Aðrar útgáfur af skjalinu: PDF - Word Perfect. Ferill 483. máls.
139. löggjafarþing 2010–2011.
Þskj. 924 — 483. mál.
fjármálaráðherra við fyrirspurn Vigdísar Hauksdóttur um greiðslubyrði íslenska ríkisins.
1. Hver er greiðslubyrði íslenska ríkisins vegna erlendra lána árið 2011 og hvernig er fjármögnun háttað?
Á árinu 2011 eru þrjú erlend lán á gjalddaga, samtals að fjárhæð 775 milljónir evra, eða jafnvirði 123 milljarða kr. Gert er ráð fyrir endurfjármögnun lánanna í samræmi við stefnu ríkisins í lánsfjármögnun í erlendum gjaldmiðlum. Andvirði 713 milljóna evra var á sínum tíma veitt til Seðlabanka Íslands og spegla gjalddagar veittu lánanna lán ríkissjóðs.
2. Til hvaða þarfa voru lánin þegar þau voru tekin?
Í nóvember 2006 tók ríkissjóður 1 milljarðs evru lán og veitti andvirði lánsins til Seðlabanka Íslands til styrkingar gjaldeyrisforða bankans. Staða þess láns, eftir uppkaup skulda 2010, er 638 milljónir evra. Í september 2008 tók ríkissjóður 300 milljóna evru lán í sama tilgangi. Staða þess láns eftir uppkaup 2010 er 75 milljónir evra. Þá er 61,5 milljóna evra afborgun af 401,5 milljóna evra skuldabréfi sem ríkissjóður gaf út 2010 í tengslum við kaup á eignavörðum skuldabréfum Avens B.V. (Landslux Notes).
3. Hver verður áætluð árleg greiðslubyrði árin 2012–2018 og hvernig verður fjármögnun háttað?
Endurgreiðsluferil erlendra lána 2011–2025 má sjá á eftirfarandi mynd:
Fjármögnun verður í samræmi við stefnu ríkisins um lánsfjármögnun í erlendum gjaldmiðlum sem miðast við að stuðla að reglubundnum aðgangi að alþjóðlegum fjármagnsmörkuðum og að viðhalda aðgengi að fjölbreyttum hópi fjárfesta. Með því er stefnt að reglubundinni útgáfu markaðsskuldabréfa ríkissjóðs á erlendum mörkuðum þar sem megintilgangurinn er að endurfjármagna útistandandi markaðsskuldabréf og lán sem tengjast efnahagsáætlun Alþjóðagjaldeyrissjóðsins. Reglubundinni útgáfu skuldabréfa á alþjóðlegum mörkuðum er enn fremur ætlað að auka vitund fjárfesta um ríkissjóð Íslands sem útgefanda.
139. löggjafarþing 2010–2011.
Þskj. 924 — 483. mál.
Svar
fjármálaráðherra við fyrirspurn Vigdísar Hauksdóttur um greiðslubyrði íslenska ríkisins.
1. Hver er greiðslubyrði íslenska ríkisins vegna erlendra lána árið 2011 og hvernig er fjármögnun háttað?
Á árinu 2011 eru þrjú erlend lán á gjalddaga, samtals að fjárhæð 775 milljónir evra, eða jafnvirði 123 milljarða kr. Gert er ráð fyrir endurfjármögnun lánanna í samræmi við stefnu ríkisins í lánsfjármögnun í erlendum gjaldmiðlum. Andvirði 713 milljóna evra var á sínum tíma veitt til Seðlabanka Íslands og spegla gjalddagar veittu lánanna lán ríkissjóðs.
2. Til hvaða þarfa voru lánin þegar þau voru tekin?
Í nóvember 2006 tók ríkissjóður 1 milljarðs evru lán og veitti andvirði lánsins til Seðlabanka Íslands til styrkingar gjaldeyrisforða bankans. Staða þess láns, eftir uppkaup skulda 2010, er 638 milljónir evra. Í september 2008 tók ríkissjóður 300 milljóna evru lán í sama tilgangi. Staða þess láns eftir uppkaup 2010 er 75 milljónir evra. Þá er 61,5 milljóna evra afborgun af 401,5 milljóna evra skuldabréfi sem ríkissjóður gaf út 2010 í tengslum við kaup á eignavörðum skuldabréfum Avens B.V. (Landslux Notes).
3. Hver verður áætluð árleg greiðslubyrði árin 2012–2018 og hvernig verður fjármögnun háttað?
Endurgreiðsluferil erlendra lána 2011–2025 má sjá á eftirfarandi mynd:
Hér er efni sem sést aðeins í pdf-skjalinu.
Fjármögnun verður í samræmi við stefnu ríkisins um lánsfjármögnun í erlendum gjaldmiðlum sem miðast við að stuðla að reglubundnum aðgangi að alþjóðlegum fjármagnsmörkuðum og að viðhalda aðgengi að fjölbreyttum hópi fjárfesta. Með því er stefnt að reglubundinni útgáfu markaðsskuldabréfa ríkissjóðs á erlendum mörkuðum þar sem megintilgangurinn er að endurfjármagna útistandandi markaðsskuldabréf og lán sem tengjast efnahagsáætlun Alþjóðagjaldeyrissjóðsins. Reglubundinni útgáfu skuldabréfa á alþjóðlegum mörkuðum er enn fremur ætlað að auka vitund fjárfesta um ríkissjóð Íslands sem útgefanda.
