Aðrar útgáfur af skjalinu: PDF - Word Perfect. Ferill 178. máls.

---

133. löggjafarþing 2006–2007.
Þskj. 1400  —  178. mál.

Frumvarp til laga

um breytingu á umferðarlögum, nr. 50/1987, með síðari breytingum.

(Eftir 2. umr., 17. mars.)

1. gr.

    Eftirfarandi breytingar verða á 1. mgr. 28. gr. laganna:
     a.      Orðin „eða bifreiðir fatlaðra, og“ í h-lið falla brott.
     b.      Við bætist nýr stafliður, svohljóðandi: á merktu stæði fyrir bifreiðir fatlaðra.

2. gr.

    2. mgr. 100. gr. laganna orðast svo:
    Eigi skal þó refsa fyrir brot, sem tilgreind eru í 1. mgr. 108. gr., að j-lið 1. mgr. 28. gr. undanskildum, sbr. b-lið 1. mgr. 108. gr., nema stöðvun eða lagning ökutækis hafi haft í för með sér hættu fyrir aðra eða að óþörfu valdið óþægindum fyrir umferðina.

3. gr.

    Í stað orðanna „a-, b-, h- og i-liða“ í b-lið 1. mgr. 108. gr. laganna kemur: a-, b-, h-, i- og j-liða.

4. gr.

    Lög þessi öðlast þegar gildi.