Aðrar útgáfur af skjalinu: PDF - Word Perfect. Ferill 324. máls.

---

136. löggjafarþing 2008–2009.
Þskj. 560  —  324. mál.

Fyrirspurn

til fjármálaráðherra um fjárframlög til ferðamála á árunum 1998–2009.

Frá Sturlu Böðvarssyni.

     1.      Hversu háar fjárhæðir hafa farið til ferðamála á hverju ári á vegum samgönguráðuneytisins árin 1998–2007 og á vegum iðnaðarráðuneytisins árið 2008 og hvað er áætlað til málaflokksins í fjárlögum 2009? Óskað er eftir að í svarinu verði allar fjárhæðir uppfærðar á verðlagi fjárlaga fyrir árið 2009.
     2.      Hvernig skiptast framlög ráðuneytanna á sömu árum til:
                  a.      ferðamálasamtaka,
                  b.      gestastofa og upplýsingamiðstöðva,
                  c.      markaðs- og kynningarverkefna,
                  d.      menningartengdrar ferðaþjónustu?
     3.      Hversu há voru framlög til Ferðamálaráðs og Ferðamálastofu 1998–2008 og áætluð samkvæmt fjárlögum fyrir 2009?
     4.      Hver er á sömu árum kostnaður við rekstur skrifstofu Ferðamálaráðs og síðar Ferðamálastofu og framlög þeirra til:
                  a.      styrkja,
                  b.      markaðs- og kynningarverkefna, bæði innan lands og utan,
                  c.      úrbóta á ferðamannastöðum?
     5.      Hversu margir erlendir ferðamenn komu til landsins á árunum 1998–2008, annars vegar um flugvelli og hins vegar með Norrænu?


Skriflegt svar óskast.