Aðrar útgáfur af skjalinu: PDF - Word Perfect. Ferill 618. máls.

---

139. löggjafarþing 2010–2011.
Þskj. 1073  —  618. mál.

Tillaga til þingsályktunar

um framkvæmdaátak í vegamálum á árunum 2011–2013.

Flm.: Jón Gunnarsson, Bjarni Benediktsson, Ólöf Nordal,

Árni Johnsen, Ásbjörn Óttarsson, Birgir Ármannsson, Einar K. Guðfinnsson,
Kristján Þór Júlíusson, Ragnheiður Ríkharðsdóttir, Sigurður Kári Kristjánsson,
Sigurður Ingi Jóhannsson, Tryggvi Þór Herbertsson, Þorgerður K. Gunnarsdóttir.

    Alþingi ályktar að fela ríkisstjórninni að efna til framkvæmdaátaks í vegamálum á árunum 2011–2013. Á því tímabili verði 22 milljörðum kr. varið til verkefnisins sem viðbót við þau verkefni sem hafa verið ákveðin með fjárlögum 2011.
    Til að fjármagna verkefnið skulu gefin út ríkisskuldabréf sem verði greidd á árunum 2016–2026.

Greinargerð.

    Með tillögu þessari til þingsályktunar er lagt til að auknu fjármagni verði varið í vegaframkvæmdir á næstu árum. Nauðsynlegt er að setja aukinn kraft í þær framkvæmdir en í tillögu þessari er átt við vegaframkvæmdir að jarðgangnagerð undanskilinni. Eðlilegt er að samhliða þessu átaki hefjist framkvæmdir við jarðgangnagerð eins og rætt hefur verið. Fjölmörg verk eru tilbúin til útboðs, mörg þeirra var búið að bjóða út árið 2008 en framkvæmdum var frestað og öðrum sem voru tilbúin til útboðs var slegið á frest.
    Þessi samdráttur í framkvæmdum hefur haft mjög alvarlegar afleiðingar fyrir verktakafyrirtæki í jarðvinnu og leitt af sér gjaldþrot fyrirtækja og fjöldauppsagnir starfsfólks. Vegagerðin hefur verulegar áhyggjur af því að þekking og reynsla í greininni muni líða mjög fyrir þann mikla samdrátt sem hefur orðið.
    Meðfylgjandi er yfirlit yfir þau verkefni sem Vegagerðin segir hægt að hefja framkvæmdir við innan einhverra vikna eða mánaða (fjárhæðir í yfirlitinu eru ekki endanlegar). Yfirlitið er grunnur að þeim verkefnum sem líta skal til við ákvörðun á verkefnum sem ráðist verður í á grundvelli þessa framkvæmdaátaks. Sérstaklega þarf einnig að nýta átakið til vegaframkvæmda sem auðvelda aðgengi að vinsælum ferðamannastöðum. Verkefnin sem hægt er að ráðast í með skömmum fyrirvara eru fjölbreytt og á mismunandi stöðum á landinu. Mörg verkefnanna eru brýn en við val á verkefnum og forgangsröðun þeirra á framkvæmdatímanum þarf að líta til eðlilegrar dreifingar milli landshluta. Eðlilegt er við ákvörðun á því átaksverkefni sem hér um ræðir að þau verkefni sem þegar eru á vegáætlun njóti forgangs í framkvæmdaröðun.
    Atvinnusköpun af átakinu yrði mikil og má í því sambandi nefna að samkvæmt áætlun Samtaka atvinnulífsins mundu skapast yfir 500 störf við útboð á verkefnum að verðmæti 6 milljarða kr. sem ríkisstjórnin talaði um að bjóða út á fyrri hluta þessa árs. Ljóst má því vera að með slíku átaki sem hér er lagt til að ráðist verði í muni skapast á annað þúsund störf á næstu árum. Nokkur umræða hefur verið um sérstaka fjármögnum vegna einstakra vegaframkvæmda með veggjöldum. Flutningsmenn eru sammála um að ekki verði gengið lengra í skattaálögum til samgöngumála en nú er orðið. Nýleg hækkun eldsneytisgjalds er ofaukin við þær erfiðu aðstæður sem ríkja í samfélaginu. Umræða og vinna við framtíðarskipulag á innheimtu skatta vegna samgöngumála má ekki verða til þess að tefja þær mikilvægu framkvæmdir sem hér er fjallað um. Slík umræða krefst tíma og frekari rannsókna. Þróun í bílaflota landsmanna til umhverfisvænni og eyðsluminni farartækja kallar á slíka úttekt.

Yfirlit Vegagerðarinnar yfir möguleg útboðsverk fyrstu átta mánuði ársins 2011.
Suðursvæð i						14.2.2011
Vegnr.	Kafli.	Vegheiti	Kaflaheiti	Lengd km	Kostn.	Aths.
1	d8	Hringvegur	Hamragilsvegur – Hveragerði	15,0	2.000
26	04	Landvegur	Galtalækur – Landmannaleið	11,8	230
204	02	Meðallandsvegur	Fossar – Syðri-Fljótar	7,7	110
218	02	Dyrhólavegur	Dyrhólavegur2 – Dyrhólaey	4,3	70
264	01	Rangárvallavegur	Akurbrekka – Stokkalækur	1,8	58
264	02	Rangárvallavegur	Gunnarsholt – Fjallabaksleið	7,5	200
268	01	Þingskálavegur	Heiði – Bolholtsskógur	7,5	200
271	01	Árbæjarvegur	Kvistir – Árbakki	3,0	70
286	01	Hagabraut	Landvegur – Heiðarbraut	4,0	210
305	02	Villingaholtsvegur	Gaulverjabæjarvegur – Fljótshólar	6,0	140
304	01	Oddgeirshólavegur	Hringvegur – Oddgeirshólar	4,8	50
310	01	Votmúlavegur	Jórvík – Nýibær	2,2	120
321	01	Skeiðháholtsvegur	Skeiðavegur – Skeiðháholt	1,7	20
341	01	Langholtsvegur	Flúðir – Langholtskot	3,3	190
350	01	Grafningsvegur neðri	Hlíð – Grafningsvegur efri	4,3	70
360	01	Grafningsvegur efri	Sogið – Grafningsvegur neðri	1,3	45
366	01	Böðmóðsstaðavegur	Laugarvatnsvegur – Böðmóðsstaðir	2,3	40
F26	11	Sprengisandsleið	Vatnsfellsvirkjun	3,5	42
			Samtals		3.865
Suðvestursvæði
Vegnr.	Kafli	Vegheiti	Kaflaheiti	Lengd km	Kostn.	Aths.
1	e3	Hringvegur	Bæjarháls – Nesbraut	1,3	250
40	03-04	Hafnarfjarðarvegur	Gatnamót við Vífilsstaðaveg		400
		Hafnarfjarðarvegur	Ýmsar aðgerðir, bætt umferðarflæði		200
41	14-15	Reykjanesbraut	Kaldárselsvegur – Krýsuvíkurvegur	2,9	2.600
	15		Undirgöng við Straumsvík		140
	21		Undirgöng við Grænás		100
48	02-11	Kjósarskarðsvegur	Vindás – Þingvallavegur	10,0	400
411	05	Arnarnesvegur	Reykjanesbraut – Fífuhvammsvegur	1,8	1.100
413	01	Breiðholtsbraut	Göngubrú við Norðlingaholt		100
415	04	Álftanesvegur	Hafnarfjarðarv. – Bessastaðav.	4,0	800
			Samtals		6.090
Norðvestursvæði
Vegnr.	Kafli	Vegheiti	Kaflaheiti	Lengd km	Kostn.	Aths.
1	g5	Hringvegur	Um Borgarfjarðarbrú	2,3	60
1	m5		Vatnshlíð – Valadalsá	1,5	110
50	04	Borgarfjarðarbraut	Reykjadalsá	1,7	280
54	05	Snæfellsnesvegur	Haffjarðará	1,0	344
60	33	Vestfjarðavegur	Eiði – Þverá		3.000
61	38	Djúpvegur	Súðavíkurhlíð		50	Snjóflóð
62	03	Barðastrandarvegur	Hrísnesá		20	Ræsi í stað brúar
68	10	Innstrandavegur	Þorpar – Hvalvík	3,4	210
505	01	Melasveitarvegur	Hringvegur – Bakkanáma	1,5	36
508	02	Skorradalsvegur	Hvammur – Dagverðarnes	2,6	150
509	02	Akranesvegur	Undirgöng hjólandi og reiðmenn		35	Öryggisaðgerð
522	03	Þverárhlíðarvegur	Hjarðarholt – Borgarfjarðarbraut	3,6	107
550	04	Kaldadalsvegur	Langjökulsvegur – Hálsasveitarvegur	7,3	Óvíst
643	02	Strandavegur	Djúpvegur – Geirmundarstaðarvegur		457
704	01	Miðfjarðarvegur	Hringvegur – Staðarbakki	4,5	150
724	01	Reykjabraut	Hringvegur – Svínvetningabraut	7,2	164
746	01	Tindastólsvegur	Þverárfjallsvegur – skíðasvæði	4,0	85
752	03	Skagafjarðarvegur	Hafgrímsstaðir – Stekkjarholt		165
5750	01	Kvíabryggjuvegur	Snæfellsnessvegur – Kvíabryggja	2,26	35	Héraðsvegur
			Samtals		5.458
Norðaustursvæði
Vegnr.	Kafli	Vegheiti	Kaflaheiti	Lengd km	Kostn.	Aths.
1		Hringvegur	Vaðlaheiðargöng		10.700
	r5		Um Jökulsá á Fjöllum	2,6	950
	s6		Ysta Rjúkandi (brú)	1,0	180
	t7		Vatnsdalsá – Axarvegur	6,0	330
	u4		Berufjarðarbotn (þverun)	4,6	770
82	05	Ólafsfjarðarvegur	Snjóflóðavörn við Sauðanes 1. áfangi		50
87	02	Kísilvegur	Frá slitlagsenda til norðurs	3,1	120
92	09	Norðfjarðarvegur	Norðfjarðargöng		10.500
96	01	Suðurfjarðavegur	Fáskrúðsfjarðarbotn	2,5	350
807	01	Skíðadalsvegur	Skáldalækur – Brautarhóll	3,6	145
	01		Hofsá – Ytra Hvarf	3,4	120
815	01	Hörgárdalsvegur	Skriða – Brakandi	4,0	200
816		Dagverðareyrarvegur	Helluland – Gásir	1,2	25
826	01	Hólavegur	Gnúpufell – Arnarfell	4,7	110
842	01	Bárðardalsv. vestri	Hringvegur – Hlíðarendi	10,8	240
854	01	Staðarbraut	Aðaldalsvegur – Laxá	4,5	120
862		Dettifossvegur	Dettifoss – Norðausturvegur	30,0	1.700
917		Hlíðarvegur	Fossvellir – Hallgeirsstaðir	8,0	250
923		Jökuldalsvegur	Gilsá – Arnórsstaðir	3,4	120
			Samtals		26.980
			Samtals allt landið		42.393