Aðrar útgáfur af skjalinu: PDF - Word Perfect. Ferill 536. máls.

---

139. löggjafarþing 2010–2011.
Þskj. 1537  —  536. mál.

Svar

mennta- og menningarmálaráðherra við fyrirspurn Álfheiðar Ingadóttur um skólagjöld og lán til greiðslu skólagjalda.

     1.      Hversu margir skólar sem viðurkenndir eru af ráðuneytinu, á öllum skólastigum, taka skólagjöld af nemendum á skólaárinu 2010–2011 og hvaða skólar eru það?
    Um er að ræða 10 grunnskóla, 17 tónlistarskóla, 16 framhaldsskóla og 3 háskóla.

     2.      Hvaða þjónustu við nemendur eða efniskostnaði er skólagjöldum ætlað að standa undir?
    Leitað var til skólanna um upplýsingar um upphæð skólagjalda og skýringar á því hvaða kostnaði gjöldunum er ætlað að standa undir. Skýringar skólanna er að finna í töflum 1, 2 og 3 fyrir hvert skólastig.

     3.      Hversu há eru gjöldin hjá viðkomandi skólum á yfirstandandi skólaári og hver voru þau næstu fjögur skólaár þar á undan?
         Sjá töflu 1, 2 og 3.


Tafla 1

Grunnskólar og tónlistarskólar

Einkaskólar á grunnskólastigi	Skólagjöld í kr. á hvern nemanda á ári
	2010–11	2009–10	2008–09	2007–08	2006–07
Alþjóðaskólinn á Íslandi	210.000	200.000	190.500	175.250	175.250
Athugasemdir:	Nemendur með lögheimili í Garðabæ greiða engin skólagjöld. Nemendur sem hafa lögheimili í öðrum nágrannasveitarfélögum Garðabæjar greiða skólagjöld.
Þjónusta sem skólagjöld eiga að standa undir:	Skólagjöldum er ætlað að standa undir allri almennri þjónustu við nemendur fyrir utan sértæka þjónustu sem nemendur gætu þarfnast með tilliti til ákveðinna greininga eða þroskahömlunar. Skólagjöld standa undir öllum almennum efniskostnaði fyrir utan ritföng og stílabækur. Skólinn hefur ávallt haft námsstyrktarsjóð sem einstaklingar geta sótt um styrk hjá til lækkunar á skólagjöldum. Í skólann sækja einnig nemendur nám sem ekki hafa lögheimili á Íslandi og greiða því ekki sveitarfélögin hluta af námi þeirra. Þeir nemendur greiða full skólagjöld án afsláttar.
Barnaskóli Hjallastefnunnar í Hafnarfirði	23.750	0	0	0	0
Athugasemdir:	Engin skólagjöld 2006–2010 en þá lagði Hafnarfjarðarbær til ókeypis húsnæði og svo 75% af meðallandskostnaði af rekstri grunnskóla á landinu samkvæmt lögum. Nú er leiga innheimt og því rukkað lágmarkshúsnæðisgjald.
Þjónusta sem skólagjöld eiga að standa undir:	Lágmarkshúsnæðisgjald til að greiða leigu fyrir skólahúsnæðið. Allt annað er greitt af skólanum, þar á meðal pappír, ritföng, skólataska o.fl.
Barnaskóli Hjallastefnunnar, Garðabæ	21.000	21.000	18.000	18.000	18.000
Athugasemdir:	Ekki innheimt skólagjöld fyrir börn sem búa í Garðabæ enda greiðir sveitarfélagið fullt framlag með börnum sem sækja skólann. Börn sem stunda nám við skólann en búa utan Garðabæjar greiða 21.000 kr. á mán.
Þjónusta sem skólagjöld eiga að standa undir:	Nemendur við skólann fá allan búnað í skólanum, ekkert kemur að heiman. Skólagjöldin eru hins vegar ætluð til að vega upp í það sem á vantar af framlagi annarra sveitarfélaga en Garðabæjar. En það er einungis 75% af vegnu landsmeðaltali.
Barnaskóli Hjallastefnunnar, Reykjavík	99.750	99.750	99.750
Athugasemdir:	Skólinn er á sínu þriðja starfsári.
Þjónusta sem skólagjöld eiga að standa undir:	Skólagjöldunum er ætlað að minnka bilið milli framlags sveitarfélagsins og kostnaðar við rekstur skólans.
Landakotsskóli	23.000	20.500	20.500	13.000	13.000
Þjónusta sem skólagjöld eiga að standa undir:	Skólagjöld renna til launa og almenns reksturs skólans, þ.m.t. efnisgjöld nemenda, styttri ferðir o.fl.
Skóli Ísaks Jónssonar
6 ára nemendur	180.000	190.000	190.000	170.000	170.000
5 ára nemendur	190.000	180.000	180.000	160.000	160.000
Þjónusta sem skólagjöld eiga að standa undir:	Framlög Reykjavíkur árið 2010–2011 með 6–9 ára nemendum eru 75% af heildarmeðalkostnaði á hvern nemanda á landsvísu sem í dag er 908.000 kr. Framlög Reykjavíkur árið 2010–2011 með 5 ára nemendum er 684.000 kr. Skólagjöldin eiga að brúa það bil sem upp á vantar. Skólinn hefur aldrei fengið húsnæðisstyrk með 5 ára nemendum eins og leikskólar í eigin húsnæði fá. Mismunandi framlög frá sveitarfélögum með 5 ára nemendum.
Suðurhlíðarskóli
1.–4. bekkur	100.800	100.800	100.800	92.400	92.400
5.–10. bekkur	217.200	217.200	217.200	198.000	198.000
Þjónusta sem skólagjöld eiga að standa undir:	Öll kennsla og efniskostnaður í þeim fögum þar sem það á við innifalið í skólagjöldum. Greitt er sérstaklega fyrir hádegismat og lengda viðveru yngri nemenda sem við köllum gæslu.
Tjarnarskóli	184.300	184.300	159.600	176.700	235.600
Þjónusta sem skólagjöld eiga að standa undir:	Hagstofa Íslands reiknar meðalkostnað á grunnskólanemanda á hverju ári. Sjálfstætt reknir grunnskólar fá sem svarar 75% af þeirri uppæð með hverjum nemanda. Skólagjöldunum er ætlað að brúa bilið sem ekki fæst af opinberu fé. Foreldrar standa því undir 25% af rekstri skólans.
Waldorfskólinn, Lækjarbotnum	121.000	121.000	121.000	121.000	121.000
Athugasemdir:	Annað barn í fjölskyldu greiðir 14.000 kr. og þriðja barn greiðir 10.000 kr. Skólagjöld eru greidd í 11 mánuði.
Waldorfskólinn Sólstafir	155.000	155.000	155.000	155.000	155.000
Athugasemdir:	Að teknu tilliti til afslátta er meðaltal greiddra skólagjalda á yfirstandandi skólaári 80.000 fyrir hvern nemanda í skólanum.
Þjónusta sem skólagjöld eiga að standa undir:	Skólagjöldum er ekki ætlað að standa undir afmarkaðri eða viðbættri þjónustu eða efniskostnaði í skólanum. Til upplýsinga þá fer skólastarfið fram í gegnum listir, handverk og beina upplifun. Efnis-, verkfæra- og ferðakostnaður sem það hefur í för með sér skilgreinir skólinn sem almennan kennslukostnað.

Tónlistarskólar viðurkenndir af ráðuneytinu	Skólagjöld í kr. á hvern nemanda á ári
	2010–11	2009–10	2008–09	2007–08	2006–07
Allegro Suzuki tónlistarskóli	128.000	118.000	118.000	105.000	96.000
Þjónusta sem skólagjöld eiga að standa undir:	Skólagjöldum er ætlað að standa undir öðrum kostnaði en kennslulaunum, en launastyrkir sveitarfélaga nægja ekki fyrir kennslulaunum svo hluti skólagjalda nýtist í kennslulaun.
Gítarskóli Íslands – GÍS	98.000	96.000	96.000	94.000	90.000
Þjónusta sem skólagjöld eiga að standa undir:	Skólagjöld standa undir húsnæðiskostnaði og öðrum rekstrarkostnaði og í sumum tilfellum undir hluta af launakostnaði þar sem GÍS fær aðeins hluta af launakostnaði kennara greiddan frá sveitarfélögum miðað við nemendafjölda í skólanum.
Nýi tónlistarskólinn
Forskóli	55.440	49.500	49.500	46.650	42.800
Hljóðfæranám grunnnám	97.776	87.300	87.300	81.640	74.900
Hljóðfæranám miðnám	110.768	98.900	98.900	92.430	84.800
Hljóðfæranám framhaldsnám	123.984	110.700	110.700	103.500	94.500
Hljóðfæranám háskólanám	137.088	122.400	122.400	114.450	105.000
Söngnám grunnnám	117.040	104.500	104.500	97.990	89.900
Söngnám miðnám	142.800	127.500	127.500	119.680	109.800
Söngnám framhaldsnám	168.896	150.800	150.800	141.650	129.500
Söngnám háskólanám	187.600	167.500	167.500	157.450	140.000
Þjónusta sem skólagjöld eiga að standa undir:	Skólagjöldin eiga að standa undir öllum rekstri: húsnæði, þrifum, hljóðfærakosti og skrifstofu, þar með talin laun ritara.
Söngskólinn Domus Vox
Fornám	45.000	40.000	40.000	33.000	30.000
Grunnnám	159.000	154.000	148.000	123.000	114.000
Miðnám	189.000	169.000	161.000	137.000	124.000
Þjónusta sem skólagjöld eiga að standa undir:	Skólagjöldin eiga að dekka allan annan kostnað við skólann, svo sem húsaleigu, pappírsgjald, utanumhald (skrifstofa) og annan sameiginlegan kostnað.
Söngskólinn í Reykjavík	130.000 til 360.000	120.000 til 330.000	110.000 til 300.000	95.000 til 270.000	90.000 til 250.000
Athugasemdir:	Skólagjöld eru mjög mismunandi eftir því hversu langt nemendur eru komnir í náminu. Boðið er upp á ýmis styttri námskeið á verði allt frá 20.000 kr.
Þjónusta sem skólagjöld eiga að standa undir:	Allur kostnaður við rekstur skólans greiðist af skólagjöldum annar en bein kennslulaun og launatengd gjöld þeim tengd: Húsnæði, viðhald húsnæðis, afborganir af lánum, vátryggingar, öryggisgæsla, hljóðfærakaup, viðhald hljóðfæra, námsefniskostnaður, tónleikahald, námskeiðahald, skrifstofurekstur, reikningsleg aðstoð, tölvukostnaður, hiti, rafmagn, sími, ræsting, hreinlætisvörur.
Suzukitónlistarskólinn í Reykjavík	113.000*	99.900	90.000	79.500	79.500
Athugasemdir:	*Enginn systkinaafsláttur. Jafnaðargjald að ósk foreldra, óháð fjölda kennslustunda. 10% systkina afsláttur næstu fjögur skólaár á undan.
Þjónusta sem skólagjöld eiga að standa undir:	Skólagjöldum er ætlað að standa undir öllum daglegum rekstrarútgjöldum skólans, svo sem framkvæmdir til að gera húsnæði kennsluhæft, afborganir lána af húsnæði skólans, viðhald húsnæðis, fasteignagjöld, endurskoðandi, rekstur skrifstofu, tölvukostnað, pappír, ræsting, hljóðfærakaup, stillingar, viðgerðir.
Tónlistarskóli Árbæjar
Heilt nám	92.800	86.100	86.100	82.000	77.000
Hálft nám	62.800	52.800	52.800	51.800	46.000
Forskóli	33.900	29.500	29.500	24.500	19.500
Þjónusta sem skólagjöld eiga að standa undir:	Allri þjónustu og rekstri utan greiðslu kennaralauna samkvæmt lögum um tónlistarskóla.
Tónlistarskóli FÍH
Grunnnám, heilt 1.–3. stig	140.400	130.000	111.632	99.671	92.288
Grunnnám hálft 1.–3. stig	97.200	90.000	78.141	69.769	64.601
Miðnám, heilt 4.–5. stig	183.600	170.000	146.616	130.907	121.210
Miðnám, hálft 4.–5. stig	129.600	120.000	102.631	91.635	84.847
Framhalds, heilt 6.–8. stig	226.800	210.000	175.271	156.492	144.900
Framhalds, hálft 6.–8. stig	151.200	140.000	122.690	109.544	101.430
Söngnám grunn, heilt 1.–3. stig	226.800	210.000	175.271	156.492	144.900
Söngnám grunn, hálft 1.–3. stig	151.200	140.000	122.690	109.544	101.430
Söngnám mið, heilt 4.–5. stig	248.400	230.000	199.197	177.854	164.680
Söngnám mið, hálft 4.–5. stig	172.800	160.000	139.438	124.498	115.276
Söngnám FN, heilt 6.–8. stig	297.000	275.000	238.981	213.376	197.570
Söngnám FN, hálft 6.–8. stig	205.200	190.000	167.286	149.363	138.299
Þjónusta sem skólagjöld eiga að standa undir:	Samkvæmt lögum er kennslukostnaður greiddur af Reykjavíkurborg. Allur rekstrarkostnaður er greiddur af skólagjöldum svo sem húsaleiga, hljóðfæri, tæknibúnaður, ræsting, húsgæsla o.s.frv.
Kennaradeild	540.000	500.000	266.112	237.600	220.000
Þjónusta sem skólagjöld eiga að standa undir:	Kennaradeild er sjálfbær og greiða kennaranemar allan kostnað af námi sínu.
Tónlistarskólinn í Grafarvogi	109.000	109.000	99.000	88.000	84.500
Athugasemdir:	Fullt nám á hljóðfæri, þ.e. 2+30 mín. einkatímar, 60 mín. tónfræði, 60 mín. samspil eða hljómsveit eftir því sem við á.
Tónlistarskólinn í Reykjavík
Hljóðfæraleikur grunn 1.–3. stig	127.000	119.000	111.000	103.000	96.000
Hljóðfæraleikur, mið 4.–5. stig	179.000	167.000	156.000	145.000	135.000
Hljóðfæraleikur, framh. 7. stig	202.000	189.000	189.000	176.000	164.000
Hljóðfæraleikur, framh. 8. stig +	279.000	261.000	244.000	227.000	211.000
Söngdeild grunnnám 1.–3. stig	215.000	201.000	188.000	175.000	163.000
Söngdeild miðnám 4.–5. stig	266.000	249.000	233.000	217.000	202.000
Söngdeild fram 6.–9. stig	292.000	273.000	255.000	237.000	220.000
Aukahljóðfæri 1/2 klst. á viku	51.000	48.000	45.000	42.000	39.000
Aukasöngur án samsöngs og meðleiks	51.000	48.000	45.000	42.000	39.000
Aukasöngur með samsöng og meðleik	103.000	96.000	90.000	84.000	78.000
Tónfræðigreinar 1. námsgr.	58.000	54.000	50.000	47.000	44.000
Tónfræðigreinar 2. námsgr.	80.000	75.000	70.000	65.000	60.000
Tónfræðigreinar 3. námsgr.+	92.000	86.000	80.000	74.000	69.000
Athugasemdir:	Vísað var til 7% hækkunar á milli ára – ekki gefnar upp tölur síðustu tvö skólaárin
Þjónusta sem skólagjöld eiga að standa undir:	Skólagjöldin standa undir öllum rekstri skólans öðrum en kennslukostnaði sem greiddur er af sveitarfélögum.
Tónmenntaskóli Reykjavíkur	125.000	115.000	105.000	105.000	105.000
Þjónusta sem skólagjöld eiga að standa undir:	Skólagjöldin standa undir kennslu og öllum efniskostnaði.
Tónsalir	90.000	42.000	40.000	39.000	37.000
Þjónusta sem skólagjöld eiga að standa undir:	Skólagjöldum er ætlað að standa undir rekstri skólans, svo sem húsaleigu, þrifum, símakostnaði, ljósritun/pappírskostnaði, tækja-, hljóðfærakostnaði, almennu viðhaldi tækja, reksturs tölvukerfa, endurskoðun og bókhaldsþjónustu.
Tónskóli Eddu Borg
Forskóli og hálft nám	66.300	66.300	61.900	54.800	52.800
Fullt nám	103.700	103.700	96.900	85.800	82.500
Þjónusta sem skólagjöld eiga að standa undir:	Allur rekstrarkostnaður. Hljóðfærakaup og viðhald hljóðfæra, bækur, nótur, smááhöld til kennslu, t.d. nótnastatíf, hljómtæki o.fl. Rekstur skrifstofu, leiga og rekstur húsnæðis, auglýsingar o.fl.
Tónskóli Hörpunnar	110.400	110.400	110.400	110.400	110.400
Þjónusta sem skólagjöld eiga að standa undir:	Skólagjöld standa undir öllum rekstrarkostnaði skólans svo og launakostnaði að hluta á móti fjárframlagi Reykjavíkurborgar. Reykjavík greiðir skólanum fyrir kennslu 68 nemenda. Í skólanum eru 198 nemendur, allt börn og fá þau öll að njóta til jafns framlags borgarinnar, en greiða sjálf mismuninn með skólagjöldum.
Tónskóli Sigursveins D. Kristinssonar
Forskóladeild	58.500	56.500	56.500	51.500	49.500
Suzukideild	72.000	69.000	69.000	63.000	60.500
Hljóðfæra- og söngdeild	93.000	89.000	89.000	82.000	79.000
Þjónusta sem skólagjöld eiga að standa undir:	Skólagjöldin standa undir öllum rekstri skólans öðrum en launakostnaði kennara, þ.e. kostnaði vegna húsnæðis, ræstingu, skrifstofureksturs, hljóðfæra og kennslutækja.
Tónskólinn Do Re Mi
Einkakennsla	94.300	89.820	89.820	83.829	78.942
Samkennsla og einkakennsla	84.800	80.830	80.830	75.446	71.048
Samkennsla og einkakennsla	77.600	73.930	73.930	69.024	67.100
Forskólanám	53.680	51.130	51.130	47.718	44.936
Þjónusta sem skólagjöld eiga að standa undir:	Öllu öðru en kennslukostnaði svo sem húsnæði, skrifstofurekstri, hljóðfærakaupum, viðhaldi á hljóðfærum o.þ.h.
Tónstofa Valgerðar	63.000– 100.000	63.000– 100.000	63.000– 100.000	63.000– 100.000	63.000– 100.000
Athugasemdir:	Gefin eru upp skólagjöld á yfirstandandi skólaári, hafa ekki breyst í nokkur ár.
Þjónusta sem skólagjöld eiga að standa undir:	Skólagjöldin standa undir öllum rekstrarkostnaði við skólann að undanskildum launum kennara.

Tafla 2.

Framhaldsskólar.

Einkaskólar á framhaldsskólastigi	Skólagjöld í kr. á hvern nemanda á ári
	2010–11	2009–10	2008–09	2007–08	2006–07
Danslistarskóli JSB-listdansbraut
Fornám, 7–9 ára	69.000	69.000	69.000	69.000	59.000
1. áfangi, 1.–3. stig	84.000	84.000	84.000	84.000	59.000
2. áfangi, 4.–7. stig	96.400	96.400	96.400	96.400	94.500
Framhaldsskólastig	110.000	110.000	110.000	110.000	108.000
Þjónusta sem skólagjöld eiga að standa undir:	Skólagjöld koma til móts við styrki frá ríkinu vegna skólastarfsemi. Þjónusta við nemendur er fyrst og fremst í formi listdanskennslu en einnig stendur skólinn straum að öllum kostnaði vegna árlegra listdanssýninga í leikhúsi, búningakaupa o.fl. Gjöldin ganga upp í launakostnað vegna kennslu, launatengdra gjalda, húsnæðis- og rekstrarkostnað.
Handverks- og hússtjórnarskólinn Hallormsstað	230.000	164.000	164.000	164.000	164.000
Þjónusta sem skólagjöld eiga að standa undir:	Sundurliðun 2011: Heimavistar- og tryggingargjald 20.000 kr., nemendafélagsgjöld 3.000 kr., efnisgjald í handavinnu 15.000 kr., námskeið, pappír, möppur o.fl. 25.000 kr., mötuneytisgjald 101.000 kr.
Hraðbraut	225.000	190.000	190.000	190.000	190.000
Þjónusta sem skólagjöld eiga að standa undir:	Í reikningum Hraðbrautar er ekki sundurliðað hvað skólagjöldum er ætlað að standa undir, en skólinn veitir ýmsa þjónustu sem aðrir skólar veita ekki svo sem kennslu utan hefðbundinnar kennslu, aðstoð frá fjölda aðstoðarkennara til viðbótar við kennara skólans, starf yfirsetufólks til að tryggja góðan vinnufrið og aðhald á vinnudögum (þriðjudögum og fimmtudögum), lítt takmarkaðan aðgang að skólanum fram til 11 á kvöldin og um helgar, ótakmarkaðan aðgang að prenturum og pappír og ótakmarkaðan aðgang að síma skólans á skrifstofutíma.
Heilsumeistaraskólinn	27.900	27.250	28.650	27–34.000	27–34.000
Athugasemdir:	Árið 2007 þegar skólinn var stofnaður í samvinnu við erlenda aðila voru greiðslur í erlendri mynt, dollurum. Á tímabilinu 2007–2008 með veikingu krónunnar riðlaðist rekstrargrundvöllurinn með þeim afleiðingum að skólinn hætti rekstri í samstarfi við erlenda aðila og stofnaður var íslenskur skóli þar sem allar greiðslur voru í ísl. kr. Nýi skólinn tók til starfa 1. febrúar 2009.
Þjónusta sem skólagjöld eiga að standa undir:	Skólagjöld standa undir efniskostnaði sbr. eftirfarandi lista: námsgögn sem fylgja kennslulotum, kjarnaolíur, blómadropum, lífrænu grænmetisfæði í námslotum eftir því sem við á, lifandi fæði og fl.
Hússtjórnarskólinn í Reykjavík	357.625	354.710	312.979	268.539	254.998
Athugasemdir:	Heimavistarnemendur greiða 50.000 kr. aukalega fyrir önnina.
Þjónusta sem skólagjöld eiga að standa undir:	Skólagjöld þurfa að standa undir öllum efniskostnaði nemenda, fæði nemenda, námskeiðskostnað vegna utanaðkomandi kennara, bókakaupa o.fl.
Keilir
Háskólabrú staðnám:
Félagsvísinda- og lagabraut	435.000	435.000	435.000	435.000
Hugvísindabraut	487.500	487.500	487.500	487.500
Viðskipta- og hagfræðibraut	495.000	495.000	495.000	495.000
Verk- og raunvísindabraut	585.000	585.000	585.000	585.000
Háskólabrú fjarnám:
Félagsvísinda- og lagabraut	570.000	570.000	741.000
Hugvísindabraut	660.000	660.000	832.000
Viðskipta- og hagfræðibraut	660.000	660.000	858.000
Verk- og raunvísindabraut	780.000	780.000	1.014.000
Heilsuskóli:
ÍAK einkaþjálfun	585.000	545.000	545.000	495.000
Íþróttaþjálfarinn (Nýtt)	240.000
– ef ÍAK einkaþjálfari	220.000
Flugakademía:
Flugumferðastjórar	580.000
Flugþjónusta	390.000
Atvinnuflug	650.000
Einkaflug	165.000
Orkutæknifræði og mekatrón:
Orkutæknifræði og mekatrón	250.000
Þjónusta sem skólagjöld eiga að standa undir:	Gjöldum má gróflega skipta í þrennt: innritunargjöld, námsgjöld og efnisgjöld. Undir þetta falla margir liðir svo sem: mat umsókna, viðtöl, kostnaður vegna tölvukerfa (nemendaskrár, fjarkennsla, netföng o.fl.), umsýsla vegna gjalda, skráning inn í kerfið, gerð greiðsluseðla, innheimta o.fl., kennslulaun, yfirsetulaun, prófakostnaður, kennslugögn, ljósritun kennslugagna, húsnæðiskostnaður, stjórnunarkostnaður, námsráðgjöf, starfsemi kennslusviðs, rekstur bókasafns, efnis- og tækjagjöld, leyfisgjöld, svo sem til Flugmálastjórnar, HÍ o.fl., ýmis stoðþjónusta svo sem símsvörun, afgreiðsla, fjölritun, tölvuþjónusta, ýmis aðkeypt þjónusta.
Kvikmyndaskóli Íslands	1.200.000	1.200.000	1.200.000	1.200.000	1.200.000
Þjónusta sem skólagjöld eiga að standa undir:	Tekjur vegna skólagjalda eru ekki eyrnarmerktar í sérstaka þætti starfseminnar, heldur dreifast þær á alla rekstrarliði ásamt öðrum tekjum skólans.
Klassíski listdansskólinn framhaldsdeild	140.000	120.000	120.000	100.000	100.000
Þjónusta sem skólagjöld eiga að standa undir:	Skólagjöldunum er ætlað að standa undir hluta rekstrarkostnaðar starfseminnar sem er danskennsla í húsakynnum skólans, auk hluta kostnaðar við sýningar og búninga.
Listdansskóli Íslands/ Dansmennt ehf.
9 ára	76.700	71.500	68.300	65.000	63.000
10–15 ára	88.800	82.700	78.700	75.000	72.000
Framhaldsstig	111.000	103.500	98.700	94.000	90.000
Athugasemdir:	Að beiðni þáverandi menntamálaráðherra tók Listaháskóli Íslands að sér rekstur Listdansskóla Íslands frá haustinu 2006. Dansmennt ehf. í eigu Listaháskólans sér alfarið um rekstur skólans.
Þjónusta sem skólagjöld eiga að standa undir:	Skólagjöldin eru ekki eyrnamerkt sérstökum verkefnum, heldur fara þau í þá fjölbreyttu kennslu og þjónustu sem skólinn veitir nemendum sínum.
Ljósmyndaskólinn	1.200.000	1.100.000
Þjónusta sem skólagjöld eiga að standa undir:	Í skólagjöldum er innfalin kennsla, fyrirlestrar, námsefni, aðgangur að vinnuaðstöðu (myrkraherbergi, myndveri, tölvuveri og tækjabúnaði) rekstur myrkraherbergis og aðgangur að bókasafni.
Menntaskóli Borgarfjarðar	22.000	22.000	17.000	14.000
Athugasemdir:	Skólagjöld skiptast í innritunargjöld og tölvuumsjón. Skólaárið 2010–2011 voru innritunargjöld 14.000 kr. og tölvuumsjón 8.000 kr.
Þjónusta sem skólagjöld eiga að standa undir:	Innritunargjöldum er ætlað að standa undir umsýslu við innritun í skólann og tölvuumsjónargjald er tilkomið vegna nettengingar, netfangs, aðgangs að Innu og Námskjá.
Myndlistaskólinn á Akureyri
Fornám, myndlist, hönnun og arkitektúr	245.000	195.000	140.000	125.000	110.000
Grafísk hönnun, listhönnunardeild	320.000	255.000	180.000	155.000	125.000
Frjáls myndlist	285.000	235.000	165.000	155.000	125.000
Athugasemdir:	Nemendur í sérnámsdeildum skólans greiða staðfestingargjald 45.000 kr.
Þjónusta sem skólagjöld eiga að standa undir:	Skólagjöld innihalda efniskostnað, allan pappír sem notaður er í vinnustofum, ljósritunarvél, prentara, blek, prentduft, sýrur og annað sem notað er á grafíkverkstæði, kaffi.
Myndlistaskólinn í Reykjavík
a. Fullt nám	226.000	226.000	226.000	226.000	210.000
b. Stakir áfangar	24.960	24.960	24.960	24.960	22.870
Þjónusta sem skólagjöld eiga að standa undir:	Framlag ráðuneytis til skólans er ekki reiknað með sama hætti og til annarra framhaldsskóla þó námið sé sniðið að lýsingu á listnámsbraut í aðalnámskrá. Skólinn tekur skólagjöld til að brúa þennan mun sem er á raunkostnaði og og framlagi ráðuneytis. Skv. a-lið er það kennsla 22 nemenda í undirbúningsnámi. Til samanburðar var námið sett inn í reiknilíkan ráðuneytis árið 2008. Samkvæmt því ætti framlag á nemenda að vera 1.031.000 kr. en er 914.000 kr. Þetta skýrir skólagjöldin að hluta. Einnig kom fram þegar nám skólans var sett inn í reiknilíkan að skólinn kennir nemendum stundum í fámennari hópum en reiknilíkanið gerir ráð fyrir og í stærra rými. Að hluta brúa skólagjöld einnig þennan mun. Skv. b-lið fær skólinn greiddar 12 millj. kr. til að standa fyrir myndlistarnámi fyrir almenning þar sem einnig er kennt samkvæmt aðalnámskrá. Á síðasta reikningsári kenndi skólinn um 600 nemendum sem hver tók að meðaltali 2,5 ein. Samkvæmt reiknilíkani er meðalverð einingar í listnámi 26.800 kr. Samkvæmt því ætti framlag vegna þessarar kennslu að vera 40.200.000. kr. Einnig gildir það sama um þessa kennslu og kennsluna í undirbúningsnáminu að nemendum er að jafnaði kennt í smærri hópum og í stærri aðstöðu.
Snyrtiakademían/ Fótaaðgerðaskóli Íslands	1.990.000	1.990.000	1.990.000	1.990.000	1.990.000
Þjónusta sem skólagjöld eiga að standa undir:	Í báðum skólum er skólagjöldum ætlað að standa undir öllum rekstrarkostnaði þeirra.
Snyrtiakademían/ Snyrtiskólinn	1.680.000	1.680.000	1.680.000	1.680.000	1.680.000
Þjónusta sem skólagjöld eiga að standa undir:	Í báðum skólum er skólagjöldum ætlað að standa undir öllum rekstrarkostnaði þeirra.
Tækniskólinn – skóli atvinnulífsins
Byggingatækniskólinn byggingagreinar	38.350	38.100	33.100
Byggingatækniskólinn tækniteiknun	28.670	30.100	25.100
Fjölmenningarskólinn – fjölmenningarskólinn	20.200	23.100	18.100
Hársnyrtiskólinn – hársnyrtideild	38.350	38.100	33.100
Hönnunar- og handv. -fataiðn	28.670	30.100	25.100
Hönnunar- og handv.- gull- og silfursmíði	38.350	38.100	33.100
Hönnunar- og handv. listnámsbraut	28.670	30.100	25.100
Raftækniskólinn	38.350	38.100	33.100
Skipstjórnarskólinn	28.670	30.100	25.100
Tæknimenntaskólinn	20.200	23.100	18.100
Upplýsingatækniskóli – margmiðlunarskóli	38.350	38.100	33.100
Upplýsingatækniskóli tölvubraut	28.670	30.100	25.100
Upplýsingatækniskóli upplýsinga- og fjölm.	28.670	30.100	25.100
Véltækniskólinn	38.350	38.100	33.100
Þjónusta sem skólagjöld eiga að standa undir:	Efnisgjöld, innritunargjöld og skólagjöld fyrir prentun, ljósritun og geymslu gagna
Verzlunarskóli Íslands	85.700	80.100	76.300	70.200	65.000
Þjónusta sem skólagjöld eiga að standa undir:	Ein meginástæða skólagjaldanna er vegna kostnaðar við fasteignina sem skólinn er í. VÍ starfar samkvæmt skipulagsskrá sem gerð var fyrir Sjálfseignarstofnun Verslunarráðs Íslands um viðskiptamenntun (SVÍV). Sú stofnun starfrækir m.a. VÍ og er um húsnæðið að Ofanleiti 1. VÍ greiðir síðan húsaleigu til SVÍV. Húsaleigan dekkar afborganir og vexti af lánum sem tekin voru vegna byggingarframkvæmda svo og rekstrarkostnað við fasteignina. Á árinu 2010 borgaði skólinn samtals 163 millj. kr. í leigu, hún verður 174 millj. kr. á árinu 2011. Skólagjöldin hafa einnig gert skólanum kleift að bjóða upp á aðstöðu fyrir nemendur og starfsmenn eins og best gerist, svo sem góða aðstöðu og þjónustu við nemendur á bókasafni og góðan safnkost, vel útbúnar raungreinastofur o.fl. Skólinn endurnýjar allan tækjabúnað reglulega, tölvur o.fl., en í skólanum eru t.d. tvær tölvustofur og þrjú tölvuver sem nemendur hafa frjálsan aðgang að. Í skólagjöldum er innifalin prentkostnaður, hver nemandi fær prentkvóta sem nemur 300 blöðum á ári og þurfa ekki að borga fyrir rútur þegar farnar eru nemendaferðir. Nemendur fá ókeypis hafragraut á hverjum morgni o.fl.

Tafla 3

Háskólar

Einkaskólar á háskólastigi	Skólagjöld í kr. á hvern nemanda á ári.
	2010–11	2009–10	2008–09	2007–08	2006–07
Háskólinn í Reykjavík	308.000	308.000	294.000	266.000	410.000
BA-stig
MA-stig	696.000	696.000	696.000	696.000	696.000
Þjónusta sem skólagjöld eiga að standa undir:	Skólagjöld Háskólans í Reykjavík eru nýtt fyrir eftirfarandi þætti: * Húsnæði og aðstöðu skólans fyrir nám og rannsóknir og þá bæði fyrir     kennara og nemendur. * Betri kennslu og þjónustu við nemendur og þar með meiri skilvirkni og     árangur í námi. * Öflugri rannsóknir.
Listaháskóli Íslands	343.000	320.000	285.000	255.000	225.000
Þjónusta sem skólagjöld eiga að standa undir:	Skólagjöld eru ekki eyrnamerkt sérstökum verkefnum eða þjónustu, heldur fara þau í þá fjölbreyttu þjónustu sem skólinn veitir nemendum sínum svo sem kennslu, fín- og grófverkstæði, sýningar, nemendaleikhús, tónleika og annað.
Háskólinn á Bifröst
Frumgreinadeild	456.000	456.000	383.100	383.100
Fjarnám frumgreinadeild	642.000	642.000	525.000	525.000
Staðnám, grunnnám	516.000	516000	472500	472.500
Fjárnám, grunnnám	714.000	714.000	648.000	648.000
Staðnám, meistaranám	780.000	780.000	705.000	705.000
Fjarnám meistaranám	810.000	810.000	705.000	705.000
Þjónusta sem skólagjöld eiga að standa undir:	Sérstaða háskólastarfs á Bifröst skapar kostnað sem fer töluvert fram yfir reiknað framlag ríkisins. Kostnaður við kennslu er þriðjungi hærri en kostnaður á sambærilegu sviði við HÍ, þjónusta við nemendur er meiri en við aðra skóla auk þess sem skólinn heldur úti meiri árlegri starfsemi en nokkur annar skóli á Íslandi.

     4.      Hver var áætluð heildarfjárhæð útlána Lánasjóðs íslenskra námsmanna til greiðslu skólagjalda sömu skólaár?
    Sjá töflu 4.


Tafla 4 Skólagjaldalán í kr. innan lands 2006–2009

Heiti skóla	2009–2010	2008– 2009	2007– 2008	2006– 2007
Viðurkenndir háskólar:
Háskólinn á Bifröst	196.333.699	248.168.411	237.344.420	237.381.190
Háskólinn í Reykjavík	517.971.775	481.691.858	365.523.735	279.763.722
Listaháskóli Íslands	62.186.000	59.557.112	47.663.125	41.708.131
Samtals:	776.491.474	789.417.381	650.531.280	558.853.043
Viðurkenndir framhaldsskólar:
Fjöltækniskóli Íslands		610.000	1.165.000	1.835.000
Flugskóli Íslands*	625.000	14.650.000	18.210.726	9.996.707
Tækniskólinn	15.942.500	9.462.500
Snyrti-Akademían / Fótaaðgerðaskóli Íslands	54.666.030	55.500.093	57.842.358	44.703.487
Snyrtiskólinn				4.167.500
Keilir	115.135.480	107.325.250	34.906.000
Kvikmyndaskóli Íslands	141.945.640	113.747.172	67.381.132	29.193.514
Myndlistaskólinn á Akureyri	5.567.500	4.255.000	2.710.000	2.565.000
Myndlistaskólinn í Reykjavík	2.235.000	1.310.500	575.000
Samtals:	336.117.150	306.860.515	182.790.216	92.461.208
* Flugnám er viðurkennt af innanríkisráðuneyti
Viðurkenndir tónlistarskólar:
Nýi Tónlistarskólinn				340.000
Söngskóli Sigurðar Demetz	466.800	705.500	975.000	495.000
Söngskólinn í Reykjavík	3.045.000	2.550.000	1.985.000	1.515.000
Tónlistarskóli FÍH	3.185.000	245.780	1.108.930	1.318.300
Tónlistarskólinn í Reykjavík			276.500	458.000
Samtals:	6.696.800	3.501.280	4.345.430	4.126.300
** Nám eftir framhaldspróf í tónlist er lánshæft hjá LÍN.
Heildarsumma	1.119.305.424	1.099.779.176	837.666.926	655.440.551