Aðrar útgáfur af skjalinu: PDF - Word Perfect. Ferill 252. máls.
138. löggjafarþing 2009–2010.
Þskj. 672 — 252. mál.
fjármálaráðherra við fyrirspurn Tryggva Þórs Herbertssonar um laun og eignir skattgreiðenda og fjölda þeirra.
1. Hversu margir bætast í hóp skattgreiðenda samkvæmt tillögu ríkisstjórnarinnar, sem hefur verið kynnt, um að afnema tengingu persónuafsláttar við neysluverðsvísitölu (sem hefði leitt til 6.600 kr. hækkunar frádráttarins um næstu áramót) og í stað þess að hækka persónuafsláttinn um 2.000 kr. sem leiðir til fjölgunar skattgreiðenda í lægsta tekjuhópnum?
Svar við þessari fyrirspurn er byggt á forsendum fjármálaráðuneytisins um tekjuþróun milli ára sem fjárlög byggjast á. Borin hefur verið saman niðurstaða á útreikningum tekjuskatts og útsvars þegar beitt er þeim reglum sem nú hafa verið samþykktar sem lög og ef fyrri ákvæði um breytingu persónuafsláttar milli ára (breyting samkvæmt hækkun neysluverðsvísitölu auk 2.000 kr. hækkunar á mánuði). Skattgreiðendum fjölgar ekki frá því sem áður var með þeim breytingum sem gerðar voru á lögunum. Með breytingunum hækka skattleysismörk úr um 113.500 kr. í um 118.800 kr. Þar af leiðir að skattgreiðendum mun að óbreyttum launum fækka nokkuð. Á móti kemur fjölgun vegna þeirra sem áður voru undir skattleysismörkum en hækka um a.m.k. 4,7% í launum. Án þeirra lagabreytinga sem gerðar voru og að því gefnu að skatthlutfallið hefði verið látið vera óbreytt hefði gjaldendum tekjuskatts einungis fækkað. Með þeim breytingum sem gerðar voru er dregið úr þeirri fækkun sem nemur um 6 þúsund manns, eða sem svarar til 2,3% gjaldenda.
2. Hversu margir skattgreiðendur er áætlað að verði á næsta ári með mánaðartekjur:
a. 119.000–200.000 kr.,
b. 200.000–650.000 kr.,
c. 650.000–1.000.000 kr.,
d. 1.000.000 og meira?
Miðað er við sömu forsendur og í svari við 1. lið. Einungis er reiknað með tekjum sem teljast til tekjuskattsstofns. Hjón og samskattaðir teljast sem einn skattgreiðandi. Niðurstaðan er eftirfarandi:
a. 63.300
b. 141.900
c. 9.400
d. 3.400
Þess má geta að 94.800 aðilar eru fyrir neðan neðstu mörk tekna í þessari flokkun.
3. Hversu mikla skatta og útsvar er áætlað að þessir tekjuhópar greiði á næsta ári?
Í töflunni hér fyrir neðan er áætlað hversu mikið útsvar og tekjuskatt hver af ofangreindum hópum muni greiða. Ekki er reiknað með skatttekjum af séreignasparnaði eða áhrifum af breytingum á heimiluðum arðgreiðslum einkahlutafélaga í þessari áætlun.
4. Hversu margir skattgreiðendur, einstaklingar og hjón, eiga hreinar eignir sem nema 90 millj. kr. og meira og hvernig skiptast þeir í eftirfarandi aldurshópa:
a. 25–50 ára,
b. 50–67 ára,
c. 67 ára og eldri?
Í töflu hér fyrir neðan er sýnd áætlun fjármálaráðuneytisins á því hversu mörg hjón annars vegar og einstaklingar hins vegar er álitið að eigi eignir umfram þau mörk hreinnar eignar sem nýsamþykkt lagaákvæði um auðlegðargjald segja til um. Mörkin eru 90 millj. kr. hrein eign einstaklings og 120 millj. kr. hrein eign hjóna.
138. löggjafarþing 2009–2010.
Þskj. 672 — 252. mál.
Svar
fjármálaráðherra við fyrirspurn Tryggva Þórs Herbertssonar um laun og eignir skattgreiðenda og fjölda þeirra.
1. Hversu margir bætast í hóp skattgreiðenda samkvæmt tillögu ríkisstjórnarinnar, sem hefur verið kynnt, um að afnema tengingu persónuafsláttar við neysluverðsvísitölu (sem hefði leitt til 6.600 kr. hækkunar frádráttarins um næstu áramót) og í stað þess að hækka persónuafsláttinn um 2.000 kr. sem leiðir til fjölgunar skattgreiðenda í lægsta tekjuhópnum?
Svar við þessari fyrirspurn er byggt á forsendum fjármálaráðuneytisins um tekjuþróun milli ára sem fjárlög byggjast á. Borin hefur verið saman niðurstaða á útreikningum tekjuskatts og útsvars þegar beitt er þeim reglum sem nú hafa verið samþykktar sem lög og ef fyrri ákvæði um breytingu persónuafsláttar milli ára (breyting samkvæmt hækkun neysluverðsvísitölu auk 2.000 kr. hækkunar á mánuði). Skattgreiðendum fjölgar ekki frá því sem áður var með þeim breytingum sem gerðar voru á lögunum. Með breytingunum hækka skattleysismörk úr um 113.500 kr. í um 118.800 kr. Þar af leiðir að skattgreiðendum mun að óbreyttum launum fækka nokkuð. Á móti kemur fjölgun vegna þeirra sem áður voru undir skattleysismörkum en hækka um a.m.k. 4,7% í launum. Án þeirra lagabreytinga sem gerðar voru og að því gefnu að skatthlutfallið hefði verið látið vera óbreytt hefði gjaldendum tekjuskatts einungis fækkað. Með þeim breytingum sem gerðar voru er dregið úr þeirri fækkun sem nemur um 6 þúsund manns, eða sem svarar til 2,3% gjaldenda.
2. Hversu margir skattgreiðendur er áætlað að verði á næsta ári með mánaðartekjur:
a. 119.000–200.000 kr.,
b. 200.000–650.000 kr.,
c. 650.000–1.000.000 kr.,
d. 1.000.000 og meira?
Miðað er við sömu forsendur og í svari við 1. lið. Einungis er reiknað með tekjum sem teljast til tekjuskattsstofns. Hjón og samskattaðir teljast sem einn skattgreiðandi. Niðurstaðan er eftirfarandi:
a. 63.300
b. 141.900
c. 9.400
d. 3.400
Þess má geta að 94.800 aðilar eru fyrir neðan neðstu mörk tekna í þessari flokkun.
3. Hversu mikla skatta og útsvar er áætlað að þessir tekjuhópar greiði á næsta ári?
Í töflunni hér fyrir neðan er áætlað hversu mikið útsvar og tekjuskatt hver af ofangreindum hópum muni greiða. Ekki er reiknað með skatttekjum af séreignasparnaði eða áhrifum af breytingum á heimiluðum arðgreiðslum einkahlutafélaga í þessari áætlun.
| millj. kr. | Útsvar | Tekjuskattur |
| a. | 9.456,1 | 85,9 |
| b. | 72.871,3 | 63.363,1 |
| c. | 11.020,2 | 16.927,8 |
| d. | 6.798,6 | 13.078,2 |
4. Hversu margir skattgreiðendur, einstaklingar og hjón, eiga hreinar eignir sem nema 90 millj. kr. og meira og hvernig skiptast þeir í eftirfarandi aldurshópa:
a. 25–50 ára,
b. 50–67 ára,
c. 67 ára og eldri?
Í töflu hér fyrir neðan er sýnd áætlun fjármálaráðuneytisins á því hversu mörg hjón annars vegar og einstaklingar hins vegar er álitið að eigi eignir umfram þau mörk hreinnar eignar sem nýsamþykkt lagaákvæði um auðlegðargjald segja til um. Mörkin eru 90 millj. kr. hrein eign einstaklings og 120 millj. kr. hrein eign hjóna.
| Hjón | Einstaklingar | |||
| Aldursflokkar | Fjöldi | Hlutfall af flokki | Fjöldi | Hlutfall af flokki |
| 25–50 ára | 344 | 0,9% | 73 | 0,1% |
| 51–66 | 706 | 3,6% | 191 | 1,1% |
| 67+ | 360 | 4,0% | 232 | 1,5% |
