Aðrar útgáfur af skjalinu: PDF - Word Perfect. Ferill 129. máls.
138. löggjafarþing 2009–2010.
Þskj. 261 — 129. mál.
fjármálaráðherra við fyrirspurn Þorgerðar K. Gunnarsdóttur um fjölda starfsmanna hjá ríki og sveitarfélögum.
Fyrirspurnin hljóðar svo:
Hversu margir starfsmenn eru hjá ríki og sveitarfélögum, sundurliðað? Hver hefur þróunin verið sl. 10 ár?
Tölum um fjölda starfsmanna ríkis og sveitarfélaga er ekki safnað saman á samræmdan hátt. Þannig eru ekki tiltækar upplýsingar um fjölda starfsmanna (einstaklinga) hjá báðum aðilum sem ná yfir allt tímabilið, en aftur á móti eru til upplýsingar um fjölda starfa (stöðugilda í dagvinnu). Upplýsingar um fjölda stöðugilda hjá sveitarfélögum, sem voru fengnar frá Sambandi íslenskra sveitarfélaga, ná aftur til ársins 2000, að undanskildum árunum 2001 og 2003. Upplýsingar um fjölda stöðugilda hjá ríkinu eru fengnar úr launavinnslukerfi ríkisins. Miðað er við fjöldatölur 1. apríl ár hvert.
Varðandi fjöldatölur ríkisstarfsmanna verður að gæta þess að á tímabilinu 1999–2006 hafa verkefni verið færð á milli ríkis og sveitarfélaga, ríkisstofnanir verið færðar á milli ráðuneyta, á milli A- og B-hluta og verið gerðar að hlutafélögum, auk þess sem tilfærslur hafa orðið milli launavinnslukerfa hjá ríkinu. Árið 2001 fluttust um 1.300 stöðugildi frá Reykjavíkurborg til ríkisins við sameiningu Sjúkrahúss Reykjavíkur (Borgarspítala) og Landspítala. Á árinu 2006 færði stærstur hluti heilbrigðisstofnana launaafgreiðslu sína yfir til ríkisins og fjölgaði þá stöðugildum í launavinnslukerfinu um 1.500. Heilbrigðisstofnanirnar voru í sérstöku launavinnslukerfi og því er ekki um fjölgun stöðugilda að ræða heldur færslu á milli kerfa.
Í apríl 2009 voru 18.000 stöðugildi í dagvinnu hjá ríkinu samkvæmt launavinnslukerfi ríkisins. Samkvæmt upplýsingum frá Sambandi íslenskra sveitarfélaga var fjöldi stöðugilda hjá sveitarfélögum rúmlega 19.400 á sama tíma. Samtals voru stöðugildin 37.400.
Í sama mánuði árið 2000 voru stöðugildi í launavinnslukerfi ríkisins 14.000 og eru þá ótalin tæplega 2.800 stöðugildi sem færðust síðar í launavinnslukerfið, sbr. fyrrgreint. Í apríl 2000 var fjöldi stöðugilda rúmlega 14.700 hjá sveitarfélögum, samkvæmt sömu heimildum og að framan greinir. Samtals voru stöðugildin þá 28.700. Hlutfallsleg aukning á tímabilinu er því 27%, 29% hjá ríkinu og 32% hjá sveitarfélögum. Að teknu tilliti til tilfærslna milli kerfa hjá ríkinu á tímabilinu er samtals aukning um 19%.
Meðfylgjandi töflur sýna fjölda stöðugilda hjá ríki og sveitarfélögum í apríl ár hvert frá árinu 2000 ásamt hlutfallslegri aukningu frá árinu 2000.
138. löggjafarþing 2009–2010.
Þskj. 261 — 129. mál.
Svar
fjármálaráðherra við fyrirspurn Þorgerðar K. Gunnarsdóttur um fjölda starfsmanna hjá ríki og sveitarfélögum.
Fyrirspurnin hljóðar svo:
Hversu margir starfsmenn eru hjá ríki og sveitarfélögum, sundurliðað? Hver hefur þróunin verið sl. 10 ár?
Tölum um fjölda starfsmanna ríkis og sveitarfélaga er ekki safnað saman á samræmdan hátt. Þannig eru ekki tiltækar upplýsingar um fjölda starfsmanna (einstaklinga) hjá báðum aðilum sem ná yfir allt tímabilið, en aftur á móti eru til upplýsingar um fjölda starfa (stöðugilda í dagvinnu). Upplýsingar um fjölda stöðugilda hjá sveitarfélögum, sem voru fengnar frá Sambandi íslenskra sveitarfélaga, ná aftur til ársins 2000, að undanskildum árunum 2001 og 2003. Upplýsingar um fjölda stöðugilda hjá ríkinu eru fengnar úr launavinnslukerfi ríkisins. Miðað er við fjöldatölur 1. apríl ár hvert.
Varðandi fjöldatölur ríkisstarfsmanna verður að gæta þess að á tímabilinu 1999–2006 hafa verkefni verið færð á milli ríkis og sveitarfélaga, ríkisstofnanir verið færðar á milli ráðuneyta, á milli A- og B-hluta og verið gerðar að hlutafélögum, auk þess sem tilfærslur hafa orðið milli launavinnslukerfa hjá ríkinu. Árið 2001 fluttust um 1.300 stöðugildi frá Reykjavíkurborg til ríkisins við sameiningu Sjúkrahúss Reykjavíkur (Borgarspítala) og Landspítala. Á árinu 2006 færði stærstur hluti heilbrigðisstofnana launaafgreiðslu sína yfir til ríkisins og fjölgaði þá stöðugildum í launavinnslukerfinu um 1.500. Heilbrigðisstofnanirnar voru í sérstöku launavinnslukerfi og því er ekki um fjölgun stöðugilda að ræða heldur færslu á milli kerfa.
Í apríl 2009 voru 18.000 stöðugildi í dagvinnu hjá ríkinu samkvæmt launavinnslukerfi ríkisins. Samkvæmt upplýsingum frá Sambandi íslenskra sveitarfélaga var fjöldi stöðugilda hjá sveitarfélögum rúmlega 19.400 á sama tíma. Samtals voru stöðugildin 37.400.
Í sama mánuði árið 2000 voru stöðugildi í launavinnslukerfi ríkisins 14.000 og eru þá ótalin tæplega 2.800 stöðugildi sem færðust síðar í launavinnslukerfið, sbr. fyrrgreint. Í apríl 2000 var fjöldi stöðugilda rúmlega 14.700 hjá sveitarfélögum, samkvæmt sömu heimildum og að framan greinir. Samtals voru stöðugildin þá 28.700. Hlutfallsleg aukning á tímabilinu er því 27%, 29% hjá ríkinu og 32% hjá sveitarfélögum. Að teknu tilliti til tilfærslna milli kerfa hjá ríkinu á tímabilinu er samtals aukning um 19%.
Meðfylgjandi töflur sýna fjölda stöðugilda hjá ríki og sveitarfélögum í apríl ár hvert frá árinu 2000 ásamt hlutfallslegri aukningu frá árinu 2000.
Fjöldi stöðugilda hjá ríki og sveitarfélögum
í apríl ár hvert.
| Ár | Ríki | Sveitarfélög | Samtals |
| 2000 | 14.000 | 14.700 | 28.400 |
| 2001* | 15.200 | n/a | n/a |
| 2002 | 15.400 | 15.700 | 30.800 |
| 2003 | 15.800 | n/a | n/a |
| 2004 | 15.900 | 17.400 | 33.000 |
| 2005 | 16.000 | 17.900 | 33.600 |
| 2006** | 17.300 | 18.200 | 34.000 |
| 2007 | 17.900 | 18.700 | 35.600 |
| 2008 | 18.300 | 18.900 | 35.700 |
| 2009 | 18.000 | 19.400 | 36.000 |
Hlutfallsleg breyting frá 2000.
| Ár | Ríki | Sveitarfélög | Samtals |
| 2000 | 0% | 0% | 0% |
| 2001* | 9% | ||
| 2002 | 10% | 7% | 8% |
| 2003 | 13% | ||
| 2004 | 14% | 18% | 16% |
| 2005 | 14% | 22% | 18% |
| 2006** | 24% | 24% | 20% |
| 2007 | 28% | 27% | 25% |
| 2008 | 31% | 29% | 26% |
| 2009 | 29% | 32% | 27% |
| Að meðaltali | 3,2% | 3,6% | 3,0% |
| * Sjúkrahús Reykjavíkur (Borgarspítali) og Landspítali sameinast. | |||
| **1.300 stöðugildi innan heilbrigðisstofnana fluttust í miðlægt launakerfi ríkisins. Að þeim frádregnum hefur hlutfallsleg aukning á ári verið að meðaltali 2,1% meðal ríkisstarfsmanna. | |||
