Aðrar útgáfur af skjalinu: PDF - Word Perfect. Ferill 162. máls.
139. löggjafarþing 2010–2011.
Þskj. 725 — 162. mál.
velferðarráðherra við fyrirspurn Vigdísar Hauksdóttur um kvensjúkdómaaðgerðir á St. Jósefsspítala og víðar.
1. Hvað voru gerðar margar kvensjúkdómaaðgerðir árin 2008, 2009 og það sem af er ári 2010 á:
a. St. Jósefsspítala,
b. Landspítalanum,
c. sjúkrahúsinu á Akranesi og
d. einkastofum?
Ekki er mögulegt að nota tölur í töflunni um fjölda aðgerða til að bera saman skilvirkni eða afköst einstakra stofnana eða stofureksturs. Um er að ræða ólíkar aðgerðir sem geta verið mjög mismiklar að umfangi.
Til að slíkur samanburður sé mögulegur þurfa að liggja fyrir upplýsingar um „vigt“ einstakra aðgerða sem mæld hefur verið með samræmdum hætti. Svör byggjast á upplýsingum frá einstökum stofnunum. Þar sem talning hefur enn ekki verið samræmd þarf að taka tölum með ákveðnum fyrirvara.
2. Hvað kostar að meðaltali hver aðgerð í kvenlækningum á fyrrgreindum sjúkrastofnunum?
Enn hefur ekki verið komið á samræmdri kostnaðargreiningu á heilbrigðisstofnunum og sjúkrahúsum. Heilbrigðisráðuneytið vann að undirbúningi samræmdrar kostnaðargreiningar hjá stofnunum í framhaldi af samþykkt nýrra laga um sjúkratryggingar sem tóku gildi í október 2008. Sú vinna hefur dregist, meðal annars vegna efnahagshrunsins en í kjölfar þess hafa kraftar ráðuneytisins og stofnana þess beinst að öðrum verkefnum. Kostnaðargreining er meðal forgangsverkefna í nýju velferðarráðuneyti.
Raunhæfur samanburður á kostnaði við aðgerðir næst einungis með því að bera saman sams konar aðgerðir sem kostnaðargreindar eru með sama hætti. Landspítali er eina stofnunin af þeim sem fyrirspurnin beinist að sem greinir kostnað á einstakar tegundir aðgerða í kostnaðarbókhaldi sínu á grundvelli DRG-flokkunar. Tölur frá öðrum en Landspítala miðast við meðalkostnað allra aðgerða á kvennadeild samkvæmt kostnaðargreiningu hverrar stofnunar. Kostnaðartölur fyrir einkastofur eru greiðslur á grundvelli umsaminnar gjaldskrár. Inni í kostnaðartölum er allur kostnaður annar en húsnæðiskostnaður.
Þar sem það safn aðgerða sem framkvæmt er á hverjum stað er mismunandi er ekki unnt að meta skilvirkni eða hagkvæmni á grundvelli talnanna. Lægri kostnað á aðgerð hjá einkastofum má skýra á grundvelli verkaskiptingar milli einkastofa og sjúkrahúsa þar sem stofur sinna smærri verkum. Tölur frá Landspítala miða við aðgerðir sem fram koma í töflu 2b.
3. Hvað er löng bið eftir aðgerðum af þessu tagi, eftir þeim sjúkrastofnunum sem fyrr greinir?
Upplýsingar sem landlæknisembættið tekur saman eru einu samræmdu upplýsingarnar sem til eru um biðtíma eftir þjónustu. Í töflu 3 kemur fram fjöldi á biðlista eftir skurðaðgerðum og biðtími í vikum eftir aðgerðum sem tengjast kvennadeildum sjúkrahúsa og fyrirspurnin beinist að. Ekki liggja fyrir upplýsingar um bið eftir þjónustu á einkastofum.
Heimild: Heimasíða landlæknisembættisins.
* Áætlaður biðlisti. Hluti þeirra sem skráður er á hann er í raun ekki tilbúinn til aðgerðar, t.d. vegna þess að þær uppfylla ekki forkröfur um að léttast vegna aðgerðar.
4. Hvert eiga sérhæfðar aðgerðir af þessu tagi að flytjast verði tekin ákvörðun um að leggja þjónustuna niður á St. Jósefsspítala?
Sameiginlegur vinnuhópur Landspítala og St. Jósefsspítala sem undirbýr sameiningu þessara spítala vinnur nú að tillögum um staðsetningu verkefna.
5. Eru læknar St. Jósefsspítala ráðnir í fastlaunakerfi eða starfa þeir samkvæmt gjaldskrá sérfræðilækna?
Læknar á St. Jósefsspítala hafa verið á föstum launum frá því á vormánuðum 2010. Nokkrir læknar leigja sér aðstöðu á göngudeild en þeir eru ekki starfsmenn St. Jósefsspítala.
6. Er St. Jósefsspítali innan fjárlaga fyrir árin 2009 og 2010 þrátt fyrir 10% sparnaðarkröfu hvort ár?
Rekstur St. Jósefsspítala var nálægt því að vera í jafnvægi árið 2009 en kostnaður var þá um 1% yfir fjárheimildum. Samkvæmt upplýsingum úr bókhaldskerfi ríkisins er reksturinn nokkuð undir fjárheimildum árið 2010. Enn er einhver kostnaður ófærður en samkvæmt upplýsingum frá stjórnendum sjúkrahússins er áætlað að rekstur verði innan fjárheimilda þegar allur kostnaður hefur verið færður til bókar. Lækkun framlaga hefur meðal annars verið mætt með því að draga saman starfsemi á spítalahluta stofnunarinnar.
7. Hver var ástæða þess að St. Jósefsspítali var sameinaður Sólvangi og hver hefur ávinningur verið af þeirri sameiningu fyrir ríkissjóð?
Tilgangur sameiningar var einkum sá að leita aukinnar hagræðingar í sameiginlegri yfirstjórn og samnýtingu stoðdeilda. Stjórnendur St. Jósefsspítala gera ráð fyrir að 60 millj. kr. sparnaður sem sameiningunni var ætlað að skila hafi náðst. Í stjórnsýsluúttekt Ríkisendurskoðunar á St. Jósefsspítala – Sólvangi frá nóvember 2007 kemur fram að ekki liggi fyrir upplýsingar um raunverulega hagræðingu. Ekki liggur fyrir annað formlegt mat á árangri sameiningarinnar.
139. löggjafarþing 2010–2011.
Þskj. 725 — 162. mál.
Svar
velferðarráðherra við fyrirspurn Vigdísar Hauksdóttur um kvensjúkdómaaðgerðir á St. Jósefsspítala og víðar.
1. Hvað voru gerðar margar kvensjúkdómaaðgerðir árin 2008, 2009 og það sem af er ári 2010 á:
a. St. Jósefsspítala,
b. Landspítalanum,
c. sjúkrahúsinu á Akranesi og
d. einkastofum?
Tafla 1. Fjöldi kvensjúkdómaaðgerða á dag- og legudeildum
2008, 2009 og fyrstu 10 mánuði ársins 2010.
Hér er efni sem sést aðeins í pdf-skjalinu.
Ekki er mögulegt að nota tölur í töflunni um fjölda aðgerða til að bera saman skilvirkni eða afköst einstakra stofnana eða stofureksturs. Um er að ræða ólíkar aðgerðir sem geta verið mjög mismiklar að umfangi.
Til að slíkur samanburður sé mögulegur þurfa að liggja fyrir upplýsingar um „vigt“ einstakra aðgerða sem mæld hefur verið með samræmdum hætti. Svör byggjast á upplýsingum frá einstökum stofnunum. Þar sem talning hefur enn ekki verið samræmd þarf að taka tölum með ákveðnum fyrirvara.
2. Hvað kostar að meðaltali hver aðgerð í kvenlækningum á fyrrgreindum sjúkrastofnunum?
Enn hefur ekki verið komið á samræmdri kostnaðargreiningu á heilbrigðisstofnunum og sjúkrahúsum. Heilbrigðisráðuneytið vann að undirbúningi samræmdrar kostnaðargreiningar hjá stofnunum í framhaldi af samþykkt nýrra laga um sjúkratryggingar sem tóku gildi í október 2008. Sú vinna hefur dregist, meðal annars vegna efnahagshrunsins en í kjölfar þess hafa kraftar ráðuneytisins og stofnana þess beinst að öðrum verkefnum. Kostnaðargreining er meðal forgangsverkefna í nýju velferðarráðuneyti.
Raunhæfur samanburður á kostnaði við aðgerðir næst einungis með því að bera saman sams konar aðgerðir sem kostnaðargreindar eru með sama hætti. Landspítali er eina stofnunin af þeim sem fyrirspurnin beinist að sem greinir kostnað á einstakar tegundir aðgerða í kostnaðarbókhaldi sínu á grundvelli DRG-flokkunar. Tölur frá öðrum en Landspítala miðast við meðalkostnað allra aðgerða á kvennadeild samkvæmt kostnaðargreiningu hverrar stofnunar. Kostnaðartölur fyrir einkastofur eru greiðslur á grundvelli umsaminnar gjaldskrár. Inni í kostnaðartölum er allur kostnaður annar en húsnæðiskostnaður.
Tafla 2. Meðalkostnaður á kvensjúkdómaaðgerðir 2009.
Hér er efni sem sést aðeins í pdf-skjalinu.
Þar sem það safn aðgerða sem framkvæmt er á hverjum stað er mismunandi er ekki unnt að meta skilvirkni eða hagkvæmni á grundvelli talnanna. Lægri kostnað á aðgerð hjá einkastofum má skýra á grundvelli verkaskiptingar milli einkastofa og sjúkrahúsa þar sem stofur sinna smærri verkum. Tölur frá Landspítala miða við aðgerðir sem fram koma í töflu 2b.
Tafla 2b. Meðalkostnaður við aðgerðir á Landspítala 2009.
Hér er efni sem sést aðeins í pdf-skjalinu.
3. Hvað er löng bið eftir aðgerðum af þessu tagi, eftir þeim sjúkrastofnunum sem fyrr greinir?
Upplýsingar sem landlæknisembættið tekur saman eru einu samræmdu upplýsingarnar sem til eru um biðtíma eftir þjónustu. Í töflu 3 kemur fram fjöldi á biðlista eftir skurðaðgerðum og biðtími í vikum eftir aðgerðum sem tengjast kvennadeildum sjúkrahúsa og fyrirspurnin beinist að. Ekki liggja fyrir upplýsingar um bið eftir þjónustu á einkastofum.
Tafla 3. Biðlistar eftir völdum skurðaðgerðum 2010.
Fjöldi einstaklinga sem beðið hafa lengur en þrjá mánuði.
Hér er efni sem sést aðeins í pdf-skjalinu.
Heimild: Heimasíða landlæknisembættisins.
* Áætlaður biðlisti. Hluti þeirra sem skráður er á hann er í raun ekki tilbúinn til aðgerðar, t.d. vegna þess að þær uppfylla ekki forkröfur um að léttast vegna aðgerðar.
4. Hvert eiga sérhæfðar aðgerðir af þessu tagi að flytjast verði tekin ákvörðun um að leggja þjónustuna niður á St. Jósefsspítala?
Sameiginlegur vinnuhópur Landspítala og St. Jósefsspítala sem undirbýr sameiningu þessara spítala vinnur nú að tillögum um staðsetningu verkefna.
5. Eru læknar St. Jósefsspítala ráðnir í fastlaunakerfi eða starfa þeir samkvæmt gjaldskrá sérfræðilækna?
Læknar á St. Jósefsspítala hafa verið á föstum launum frá því á vormánuðum 2010. Nokkrir læknar leigja sér aðstöðu á göngudeild en þeir eru ekki starfsmenn St. Jósefsspítala.
6. Er St. Jósefsspítali innan fjárlaga fyrir árin 2009 og 2010 þrátt fyrir 10% sparnaðarkröfu hvort ár?
Rekstur St. Jósefsspítala var nálægt því að vera í jafnvægi árið 2009 en kostnaður var þá um 1% yfir fjárheimildum. Samkvæmt upplýsingum úr bókhaldskerfi ríkisins er reksturinn nokkuð undir fjárheimildum árið 2010. Enn er einhver kostnaður ófærður en samkvæmt upplýsingum frá stjórnendum sjúkrahússins er áætlað að rekstur verði innan fjárheimilda þegar allur kostnaður hefur verið færður til bókar. Lækkun framlaga hefur meðal annars verið mætt með því að draga saman starfsemi á spítalahluta stofnunarinnar.
7. Hver var ástæða þess að St. Jósefsspítali var sameinaður Sólvangi og hver hefur ávinningur verið af þeirri sameiningu fyrir ríkissjóð?
Tilgangur sameiningar var einkum sá að leita aukinnar hagræðingar í sameiginlegri yfirstjórn og samnýtingu stoðdeilda. Stjórnendur St. Jósefsspítala gera ráð fyrir að 60 millj. kr. sparnaður sem sameiningunni var ætlað að skila hafi náðst. Í stjórnsýsluúttekt Ríkisendurskoðunar á St. Jósefsspítala – Sólvangi frá nóvember 2007 kemur fram að ekki liggi fyrir upplýsingar um raunverulega hagræðingu. Ekki liggur fyrir annað formlegt mat á árangri sameiningarinnar.
