Aðrar útgáfur af skjalinu: PDF - Word Perfect. Ferill 369. máls.
138. löggjafarþing 2009–2010.
Þskj. 987 — 369. mál.
efnahags- og viðskiptaráðherra við fyrirspurn Erlu Óskar Ásgeirsdóttur um brottflutta einstaklinga með íslenskan ríkisborgararétt.
1. Hversu margir einstaklingar með íslenskan ríkisborgararétt hafa flust af landi brott árið 2009?
Alls flutti 4.851 einstaklingur með íslenskan ríkisborgararétt frá landinu á árinu 2009, þ.e. 2.466 fleiri en þeir íslensku ríkisborgarar sem fluttu til landsins með íslenskan ríkisborgararétt.
2. Hvernig skiptast þeir eftir atvinnugreinum og aldri?
Ekki liggja fyrir upplýsingar um skiptingu brottfluttra einstaklinga með íslenskan ríkisborgararétt eftir atvinnugreinum. Upplýsingar um aldursskiptingu brottfluttra íslenskra ríkisborgara kemur fram á myndinni:
Á árinu 2009 voru flestir brottfluttra íslenskra ríkisborgara á aldrinum 25–29 ára, eða alls 745. Alls fluttu 3.597 íslenskir ríkisborgarar á vinnualdri (16–74 ára) frá landinu eða 1.890 einstaklingar umfram aðfluttra.
3. Hver er tekjumissir hins opinbera af brottfluttum einstaklingum 2009?
Það er reynslan hér á landi að búferlaflutningar til og frá landinu eru að töluverðu leyti háðir efnahagsástandinu í landinu á hverjum tíma. Íslenskir ríkisborgarar hafa flutt til og frá landinu í takt við spurn eftir vinnuafli og sama má segja um að- og brottflutning erlendra ríkisborgara. Brottflutningur eykst að jafnaði ári eftir efnahagslægð og nær 1–2 ár fram yfir lægðina. Samkvæmt efnahagsspá Seðlabankans í janúar sl. er gert ráð fyrir neikvæðum hagvexti út þetta ár en að hagur landsins fari batnandi á árinu 2011. Þá er gert ráð fyrir að hagvöxtur verði kominn upp í tæplega 3% á árinu 2012. Gangi spáin eftir má gera ráð fyrir áframhaldandi búferlaflutningum á þessu ári og eitthvað fram á næsta ár. Eins og sést á næstu mynd voru talsverðar sveiflur í búferlaflutningum til og frá landinu á tímabilinu 1986–2009. Sveiflurnar stafa þó fyrst og fremst af hreyfanleika erlendra ríkisborgara, sérstaklega í kjölfar síðustu uppsveiflu, en ekki vegna íslenskra ríkisborgara. Í lok efnahagslægðarinnar á tíunda áratug síðustu aldar var flutningsjöfnuður íslenskra ríkisborgara á árunum 1995–1996 neikvæður um 2.675 einstaklinga en á árunum 2008–2009 var hann neikvæður um 2.943 einstaklinga svo að dæmi sé tekið. Ástæða þess að brottflutningur hefur ekki orðið meiri nú en raun ber vitni er að öllum líkindum sú að flest ríki glíma við mikið atvinnuleysi í dag.
Erfitt er að spá fyrir um hvort hið opinbera verði fyrir tekjumissi vegna brottfluttra einstaklinga á árinu 2009. Ráðuneytið hefur ekki upplýsingar um stöðu þeirra sem hafa flust frá landinu eða hversu margir munu flytja aftur heim þegar betur árar. Það sem skiptir mestu máli í þessu samhengi er hversu hratt og vel tekst að byggja upp atvinnulífið svo koma megi í veg fyrir skaða í framtíðinni.
138. löggjafarþing 2009–2010.
Þskj. 987 — 369. mál.
Svar
efnahags- og viðskiptaráðherra við fyrirspurn Erlu Óskar Ásgeirsdóttur um brottflutta einstaklinga með íslenskan ríkisborgararétt.
1. Hversu margir einstaklingar með íslenskan ríkisborgararétt hafa flust af landi brott árið 2009?
Alls flutti 4.851 einstaklingur með íslenskan ríkisborgararétt frá landinu á árinu 2009, þ.e. 2.466 fleiri en þeir íslensku ríkisborgarar sem fluttu til landsins með íslenskan ríkisborgararétt.
2. Hvernig skiptast þeir eftir atvinnugreinum og aldri?
Ekki liggja fyrir upplýsingar um skiptingu brottfluttra einstaklinga með íslenskan ríkisborgararétt eftir atvinnugreinum. Upplýsingar um aldursskiptingu brottfluttra íslenskra ríkisborgara kemur fram á myndinni:
Hér er efni sem sést aðeins í pdf-skjalinu.
Á árinu 2009 voru flestir brottfluttra íslenskra ríkisborgara á aldrinum 25–29 ára, eða alls 745. Alls fluttu 3.597 íslenskir ríkisborgarar á vinnualdri (16–74 ára) frá landinu eða 1.890 einstaklingar umfram aðfluttra.
3. Hver er tekjumissir hins opinbera af brottfluttum einstaklingum 2009?
Það er reynslan hér á landi að búferlaflutningar til og frá landinu eru að töluverðu leyti háðir efnahagsástandinu í landinu á hverjum tíma. Íslenskir ríkisborgarar hafa flutt til og frá landinu í takt við spurn eftir vinnuafli og sama má segja um að- og brottflutning erlendra ríkisborgara. Brottflutningur eykst að jafnaði ári eftir efnahagslægð og nær 1–2 ár fram yfir lægðina. Samkvæmt efnahagsspá Seðlabankans í janúar sl. er gert ráð fyrir neikvæðum hagvexti út þetta ár en að hagur landsins fari batnandi á árinu 2011. Þá er gert ráð fyrir að hagvöxtur verði kominn upp í tæplega 3% á árinu 2012. Gangi spáin eftir má gera ráð fyrir áframhaldandi búferlaflutningum á þessu ári og eitthvað fram á næsta ár. Eins og sést á næstu mynd voru talsverðar sveiflur í búferlaflutningum til og frá landinu á tímabilinu 1986–2009. Sveiflurnar stafa þó fyrst og fremst af hreyfanleika erlendra ríkisborgara, sérstaklega í kjölfar síðustu uppsveiflu, en ekki vegna íslenskra ríkisborgara. Í lok efnahagslægðarinnar á tíunda áratug síðustu aldar var flutningsjöfnuður íslenskra ríkisborgara á árunum 1995–1996 neikvæður um 2.675 einstaklinga en á árunum 2008–2009 var hann neikvæður um 2.943 einstaklinga svo að dæmi sé tekið. Ástæða þess að brottflutningur hefur ekki orðið meiri nú en raun ber vitni er að öllum líkindum sú að flest ríki glíma við mikið atvinnuleysi í dag.
Hér er efni sem sést aðeins í pdf-skjalinu.
Erfitt er að spá fyrir um hvort hið opinbera verði fyrir tekjumissi vegna brottfluttra einstaklinga á árinu 2009. Ráðuneytið hefur ekki upplýsingar um stöðu þeirra sem hafa flust frá landinu eða hversu margir munu flytja aftur heim þegar betur árar. Það sem skiptir mestu máli í þessu samhengi er hversu hratt og vel tekst að byggja upp atvinnulífið svo koma megi í veg fyrir skaða í framtíðinni.
