Aðrar útgáfur af skjalinu: PDF - Word Perfect. Ferill 589. máls.
139. löggjafarþing 2010–2011.
Þskj. 1268  —  589. mál.



Svar



fjármálaráðherra við fyrirspurn Gunnars Braga Sveinssonar um laun í Stjórnarráðinu.

    Fyrirspurnin hljóðar svo:
     Hvaða laun eru greidd í Stjórnarráðinu fyrir störf deildarstjóra, deildarsérfræðings, lögfræðings, stjórnarráðsfulltrúa, skrifstofustjóra, hagfræðings, sérfræðings? Hver eru heildarlaun og útborguð laun sundurliðuð eftir lægstu greiddu launum hvers starfsheitis, meðallaunum og hæstu greiddu launum hvers starfsheitis?

    Eftirfarandi upplýsingar miðast við laun fyrir febrúar 2011 og starfsmenn í meira en 50% starfshlutfalli. Miðað er við upplýsingar í miðlægu launavinnslukerfi Fjársýslu ríkisins. Í svarinu koma fram grunnlaun (mánaðarlaun), í stað útborgaðra launa, og heildarlaun viðkomandi starfa. Breytingin er gerð í samráði við fyrirspyrjanda.
    Skráning starfsheita (launaheita) er ekki samræmd milli ráðuneyta í Stjórnarráðinu og ekki eru öll þau starfsheiti sem nefnd eru í fyrirspurninni skráð sérstaklega. Af þessum sökum eru starfsheiti í svarinu þremur færri en í fyrirspurninni.

Grunnlaun (mánaðarlaun)
eftir störfum 		Fjöldi
einstaklinga 		Lægstu grunnlaun Meðaltal grunnlauna Hæstu grunnlaun
Skrifstofustjóri 55 533.653 634.999 659.653
Deildarstjóri 19 295.240 445.197 559.298
Sérfræðingur 228 287.724 428.490 638.032
Stjórnarráðsfulltrúi 45 243.134 280.021 340.580
Heildarlaun eftir störfum Fjöldi
einstaklinga 		Lægstu heildarlaun Meðaltal
heildarlauna 		Hæstu heildarlaun
Skrifstofustjóri 55 617.143 663.442 715.291
Deildarstjóri 19 414.960 511.754 634.806
Sérfræðingur 228 343.965 509.458 770.234
Stjórnarráðsfulltrúi 45 249.035 337.674 586.277