Aðrar útgáfur af skjalinu: PDF - Word Perfect. Ferill 85. máls.
135. löggjafarþing 2007–2008.
Þskj. 150 — 85. mál.
umhverfisráðherra við fyrirspurn Kolbrúnar Halldórsdóttur um náttúruvernd við Mývatn og Laxá í Suður-Þingeyjarsýslu.
1. Hvað veldur því að dregist hefur að setja reglugerð skv. 3. gr. laga um verndun Mývatns og Laxár í Suður-Þingeyjarsýslu, nr. 97/2004?
Samkvæmt 3. mgr. 3. gr. laga um verndun Mývatns og Laxár í Suður-Þingeyjarsýslu skal umhverfisráðherra, að fenginni umsögn sveitarfélaga á svæðinu og Umhverfisstofnunar, setja reglugerð þar sem kveðið skal nánar á um verndun Mývatns og Laxár, þar á meðal takmarkanir á framkvæmdum á svæðinu og umferð og umferðarrétt almennings. Í 6. gr. laganna er fjallað um gerð verndaráætlunar sem Umhverfisstofnun vinnur. Skal þar m.a. fjallað um nauðsynlegar verndaraðgerðir, friðlýsingu náttúruminja, landnýtingu, umferðarrétt almennings og aðgengi ferðamanna að svæðinu. Að hluta til er því fjallað um sömu þætti í reglugerðinni annars vegar og verndaráætlun hins vegar. Eins og fram kemur í svari við 2. lið er nú unnið að gerð verndaráætlunar fyrir svæðið og er sú vinna á lokastigi. Sú vinna sem þar hefur farið fram nýtist við undirbúning reglugerðarinnar og við töku ákvarðana um efni hennar. Var það mat ráðuneytisins að rétt væri að bíða með setningu reglugerðarinnar þar til vinna við verndaráætlun væri langt komin. Þar sem vinnan er nú á lokastigi eins og áður segir hefur ráðuneytið ákveðið að hefja vinnu við gerð reglugerðarinnar sem þannig gæti tekið gildi um svipað leyti og verndaráætlunin.
2. Hvað veldur því að dregist hefur að gera verndaráætlun um þau svæði sem falla undir 6. gr. laganna og átti að vera lokið 1. janúar 2006?
Vinna við verndaráætlun hófst árið 2005 og var gerður samningur við Náttúrustofu Norðausturlands um að vinna drög að áætluninni sama ár. Jafnframt hefur Rannsóknastöðin við Mývatn komið að vinnu við verndaráætlunina sem og Umhverfisstofnun, þ.m.t. heilsárslandvörður/sérfræðingur sem staðsettur er í Mývatnssveit. Gert er ráð fyrir að lokadrög að verndaráætluninni verði tilbúin um næstu áramót og má því segja að henni hafi seinkað um tvö ár og helgast það af ýmsum ástæðum. Verkið er umfangsmikið og tengist vinnu við friðlýsingar í Skútustaðahreppi þar sem verndaráætlunin nær til hreppsins alls. Þetta hefur að hluta til tafið vinnuna en einnig má benda á að hugmyndir um Vatnajökulsþjóðgarð gera ráð fyrir að hluti Skútustaðahrepps sé innan hans. Haldnir hafa verið kynningarfundir með almenningi, fulltrúum sveitarfélaga og landeigenda og óskað hefur verið eftir athugasemdum bréflega. Einnig hefur verið haldin kynning fyrir Veiðifélag Laxár og Krákár og haft samráð við sveitarstjórn og aðra hagsmunaaðila, svo sem formann Samtaka um náttúruvernd á Norðurlandi, fulltrúa Vegagerðarinnar og ferðaþjónustuaðila.
3. Hvað líður vinnu við undirbúning friðlýsingar þeirra mikilvægu svæða sem ekki falla undir ákvæði 1. mgr. 2. gr. laganna og gerð verndaráætlunar um þau samkvæmt ákvæði til bráðabirgða við lögin?
Umhverfisstofnun sendi þann 23. september 2004 skýrslu til umhverfisráðuneytisins, Verndarsvæði í Skútustaðahreppi, Tillögur Umhverfisstofnunar vegna breytinga á lögum um vernd Mývatns og Laxár, en þar komu fram hugmyndir stofnunarinnar að verndarsvæðum í Skútustaðahreppi, sbr. ákvæði II til bráðabirgða í lögum um vernd Mývatns og Laxár. Eitt af þeim svæðum sem stofnunin leggur til að verði friðlýst er hálendi Skútustaðahrepps sem er að flatarmáli langstærsta svæðið sem Umhverfisstofnun gerir tillögu um. Svæðið er innan þess svæðis sem vonir standa til að fyrirhugaður Vatnajökulsþjóðgarður geti náð til. Vinna við þann undirbúning hefur verið í fullum gangi í samráði við sveitarstjórn. Hafa þær hugmyndir verið kynntar landeigendum. Hvað varðar önnur svæði í skýrslu Umhverfisstofnunar taldi ráðuneytið rétt að fresta töku ákvarðana um hvaða svæðum yrði stefnt að friðlýsingu á þar til vinna við stofnun Vatnajökulsþjóðgarðs væri lengra komin.
4. Hefur landeigendum við Mývatn og Laxá og sveitarstjórnum verið tilkynnt hvaða landsvæði áformað er að friðlýsa, eins og gera skal samkvæmt ákvæði til bráðabirgða við lögin?
Landeigendum á hálendissvæðum Skútustaðahrepps hafa verið kynntar hugmyndir um friðlýsingu svæðisins. Ekki hefur verið haft samband við landeigendur annarra svæða í skýrslu Umhverfisstofnunar enda hefur ekki verið tekin afstaða í ráðuneytinu til tillagna Umhverfisstofnunar og ekki ákveðið hvort unnið verði að friðlýsingu þeirra allra. Er reiknað með því að þau mál verði skoðuð nánar eftir stofnun Vatnajökulsþjóðgarðs.
135. löggjafarþing 2007–2008.
Þskj. 150 — 85. mál.
Svar
umhverfisráðherra við fyrirspurn Kolbrúnar Halldórsdóttur um náttúruvernd við Mývatn og Laxá í Suður-Þingeyjarsýslu.
1. Hvað veldur því að dregist hefur að setja reglugerð skv. 3. gr. laga um verndun Mývatns og Laxár í Suður-Þingeyjarsýslu, nr. 97/2004?
Samkvæmt 3. mgr. 3. gr. laga um verndun Mývatns og Laxár í Suður-Þingeyjarsýslu skal umhverfisráðherra, að fenginni umsögn sveitarfélaga á svæðinu og Umhverfisstofnunar, setja reglugerð þar sem kveðið skal nánar á um verndun Mývatns og Laxár, þar á meðal takmarkanir á framkvæmdum á svæðinu og umferð og umferðarrétt almennings. Í 6. gr. laganna er fjallað um gerð verndaráætlunar sem Umhverfisstofnun vinnur. Skal þar m.a. fjallað um nauðsynlegar verndaraðgerðir, friðlýsingu náttúruminja, landnýtingu, umferðarrétt almennings og aðgengi ferðamanna að svæðinu. Að hluta til er því fjallað um sömu þætti í reglugerðinni annars vegar og verndaráætlun hins vegar. Eins og fram kemur í svari við 2. lið er nú unnið að gerð verndaráætlunar fyrir svæðið og er sú vinna á lokastigi. Sú vinna sem þar hefur farið fram nýtist við undirbúning reglugerðarinnar og við töku ákvarðana um efni hennar. Var það mat ráðuneytisins að rétt væri að bíða með setningu reglugerðarinnar þar til vinna við verndaráætlun væri langt komin. Þar sem vinnan er nú á lokastigi eins og áður segir hefur ráðuneytið ákveðið að hefja vinnu við gerð reglugerðarinnar sem þannig gæti tekið gildi um svipað leyti og verndaráætlunin.
2. Hvað veldur því að dregist hefur að gera verndaráætlun um þau svæði sem falla undir 6. gr. laganna og átti að vera lokið 1. janúar 2006?
Vinna við verndaráætlun hófst árið 2005 og var gerður samningur við Náttúrustofu Norðausturlands um að vinna drög að áætluninni sama ár. Jafnframt hefur Rannsóknastöðin við Mývatn komið að vinnu við verndaráætlunina sem og Umhverfisstofnun, þ.m.t. heilsárslandvörður/sérfræðingur sem staðsettur er í Mývatnssveit. Gert er ráð fyrir að lokadrög að verndaráætluninni verði tilbúin um næstu áramót og má því segja að henni hafi seinkað um tvö ár og helgast það af ýmsum ástæðum. Verkið er umfangsmikið og tengist vinnu við friðlýsingar í Skútustaðahreppi þar sem verndaráætlunin nær til hreppsins alls. Þetta hefur að hluta til tafið vinnuna en einnig má benda á að hugmyndir um Vatnajökulsþjóðgarð gera ráð fyrir að hluti Skútustaðahrepps sé innan hans. Haldnir hafa verið kynningarfundir með almenningi, fulltrúum sveitarfélaga og landeigenda og óskað hefur verið eftir athugasemdum bréflega. Einnig hefur verið haldin kynning fyrir Veiðifélag Laxár og Krákár og haft samráð við sveitarstjórn og aðra hagsmunaaðila, svo sem formann Samtaka um náttúruvernd á Norðurlandi, fulltrúa Vegagerðarinnar og ferðaþjónustuaðila.
3. Hvað líður vinnu við undirbúning friðlýsingar þeirra mikilvægu svæða sem ekki falla undir ákvæði 1. mgr. 2. gr. laganna og gerð verndaráætlunar um þau samkvæmt ákvæði til bráðabirgða við lögin?
Umhverfisstofnun sendi þann 23. september 2004 skýrslu til umhverfisráðuneytisins, Verndarsvæði í Skútustaðahreppi, Tillögur Umhverfisstofnunar vegna breytinga á lögum um vernd Mývatns og Laxár, en þar komu fram hugmyndir stofnunarinnar að verndarsvæðum í Skútustaðahreppi, sbr. ákvæði II til bráðabirgða í lögum um vernd Mývatns og Laxár. Eitt af þeim svæðum sem stofnunin leggur til að verði friðlýst er hálendi Skútustaðahrepps sem er að flatarmáli langstærsta svæðið sem Umhverfisstofnun gerir tillögu um. Svæðið er innan þess svæðis sem vonir standa til að fyrirhugaður Vatnajökulsþjóðgarður geti náð til. Vinna við þann undirbúning hefur verið í fullum gangi í samráði við sveitarstjórn. Hafa þær hugmyndir verið kynntar landeigendum. Hvað varðar önnur svæði í skýrslu Umhverfisstofnunar taldi ráðuneytið rétt að fresta töku ákvarðana um hvaða svæðum yrði stefnt að friðlýsingu á þar til vinna við stofnun Vatnajökulsþjóðgarðs væri lengra komin.
4. Hefur landeigendum við Mývatn og Laxá og sveitarstjórnum verið tilkynnt hvaða landsvæði áformað er að friðlýsa, eins og gera skal samkvæmt ákvæði til bráðabirgða við lögin?
Landeigendum á hálendissvæðum Skútustaðahrepps hafa verið kynntar hugmyndir um friðlýsingu svæðisins. Ekki hefur verið haft samband við landeigendur annarra svæða í skýrslu Umhverfisstofnunar enda hefur ekki verið tekin afstaða í ráðuneytinu til tillagna Umhverfisstofnunar og ekki ákveðið hvort unnið verði að friðlýsingu þeirra allra. Er reiknað með því að þau mál verði skoðuð nánar eftir stofnun Vatnajökulsþjóðgarðs.
