Aðrar útgáfur af skjalinu: PDF - Word Perfect. Ferill 69. máls.

---

140. löggjafarþing 2011–2012.
Þingskjal 268  —  69. mál.

Svar

mennta- og menningarmálaráðherra við fyrirspurn Þórs Saari
um kostaðar stöður við skóla á háskólastigi.

    Fyrirspurnin hljóðar svo:
     Hversu margar stöður við skóla á háskólastigi hafa verið kostaðar af fyrirtækjum, samtökum eða stofnunum frá árinu 1995 og hversu lengi? Óskað er eftir sundurliðun eftir skólum, auk upplýsinga um hverjir hafi gegnt umræddum stöðum og hversu lengi, svo og hver greiði kostnaðinn við þær.

    Kallað var eftir svörum frá öllum háskólum landsins, Háskóla Íslands, Háskólanum á Akureyri, Landbúnaðarháskóla Íslands, Hólaskóla – Háskólanum á Hólum, Háskólanum í Reykjavík, Háskólanum á Bifröst og Listaháskóla Íslands.
    Engar kostaðar stöður hafa verið í Listaháskóla Íslands, Háskólanum á Bifröst, Landbúnaðarháskóla Íslands né Hólaskóla – Háskólanum á Hólum. Í töflunni hér á eftir eru taldar upp kostaðar stöður fræðimanna á tímabilinu 2000–2011 við Háskóla Íslands, Háskólann á Akureyri og Háskólann í Reykjavík, hvaða stöður þetta eru, hverjir hafa setið í þeim og hver hafi kostað þær. Sérstök athygli er vakin á því að í mörgum tilvikum nægði veittur fjárstuðningur við tiltekið starf einungis fyrir hluta launakostnaðar, en það er ekki sérstaklega tiltekið. Hjá Háskóla Íslands bárust þau svör að því miður lægju ekki fyrir gögn í upplýsingakerfum skólans um kostaðar stöður fyrir tímabilið 1995–2000 eins og óskað er eftir í fyrirspurninni. Aðrir háskólar höfðu ekki kostaðar stöður á þessu tímabili.

Háskóli	Deild	Staða		Tímabil		Kostun
HÍ	læknadeild	dósent (37%)	öldrunarfræði	2000–2001	Pálmi V. Jónsson	Framkvæmdasjóður aldraðra
HÍ	læknadeild	dósent (37%)	ónæmisfræði	2000–2010	Unnur Steins Björnsdóttir	Astra Zeneca
HÍ	læknadeild	dósent (50%)	svæfingarlækningar	2000–2003	Gísli H. Sigurðsson	Pharmaco & Ísaga
HÍ	læknadeild	prófessor (50%)	svæfingarlækningar	2004–2008	Gísli H. Sigurðsson	Að hluta kostuð af Actavis og AGA Linde
HÍ	læknadeild	dósent	heilbrigðisfræði	2006–2011	Sigurður Thorlacius	Tryggingastofnun ríkisins (50%), Landssamtök lífeyrissjóða (25%) , Samb. ísl. tryggingafélaga (25%)
HÍ	læknadeild	sérfræðingur	augnrannsóknir	2009–2010	Sveinn Hákon Harðarson	Oxymap ehf.
HÍ	félagsvísindad.	lektor	félagsráðgjöf	2002–2005	Freydís J. Freysteinsdóttir	Félagsþjónustan
HÍ	félagsvísindad.	lektor	félagsráðgjöf	2002–2006	Steinunn Hrafnsdóttir	Rauði krossinn
HÍ	félagsvísindad.	lektor	félagsráðgjöf	2003–2007	Sigurveig H. Sigurðardóttir	Framkvæmdasjóður aldraðra
HÍ	lagadeild	lektor		2007–2010	Eiríkur Jónsson	LOGOS
HÍ	lagadeild	verkefnisstjóri (50%)	rannsóknarverkefni	2007–2008	Hrafnhildur Bragadóttir	LEX ehf.
HÍ	Lagastofnun	sérfræðingur		2006–2010	Margrét Guðlaugsdóttir	Samorka
HÍ	Lagastofnun	sérfræðingur		2006–2011	Helgi Áss Grétarsson	LÍÚ
HÍ	viðskipta- og hagfræðid.		frumkvöðlafræði	2004–2009	Örn Daníel Jónsson	Bakkavör
HÍ	guðfræðideild	lektor (25%)	sálgæslufræði	2004–2005	Sigurfinnur Þorleifsson	Þjóðkirkjan
HÍ	guðfræðideild	lektor (50%)	litúrgísk fræði	2005–2009	Kristján Valur Ingólfsson	Þjóðkirkjan
HÍ	hugvísindad.	lektor	menningarmiðlun	2006–2008	Eggert Þór Bernharðsson	Landsbanki Íslands
HÍ	hugvísindad.	lektor	japanska	2006–2008	Kaoru Umezawa	Lýsi ehf. og Toyota á Íslandi hf. styrkja
HÍ	hugvísindad.	aðjúnkt	kvikmyndafræði	2006–2008	Björn Ægir Norðfjörð	Samskip
HÍ	hugvísindad.	lektor	rússneska	2007–2009	Olga Korotkova	Samson 2007–2008, Neptún ehf. 2009
HÍ	verkfr.- og náttúruv.svið	dósent (40%)	umhv.- og bygg.verkfr.	2007–2010	Björn Marteinsson	Efla
HA	auðlindadeild	prófessor	jarðhitafræði	2002–2010	Hrefna Kristmannsdóttir	Landsvirkjun
HR	viðskiptadeild	kennslu- og ranns.staða	sölu- og markaðsfr.	frá des. 2008	Valdimar Sigurðsson	Nova
HR	viðskiptadeild	lektor	reikn.hald & endurskoðun	2007–2010	Guðrún Baldvinsdóttir	KPMG
HR	tækni- og verkfræðideild	prófessor	flugleiðsögutækni	frá 2010	Þorgeir Pálsson	Isavia
HR	tækni- og verkfræðideild	prófessor	fjármálaverkfræði	2008–2010	Marco Roberto	Landsbanki Íslands