139. löggjafarþing 2010–2011.
Þskj. 1832 — 896. mál.
Frumvarp til laga
um breytingu á ýmsum lögum vegna brottfalls laga um staðfesta samvist, nr. 87/1996.
Frá allsherjarnefnd.
I. KAFLI
Breyting á lögum um tæknifrjóvgun og notkun kynfrumna og fósturvísa manna
til stofnfrumurannsókna, nr. 55/1996, með síðari breytingum.
1. gr.
II. KAFLI
Breyting á lögum um vátryggingastarfsemi, nr. 56/2010.
2. gr.
3.
gr.
III. KAFLI
Breyting á lögum um hlutafélög, nr. 2/1995, með síðari breytingum.
4. gr.
IV. KAFLI
Breyting á lögum um einkahlutafélög, nr. 138/1994, með síðari breytingum.
5. gr.
V. KAFLI
Breyting á lögum um fjármálafyrirtæki, nr. 161/2002, með síðari breytingum.
6. gr.
VI. KAFLI
7. gr.
Greinargerð.
Með frumvarpi þessu er lagt til að hugtakið staðfest samvist verði fellt brott úr gildandi lögum en enn finnst hugtakið í nokkrum lögum og við það eru bundin ákveðin réttindi eða skyldur. Með setninga laga nr. 65/2010, um breytingar á hjúskaparlögum o.fl., var ætlunin að fella hugtakið brott úr lögum og jafna stöðu mismunandi hjúskaparforma. Misbrestur virðist hins vegar hafa orðið á að allar tilvísanir til staðfestrar samvistar væru felldar brott og þá einnig í þeim frumvörpum sem hugtakið staðfest samvist kom fyrir í og voru til meðferðar á Alþingi á sama tíma.Frumvarpið samanstendur af sex köflum og fela fimm fyrstu kaflarnir í sér tillögur um breytingu á tiltekinni löggjöf. Í fyrsta kafla eru lagðar til breytingar á lögum nr. 55/1996, um tæknifrjóvgun og notkun kynfrumna og fósturvísa manna til stofnfrumurannsókna. Um er að ræða breytingu á orðunum staðfestri samvist í hjónaband í ákvæði þar sem fjallað er um samþykki til geymslu fósturvísa.
Í öðrum kafla eru lagðar til breytingar sem gera þarf á nýlegri löggjöf um vátryggingastarfsemi, en á tveimur stöðum í lögunum er vitnað til hugtaksins staðfest samvist. Er hér lagt til að í báðum tilvikum verði orðin felld brott.
Í þriðja og fjórða kafla eru lagðar til breytingar á lögum um hlutafélög, nr. 2/1995, annars vegar og lögum um einkahlutafélög, nr. 138/1994, hins vegar. Eru þær sambærilegar og fela í sér brottfall orðanna „aðila í staðfestri samvist“ þar sem fjallað er um skilgreiningu á nákomnum aðilum.
Fimmti kafli tekur á lögum um fjármálafyrirtæki, nr. 161/2002, þar sem fella þarf brott orðin „aðilar í staðfestri samvist“ og „staðfestri samvist eða“ í orðskýringaákvæði þar sem hugtakið samstarf er skilgreint.
Í sjötta kafla er kveðið á um gildistöku laganna og skulu þau öðlast þegar gildi.