Aðrar útgáfur af skjalinu: PDF - Word Perfect. Ferill 352. máls.
135. löggjafarþing 2007–2008.
Þskj. 652 — 352. mál.
menntamálaráðherra við fyrirspurn Kolbrúnar Halldórsdóttur um táknmálstúlkun og lögverndun starfsheitis táknmálstúlka.
1. Hversu margir táknmálstúlkar hafa útskrifast frá Háskóla Íslands frá því að formleg kennsla í táknmálsfræðum hófst við skólann?
Samkvæmt upplýsingum frá Hugvísindadeild Háskóla Íslands hafa 32 táknmálstúlkar útskrifast frá skólanum. 14 útskrifuðust á árunum 1997–1998 og 18 hafa útskrifast eftir að námið hófst að nýju í breyttri mynd árið 2001. Þá var táknmálsfræði og táknmálstúlkun fullgild grein til BA-prófs en áður hafði táknmálstúlkun verið metin sem viðbótarnám. Til viðbótar þeim 18 sem hafa útskrifast frá árinu 2004 mun einn nemandi útskrifast á árinu 2008 og annar nemandi vinnur að síðustu verkefnum námsins.
2. Hvernig hefur þörf samfélagsins fyrir táknmálstúlka þróast á undanförnum árum?
Samkvæmt upplýsingum frá Samskiptamiðstöð heyrnarlausra og heyrnarskertra hefur þörfin fyrir táknmálstúlka aukist jafnt og þétt á undanförnum árum og gert er ráð fyrir að svo verði áfram.
3. Hvaða kröfur eru gerðar til táknmálstúlka sem ráðnir eru í störf fyrir opinbera aðila?
Hjá Samskiptamiðstöð heyrnarlausra og heyrnarskertra eru gerðar kröfur um að táknmálstúlkar hafi BA-próf í táknmáli og túlkun. Nýútskrifaðir táknmálstúlkar fá handleiðslu reynds túlks í að minnsta kosti sex mánuði, eða þar til hann metur það svo að túlkurinn sé fær um að vinna sjálfstætt. Sambærilegar kröfur eru gerðar til táknmálstúlka sem ráðnir eru að opinberum skólum á Íslandi.
4. Kemur til álita að táknmálstúlkar fái lögverndað starfsheiti?
Í lögum nr. 129/1990, um Samskiptamiðstöð heyrnarlausra og heyrnarskertra, með síðari breytingum, og reglugerð nr. 1058/2003, um sama efni, er ekki gert ráð fyrir sérstakri löggildingu á starfsheiti táknmálstúlka. Lögin hafa hins vegar það markmið að stuðla að jafnrétti heyrnarlausra til þjónustu sem víðast í þjóðfélaginu á grundvelli táknmáls heyrnarlausra. Í því sambandi annast Samskiptamiðstöðin m.a. táknmálstúlkun. Afstaða ráðuneytisins til fyrirspurnarinnar tekur mið af framangreindu markmiði. Er við það miðað að táknmálstúlkun sé sinnt af þeim sem hafi kunnáttu og getu til þess enda tilgangurinn, eins og áður segir, að heyrnarlausir fái sem besta þjónustu í samræmi við þarfir sínar. Ráðuneytið hefur litið svo á að með lögum nr. 129/1990 hafi Alþingi lagt til ákveðið skipulag og stefnu í þessum málum í þágu heyrnarlausra og heyrnarskertra. Þegar það er virt ásamt því hvernig námi og þjálfun táknmálstúlka hefur verið hagað hefur það verið mat ráðuneytisins að til þessa hafi ekki verið tilefni til þess að það beitti sér fyrir sérstakri löggjöf um löggildingu á starfsheitinu táknmálstúlkur.
135. löggjafarþing 2007–2008.
Þskj. 652 — 352. mál.
Svar
menntamálaráðherra við fyrirspurn Kolbrúnar Halldórsdóttur um táknmálstúlkun og lögverndun starfsheitis táknmálstúlka.
1. Hversu margir táknmálstúlkar hafa útskrifast frá Háskóla Íslands frá því að formleg kennsla í táknmálsfræðum hófst við skólann?
Samkvæmt upplýsingum frá Hugvísindadeild Háskóla Íslands hafa 32 táknmálstúlkar útskrifast frá skólanum. 14 útskrifuðust á árunum 1997–1998 og 18 hafa útskrifast eftir að námið hófst að nýju í breyttri mynd árið 2001. Þá var táknmálsfræði og táknmálstúlkun fullgild grein til BA-prófs en áður hafði táknmálstúlkun verið metin sem viðbótarnám. Til viðbótar þeim 18 sem hafa útskrifast frá árinu 2004 mun einn nemandi útskrifast á árinu 2008 og annar nemandi vinnur að síðustu verkefnum námsins.
2. Hvernig hefur þörf samfélagsins fyrir táknmálstúlka þróast á undanförnum árum?
Samkvæmt upplýsingum frá Samskiptamiðstöð heyrnarlausra og heyrnarskertra hefur þörfin fyrir táknmálstúlka aukist jafnt og þétt á undanförnum árum og gert er ráð fyrir að svo verði áfram.
3. Hvaða kröfur eru gerðar til táknmálstúlka sem ráðnir eru í störf fyrir opinbera aðila?
Hjá Samskiptamiðstöð heyrnarlausra og heyrnarskertra eru gerðar kröfur um að táknmálstúlkar hafi BA-próf í táknmáli og túlkun. Nýútskrifaðir táknmálstúlkar fá handleiðslu reynds túlks í að minnsta kosti sex mánuði, eða þar til hann metur það svo að túlkurinn sé fær um að vinna sjálfstætt. Sambærilegar kröfur eru gerðar til táknmálstúlka sem ráðnir eru að opinberum skólum á Íslandi.
4. Kemur til álita að táknmálstúlkar fái lögverndað starfsheiti?
Í lögum nr. 129/1990, um Samskiptamiðstöð heyrnarlausra og heyrnarskertra, með síðari breytingum, og reglugerð nr. 1058/2003, um sama efni, er ekki gert ráð fyrir sérstakri löggildingu á starfsheiti táknmálstúlka. Lögin hafa hins vegar það markmið að stuðla að jafnrétti heyrnarlausra til þjónustu sem víðast í þjóðfélaginu á grundvelli táknmáls heyrnarlausra. Í því sambandi annast Samskiptamiðstöðin m.a. táknmálstúlkun. Afstaða ráðuneytisins til fyrirspurnarinnar tekur mið af framangreindu markmiði. Er við það miðað að táknmálstúlkun sé sinnt af þeim sem hafi kunnáttu og getu til þess enda tilgangurinn, eins og áður segir, að heyrnarlausir fái sem besta þjónustu í samræmi við þarfir sínar. Ráðuneytið hefur litið svo á að með lögum nr. 129/1990 hafi Alþingi lagt til ákveðið skipulag og stefnu í þessum málum í þágu heyrnarlausra og heyrnarskertra. Þegar það er virt ásamt því hvernig námi og þjálfun táknmálstúlka hefur verið hagað hefur það verið mat ráðuneytisins að til þessa hafi ekki verið tilefni til þess að það beitti sér fyrir sérstakri löggjöf um löggildingu á starfsheitinu táknmálstúlkur.
