Aðrar útgáfur af skjalinu: PDF - Word Perfect. Ferill 441. máls.
139. löggjafarþing 2010–2011.
Þskj. 1076 — 441. mál.
innanríkisráðherra við fyrirspurn Sivjar Friðleifsdóttur um boðunarkerfi fyrir ferðamenn á hættuslóðum.
Innanríkisráðuneytið leitaði umsagnar hjá Neyðarlínunni, Póst- og fjarskiptastofnun og embætti ríkislögreglustjóra vegna fyrirspurnarinnar.
1. Stendur til að kaupa boðunarkerfi í tengslum við almannavarnir sem er þeim eiginleikum gætt að senda má neyðarboð með sms-smáskilaboðum í gms-síma allra ferðamanna, jafnt íslenskra sem erlendra, sem eru þar staddir sem náttúruhamfarir geisa eða eru yfirvofandi, með beiðni um að allir yfirgefi hættuslóðirnar hið fyrsta?
Undanfarin ár hafa Neyðarlínan og farsímafélögin leitað lausna til að senda sms-boð til farsímanotenda á afmörkuðum þjónustusvæðum farsímakerfanna. Þessi lausn liggur nú fyrir en misjafnt er hvað þarf að bæta við af búnaði og virkni í kerfum þannig að hægt sé að vinna upplýsingar um farsímanúmer notenda á skilgreindum svæðum. Vinna stendur yfir hjá farsímafélögunum við að taka saman þessar upplýsingar. Þessu til viðbótar þarf að skilgreina samskipti á milli farsímakerfa og kerfa Neyðarlínu, en þar eru svæði afmörkuð og þaðan eru SMS boðanir sendar út. Kostnaðaráætlun vegna þessarar lausnar mun liggja fyrir í næsta mánuði.
2. Ef svo er, hvenær má áætla að hægt sé að taka búnaðinn í notkun hér á landi?
Unnið er að gerð kostnaðar- og tímaáætlunar vegna framangreinds verkefnis. Vonast er til að hægt verði að gangsetja kerfið á næstu mánuðum ef ekkert óvænt kemur til.
3. Eru til upplýsingar um hvað slíkur búnaður kostar?
Gert er ráð fyrir að kostnaður Neyðarlínunnar verði um 20 millj. kr. Ekki er vitað um þann kostnað sem farsímafélögin bera vegna verkefnisins.
4. Er búnaðurinn þess eðlis að hægt sé að senda sms-smáskilaboð á mismunandi tungumálum eftir því frá hvaða landi eigandi símans er?
Já, það er hægt.
5. Er slíkur búnaður nýttur í nágrannalöndum okkar, svo sem í Noregi?
Af nágrannalöndunum er Holland komið lengst í uppsetningu slíkra viðvörunarkerfa. Þar eru notuð svokölluð „Cell-broadcast“ tækni sem er annars eðlis en sms-tæknin. Staðbundið sms-aðvörunarkerfi hefur verið sett upp í Noregi. Önnur lönd eru með ýmsar lausnir í skoðun.
139. löggjafarþing 2010–2011.
Þskj. 1076 — 441. mál.
Svar
innanríkisráðherra við fyrirspurn Sivjar Friðleifsdóttur um boðunarkerfi fyrir ferðamenn á hættuslóðum.
Innanríkisráðuneytið leitaði umsagnar hjá Neyðarlínunni, Póst- og fjarskiptastofnun og embætti ríkislögreglustjóra vegna fyrirspurnarinnar.
1. Stendur til að kaupa boðunarkerfi í tengslum við almannavarnir sem er þeim eiginleikum gætt að senda má neyðarboð með sms-smáskilaboðum í gms-síma allra ferðamanna, jafnt íslenskra sem erlendra, sem eru þar staddir sem náttúruhamfarir geisa eða eru yfirvofandi, með beiðni um að allir yfirgefi hættuslóðirnar hið fyrsta?
Undanfarin ár hafa Neyðarlínan og farsímafélögin leitað lausna til að senda sms-boð til farsímanotenda á afmörkuðum þjónustusvæðum farsímakerfanna. Þessi lausn liggur nú fyrir en misjafnt er hvað þarf að bæta við af búnaði og virkni í kerfum þannig að hægt sé að vinna upplýsingar um farsímanúmer notenda á skilgreindum svæðum. Vinna stendur yfir hjá farsímafélögunum við að taka saman þessar upplýsingar. Þessu til viðbótar þarf að skilgreina samskipti á milli farsímakerfa og kerfa Neyðarlínu, en þar eru svæði afmörkuð og þaðan eru SMS boðanir sendar út. Kostnaðaráætlun vegna þessarar lausnar mun liggja fyrir í næsta mánuði.
2. Ef svo er, hvenær má áætla að hægt sé að taka búnaðinn í notkun hér á landi?
Unnið er að gerð kostnaðar- og tímaáætlunar vegna framangreinds verkefnis. Vonast er til að hægt verði að gangsetja kerfið á næstu mánuðum ef ekkert óvænt kemur til.
3. Eru til upplýsingar um hvað slíkur búnaður kostar?
Gert er ráð fyrir að kostnaður Neyðarlínunnar verði um 20 millj. kr. Ekki er vitað um þann kostnað sem farsímafélögin bera vegna verkefnisins.
4. Er búnaðurinn þess eðlis að hægt sé að senda sms-smáskilaboð á mismunandi tungumálum eftir því frá hvaða landi eigandi símans er?
Já, það er hægt.
5. Er slíkur búnaður nýttur í nágrannalöndum okkar, svo sem í Noregi?
Af nágrannalöndunum er Holland komið lengst í uppsetningu slíkra viðvörunarkerfa. Þar eru notuð svokölluð „Cell-broadcast“ tækni sem er annars eðlis en sms-tæknin. Staðbundið sms-aðvörunarkerfi hefur verið sett upp í Noregi. Önnur lönd eru með ýmsar lausnir í skoðun.
