyrir að hún komi frá virkjunum á Hengilssvæðinu og Nesjavallavirkjun. Hitaveita Suðurnesja hefur undirritað viljayfirlýsingu vegna undirbúnings álvers í Helguvík með það að markmiði að afhenda 100–120 MW síðla árs 2010 eða síðar og einnig að vinna að frekari orkuöflun síðar til frekari stækkunar álversins komi til byggingar þess.
3. Á hvaða svæðum er fyrirhugað að afla þeirrar orku sem á vantar og hvernig háttar til um rannsóknar- og nýtingarleyfi?
Fyrirhugað álver Fjarðaáls við Bakka: Áætlað er að allrar orku verði aflað frá jarðhitavirkjunum á Norðausturlandi. Upplýsingar um stöðu rannsóknar- og nýtingarleyfa eru í töflu í svari við 7. lið.
Fyrirhuguð stækkun Alcan í Straumsvík: Auk jarðvarmaorku frá Orkuveitu Reykjavíkur er reiknað með um 265 MW frá vatnsaflsvirkjunum Landsvirkjunar í Neðri-Þjórsá, þ.e. Hvammsvirkjun, Holtavirkjun og Urriðafossvirkjun. Upplýsingar um stöðu rannsóknar- og nýtingarleyfa Landsvirkjunar eru í töflu í svari við 7. lið.
Orkuveita Reykjavíkur hefur rannsóknaleyfi með fyrirheit um nýtingarleyfi á öllum fyrirhuguðum vinnslusvæðum sínum á Hellisheiði.
Fyrirhugað álver Alcoa Fjarðaáls við Bakka: Reiknað er með að orka til álversins komi frá jarðgufuvirkjunum á nálægum svæðum, þ.e. Þeistareykjum, Kröflu, Bjarnarflagi og Gjástykki. Athugun á mögulegum orkukostum er unnin sameiginlega af Landsvirkjun og Þeistareykjum ehf. Ekki er á þessu stigi hægt að segja til um nákvæma stærð hverrar virkjunar en reiknað er með að þær sjái álverinu á Bakka fyrir öllu því rafmagni sem til þarf, þ.e. 400 MW.
Fyrirhugað álver Norðuráls í Helguvík: Hitaveita Suðurnesja hf. horfir til nokkurra kosta varðandi orkuöflun fyrir álver í Helguvík. Í maí sl. var tekin í notkun 2 x 50 MW virkjun á Reykjanesi og er þess vænst að unnt verði að ákveða í byrjun næsta árs að bæta við þriðju vélinni auk þess sem unnið er að tilraunum með varmaskipta o.fl. sem gætu gefið möguleika á að auka framleiðsluna á Reykjanesi um allt að 40–60 MW til viðbótar án sérstakra borana. Ástæða þess að bíða verður með ákvörðun til næstu áramóta er sú að nauðsynlegt er talið að skoða a.m.k. tveggja ára reynslu af rekstri orkuversins og viðbragða jarðhitasvæðisins áður en ráðist er í stækkun.
Hitaveita Suðurnesja hf. vinnur að 30 MW stækkun orkuversins í Svartsengi og verið er að kanna möguleika á annarri viðlíka stækkun. Fyrirtækið hefur nýlega fengið rannsóknarleyfi á Krýsuvíkursvæðinu (Seltún og Austurengjar) og jafnframt fengið framlengt og endurnýjað rannsóknarleyfi í Trölladyngju og við Sandfell.
4. Er búið að staðfesta með rannsóknarborunum tilvist háhitasvæða þar sem ekki eru nú þegar komnar vinnsluholur?
Fyrirhugað álver Alcoa Fjarðaáls við Bakka: Tilvist háhitasvæða hefur verið staðfest með borunum á Þeistareykjum, í Kröflu og Bjarnarflagi. Háhiti í Gjástykki hefur ekki verið staðfestur með borunum.
Fyrirhugað álver Norðuráls í Helguvík: Hitaveita Suðurnesja hf. hefur þegar borað 24 holur á Reykjanesi og 20 í Svartsengi. Tilvist háhitasvæða hefur einnig verið staðfest með borunum í Trölladyngju og við Seltún en frekari borana er þörf til að staðfesta lekt/afkastagetu.
5. Hvenær má vænta þess að allrar orku hafi verið aflað fyrir hvert verkefni miðað við árangur borana sem hafa nú þegar verið framkvæmdar og tengjast þessu verkefni?
Fyrirhugað álver Alcoa Fjarðaáls við Bakka: Landsvirkjun stefnir að því að geta sagt til um það á árinu 2008 hvort unnt verði að afla orku frá jarðgufustöðum á Norðausturlandi fyrir fyrirhugað álver á Bakka. Miðað er við að framkvæmdum við orkuöflun verði lokið á árinu 2015.
Fyrirhugað álver Norðuráls í Helguvík: Orkuveita Reykjavíkur reiknar með að megnisins af fyrirhugaðri orku hafi verið aflað á árinu 2009. Hitaveita Suðurnesja telur fyrirtækið geta staðið við þau fyrirheit sem gefin hafa verið, þ.e. að geta afhent um 100–120 MW síðla árs 2010 eða síðar
Fyrirhuguð stækkun Alcan í Straumsvík: Landsvirkjun gerir ráð fyrir að geta afhent um 280 MW orku frá virkjunum í neðri hluta Þjórsár síðla árs 2010 og fyrri hluta árs 2011. Orkuveita Reykjavíkur hefur gert samning um að afhenda um 200 MW í árslok 2010 og í ársbyrjun 2011. Orkunnar verður aflað með virkjunum á Hengilssvæðinu.
6. Hve margar háhitaholur þarf að bora á hverju svæði á ári til að uppfylla núverandi óskir um framkvæmdahraða?
Landsvirkjun gerir ráð fyrir að í lok árs 2008 verði búið að bora 10–12 rannsóknar- og vinnsluholur á vinnslusvæðunum á Norðausturlandi. Búast má við að bora þurfi 60–70 holur til viðbótar á árunum 2009–2015 eða 9–10 holur á ári að jafnaði.
Borholur Hitaveitu Suðurnesja sem heppnast hafa á Reykjanesi gefa frá 5 upp í 19 MW og virkjunin er nú rekin á rúmlega 100 MW frá 10 borholum en 15 hafa alls verið boraðar vegna verkefnisins. Á Reykjanesi þyrfti því að bora 5–7 holur og 3–5 í Svartsengi en á öðrum svæðum væri reiknað með 5–10 MW að meðaltali úr hverri holu.
Orkuveita Reykjavíkur telur að bora þurfi 7–15 borholur á ári til að afla þeirrar orku sem samningar/yfirlýsingar hafa verið gerðir um.
7. Hvaða virkjanir og álver hafa verið sett í umhverfismat?
Álver við Bakka: Áætlað er að drög að matsáætlun fyrir umhverfismat vegna byggingar álvers á Bakka við Húsavík liggi fyrir í mars 2007.
Stækkun Alcan í Straumsvík: Umhverfismat vegna stækkunar í Straumsvík var gert á árunum 2001–2002 og féllst Skipulagsstofnun á framkvæmdina með úrskurði dags. 26. júlí 2002.
Stækkun álvers Norðuráls á Grundartanga: Mati á umhverfisáhrifum fyrir allt að 300.000 tonna framleiðslugetu á ári vegna álversins á Grundartanga lauk með úrskurði Skipulagsstofnunar árið 2003.
Fyrirhugað álver Norðuráls í Helguvík: Unnið er að mati á umhverfisáhrifum fyrir 250.000 tonna álver í Helguvík.
Virkjanir Orkuveitu Reykjavíkur: Fyrirhugaðar virkjanir eru á mismunandi stigum umhverfismats, frá því að vera í matsferli og til þess að umhverfismati sé lokið.
Virkjanir Hitaveitu Suðurnesja: Mat á umhverfisáhrifum fyrirhugaðra stækkana virkjana Hitaveitu Suðurnesja er ekki hafið.
133. löggjafarþing 2006–2007.
Þskj. 811 — 468. mál.
Svar
iðnaðarráðherra við fyrirspurn Kristjáns L. Möller um orkuöflun til álvera.
1. Hver er heildaraflþörf og framleiðslugeta þeirra álvera sem hugmyndir hafa komið fram um, þ.e. álvers á Bakka við Húsavík, fyrirhugaðrar stækkunar í Straumsvík, álvers í Helguvík, álvers í Þorlákshöfn og frekari stækkunar á Grundartanga, skipt niður á þrep og ár, og hvaðan á orkan að koma?
Fyrirhuguð stækkun Alcan í Straumsvík: Aflþörf núverandi álframleiðslu í Straumsvík er um 330 MW. Stækkun álversins þarf um 465 MW. Gangsetning er fyrirhuguð 1. september 2010 og aflþörf í árslok 2010 fyrir viðbótarframleiðslu er áætluð 290 MW. Um miðjan mars 2011 er áætlað að aflþörf vegna stækkunar verði 465 MW og verður heildaraflþörfin þá komin í 795 MW.
Núverandi framleiðslugeta er 180.000 tonn á ári. Við stækkun verksmiðjunnar mun framleiðslugeta aukast um 280.000 tonn á ári og verður 460.000 tonn á ári. Áætlað er að gangsetning stækkunar verði 1. september 2010 og að henni verði lokið 15. mars 2011.
Gert er ráð fyrir að 200 MW verði aflað frá jarðgufuvirkjunum Orkuveitu Reykjavíkur á Hengilssvæðinu og Nesjavallavirkjun. Um 265 MW munu koma frá vatnsaflsvirkjunum Landsvirkjunar í Neðri-Þjórsá.
Stækkun álvers Norðuráls á Grundartanga: Stækkun álvers Norðuráls á Grundartanga stendur nú yfir og er framleiðslugetan nú þegar komin í 220.000 tonn á ári. Árleg framleiðslugeta álversins verður aukin úr 220.000 tonnum í 260.000 tonn seinni hluta þessa árs. Orkan kemur frá jarðgufuvirkjunum Orkuveitu Reykjavíkur, um 70 MW. Þeirrar orku hefur nú þegar að mestu verið aflað.
Fyrirhugað álver Alcoa Fjarðaáls við Bakka: Alcoa kannar hagvæmni þess að reisa í áföngum allt að 250.000 tonna álver á Bakka við Húsavík. Uppbyggingu álversins verður hagað í samræmi við orkuöflunina. Heildaraflþörf 250.000 tonna álvers er áætluð um 400 MW. Orkunnar verður aflað á jarðhitasvæðum á Norðausturlandi í samvinnu við Landsvirkjun og Þeistareyki ehf. Miðað er við að framkvæmdum við orkuöflun verði lokið árið 2015.
Fyrirhugað álver Norðuráls í Helguvík: Gert er ráð fyrir að fyrsti áfangi fyrirhugaðs álvers í Helguvík verði um 150.000 tonn og tekinn í notkun í árslok 2010. Á síðari stigum, sem ekki hafa verið tímasett nákvæmlega, er gert ráð fyrir að álverið nái allt að 250.000 tonna afkastagetu.
Orkuveita Reykjavíkur hefur gefið yfirlýsingu um að geta afhent 100 MW til álvers í Helguvík í árslok 2010. Þessarar orku verður aflað frá jarðgufuvirkjunum á Hengilssvæðinu og Nesjavallavirkjun. Hitaveita Suðurnesja hefur gefið yfirlýsingu um að fyrirtækið geti séð álverinu fyrir allt að 150 MW. Þegar fullri afkastagetu álversins verður náð er reiknað með að orkuþörfin verði allt að 435 MW. Orkuveita Reykjavíkur og Hitaveita Suðurnesja telja sig geta séð álverinu fyrir þeirri orku.
2. Hver er núverandi staða á gufuöflun fyrir fyrrgreind verkefni, mælt í MW rafmagns fyrir hvert verkefni?
Fyrirhuguð stækkun Alcan í Straumsvík: Orkuveita Reykjavíkur mun sjá álverinu fyrir um 200 MW. Gufunnar hefur ekki verið aflað enn.
Stækkun álvers Norðuráls á Grundartanga: Orkuveita Reykjavíkur hefur að mestu aflað þeirra 70 MW sem þarf til stækkunarinnar.
Fyrirhugað álver Norðuráls í Helguvík: Viljayfirlýsing Orkuveitu Reykjavíkur og Norðuráls vegna fyrirhugaðs álvers í Helguvík kveður á um að 100 MW verði til afhendingar um áramót 2010–2011. Orkunnar hefur enn ekki verið aflað en gert er ráð fyrir að hún komi frá virkjunum á Hengilssvæðinu og Nesjavallavirkjun. Hitaveita Suðurnesja hefur undirritað viljayfirlýsingu vegna undirbúnings álvers í Helguvík með það að markmiði að afhenda 100–120 MW síðla árs 2010 eða síðar og einnig að vinna að frekari orkuöflun síðar til frekari stækkunar álversins komi til byggingar þess.
3. Á hvaða svæðum er fyrirhugað að afla þeirrar orku sem á vantar og hvernig háttar til um rannsóknar- og nýtingarleyfi?
Fyrirhugað álver Fjarðaáls við Bakka: Áætlað er að allrar orku verði aflað frá jarðhitavirkjunum á Norðausturlandi. Upplýsingar um stöðu rannsóknar- og nýtingarleyfa eru í töflu í svari við 7. lið.
Fyrirhuguð stækkun Alcan í Straumsvík: Auk jarðvarmaorku frá Orkuveitu Reykjavíkur er reiknað með um 265 MW frá vatnsaflsvirkjunum Landsvirkjunar í Neðri-Þjórsá, þ.e. Hvammsvirkjun, Holtavirkjun og Urriðafossvirkjun. Upplýsingar um stöðu rannsóknar- og nýtingarleyfa Landsvirkjunar eru í töflu í svari við 7. lið.
Orkuveita Reykjavíkur hefur rannsóknaleyfi með fyrirheit um nýtingarleyfi á öllum fyrirhuguðum vinnslusvæðum sínum á Hellisheiði.
Fyrirhugað álver Alcoa Fjarðaáls við Bakka: Reiknað er með að orka til álversins komi frá jarðgufuvirkjunum á nálægum svæðum, þ.e. Þeistareykjum, Kröflu, Bjarnarflagi og Gjástykki. Athugun á mögulegum orkukostum er unnin sameiginlega af Landsvirkjun og Þeistareykjum ehf. Ekki er á þessu stigi hægt að segja til um nákvæma stærð hverrar virkjunar en reiknað er með að þær sjái álverinu á Bakka fyrir öllu því rafmagni sem til þarf, þ.e. 400 MW.
Fyrirhugað álver Norðuráls í Helguvík: Hitaveita Suðurnesja hf. horfir til nokkurra kosta varðandi orkuöflun fyrir álver í Helguvík. Í maí sl. var tekin í notkun 2 x 50 MW virkjun á Reykjanesi og er þess vænst að unnt verði að ákveða í byrjun næsta árs að bæta við þriðju vélinni auk þess sem unnið er að tilraunum með varmaskipta o.fl. sem gætu gefið möguleika á að auka framleiðsluna á Reykjanesi um allt að 40–60 MW til viðbótar án sérstakra borana. Ástæða þess að bíða verður með ákvörðun til næstu áramóta er sú að nauðsynlegt er talið að skoða a.m.k. tveggja ára reynslu af rekstri orkuversins og viðbragða jarðhitasvæðisins áður en ráðist er í stækkun.
Hitaveita Suðurnesja hf. vinnur að 30 MW stækkun orkuversins í Svartsengi og verið er að kanna möguleika á annarri viðlíka stækkun. Fyrirtækið hefur nýlega fengið rannsóknarleyfi á Krýsuvíkursvæðinu (Seltún og Austurengjar) og jafnframt fengið framlengt og endurnýjað rannsóknarleyfi í Trölladyngju og við Sandfell.
4. Er búið að staðfesta með rannsóknarborunum tilvist háhitasvæða þar sem ekki eru nú þegar komnar vinnsluholur?
Fyrirhugað álver Alcoa Fjarðaáls við Bakka: Tilvist háhitasvæða hefur verið staðfest með borunum á Þeistareykjum, í Kröflu og Bjarnarflagi. Háhiti í Gjástykki hefur ekki verið staðfestur með borunum.
Fyrirhugað álver Norðuráls í Helguvík: Hitaveita Suðurnesja hf. hefur þegar borað 24 holur á Reykjanesi og 20 í Svartsengi. Tilvist háhitasvæða hefur einnig verið staðfest með borunum í Trölladyngju og við Seltún en frekari borana er þörf til að staðfesta lekt/afkastagetu.
5. Hvenær má vænta þess að allrar orku hafi verið aflað fyrir hvert verkefni miðað við árangur borana sem hafa nú þegar verið framkvæmdar og tengjast þessu verkefni?
Fyrirhugað álver Alcoa Fjarðaáls við Bakka: Landsvirkjun stefnir að því að geta sagt til um það á árinu 2008 hvort unnt verði að afla orku frá jarðgufustöðum á Norðausturlandi fyrir fyrirhugað álver á Bakka. Miðað er við að framkvæmdum við orkuöflun verði lokið á árinu 2015.
Fyrirhugað álver Norðuráls í Helguvík: Orkuveita Reykjavíkur reiknar með að megnisins af fyrirhugaðri orku hafi verið aflað á árinu 2009. Hitaveita Suðurnesja telur fyrirtækið geta staðið við þau fyrirheit sem gefin hafa verið, þ.e. að geta afhent um 100–120 MW síðla árs 2010 eða síðar
Fyrirhuguð stækkun Alcan í Straumsvík: Landsvirkjun gerir ráð fyrir að geta afhent um 280 MW orku frá virkjunum í neðri hluta Þjórsár síðla árs 2010 og fyrri hluta árs 2011. Orkuveita Reykjavíkur hefur gert samning um að afhenda um 200 MW í árslok 2010 og í ársbyrjun 2011. Orkunnar verður aflað með virkjunum á Hengilssvæðinu.
6. Hve margar háhitaholur þarf að bora á hverju svæði á ári til að uppfylla núverandi óskir um framkvæmdahraða?
Landsvirkjun gerir ráð fyrir að í lok árs 2008 verði búið að bora 10–12 rannsóknar- og vinnsluholur á vinnslusvæðunum á Norðausturlandi. Búast má við að bora þurfi 60–70 holur til viðbótar á árunum 2009–2015 eða 9–10 holur á ári að jafnaði.
Borholur Hitaveitu Suðurnesja sem heppnast hafa á Reykjanesi gefa frá 5 upp í 19 MW og virkjunin er nú rekin á rúmlega 100 MW frá 10 borholum en 15 hafa alls verið boraðar vegna verkefnisins. Á Reykjanesi þyrfti því að bora 5–7 holur og 3–5 í Svartsengi en á öðrum svæðum væri reiknað með 5–10 MW að meðaltali úr hverri holu.
Orkuveita Reykjavíkur telur að bora þurfi 7–15 borholur á ári til að afla þeirrar orku sem samningar/yfirlýsingar hafa verið gerðir um.
7. Hvaða virkjanir og álver hafa verið sett í umhverfismat?
Álver við Bakka: Áætlað er að drög að matsáætlun fyrir umhverfismat vegna byggingar álvers á Bakka við Húsavík liggi fyrir í mars 2007.
| Virkjanir tengdar álveri við Bakka. | |||
| Svæði | Rannsóknarleyfi | Mat á umhverfis- áhrifum |
Nýtingarleyfi |
| Þeistareykir | fengið | ólokið | ekki sótt um |
| Krafla | fengið | lokið fyrir 40 MW stækkun |
heimild Alþingis um 220 MW stækkun |
| Bjarnarflag | ekki sótt um | lokið fyrir 90 MW virkjun |
heimild Alþingis fyrir 40 MW |
| Gjástykki | sótt um, óafgreitt | ólokið | ekki sótt um |
Stækkun Alcan í Straumsvík: Umhverfismat vegna stækkunar í Straumsvík var gert á árunum 2001–2002 og féllst Skipulagsstofnun á framkvæmdina með úrskurði dags. 26. júlí 2002.
| Virkjanir Landsvirkjunar sem tengjast stækkun Alcan í Straumsvík. | |||
| Svæði | Rannsóknarleyfi | Mat á umhverfis- áhrifum |
Nýtingarleyfi |
| Hvammsvirkjun | sótt um, óafgreitt | lokið | ekki sótt um |
| Holtavirkjun | sótt um, óafgreitt | lokið | ekki sótt um |
| Urriðafossvirkjun | sótt um, óafgreitt | lokið | ekki sótt um |
Stækkun álvers Norðuráls á Grundartanga: Mati á umhverfisáhrifum fyrir allt að 300.000 tonna framleiðslugetu á ári vegna álversins á Grundartanga lauk með úrskurði Skipulagsstofnunar árið 2003.
Fyrirhugað álver Norðuráls í Helguvík: Unnið er að mati á umhverfisáhrifum fyrir 250.000 tonna álver í Helguvík.
Virkjanir Orkuveitu Reykjavíkur: Fyrirhugaðar virkjanir eru á mismunandi stigum umhverfismats, frá því að vera í matsferli og til þess að umhverfismati sé lokið.
Virkjanir Hitaveitu Suðurnesja: Mat á umhverfisáhrifum fyrirhugaðra stækkana virkjana Hitaveitu Suðurnesja er ekki hafið.
