Aðrar útgáfur af skjalinu: PDF - Word Perfect. Ferill 406. máls.
140. löggjafarþing 2011–2012.
Þingskjal 582 — 406. mál.
Alþingi ályktar að fela ríkisstjórninni að bjóða kínverska friðarverðlaunahafanum Liu Xiaobo pólitískt skjól á Íslandi.
Árið 2010 voru kínverska friðarsinnanum Liu Xiaobo veitt friðarverðlaun Nóbels fyrir langa og friðsamlega baráttu sína fyrir grundvallarmannréttindum í Kína. Liu Xiaobo er einn höfunda Charter 08 yfirlýsingarinnar sem hvetur til lagalegra og pólitískra umbóta í Kína svo að landið verði lýðræðisríki sem virðir mannréttindi.
Kínversk yfirvöld beittu sér mjög gegn því að kínverski friðarsinninn fengi verðlaunin og höfðu uppi ýmsar hótanir í garð norskra stjórnvalda af því tilefni. Þau brugðust á endanum afar illa við afhendingunni og töldu hana ganga gegn öllum meginreglum friðarverðlaunanna og vera nánast „goðgá“.
Liu Xiaobo var handtekinn 8. desember 2008 vegna friðarbaráttu sinnar og ákærður fyrri að hvetja til undirróðurs gegn kínverskum yfirvöldum. Á jóladag 2009 var hann síðan dæmdur til ellefu ára fangavistar fyrir framangreindar sakir að loknum réttarhöldum sem stóðu aðeins yfir í tvo klukkutíma.
Á undanförnum árum hafa kínversk yfirvöld og fyrirtæki sýnt Íslandi lofsamlegan áhuga, nú síðast þegar auðjöfurinn og ljóðskáldið Huang Nubo vildi festa kaup á stórri spildu af Íslandi vegna ástar sinnar á landinu. Það væri við hæfi fyrir Íslendinga að endurgjalda þennan áhuga með því að skjóta skjólshúsi yfir Liu Xiaobo sem ekki virðist vera pláss fyrir í hinu víðlenda heimalandi stórskáldsins Li Bai (Lí Pó) sem eins og hinn hagorði Huang Nubo nú öldum síðar bar orðstír heimalands síns um alla heimsbyggðina.
140. löggjafarþing 2011–2012.
Þingskjal 582 — 406. mál.
Tillaga til þingsályktunar
um að bjóða Liu Xiaobo pólitískt skjól á Íslandi.
Flm.: Þráinn Bertelsson, Björn Valur Gíslason.
Alþingi ályktar að fela ríkisstjórninni að bjóða kínverska friðarverðlaunahafanum Liu Xiaobo pólitískt skjól á Íslandi.
Greinargerð.
Árið 2010 voru kínverska friðarsinnanum Liu Xiaobo veitt friðarverðlaun Nóbels fyrir langa og friðsamlega baráttu sína fyrir grundvallarmannréttindum í Kína. Liu Xiaobo er einn höfunda Charter 08 yfirlýsingarinnar sem hvetur til lagalegra og pólitískra umbóta í Kína svo að landið verði lýðræðisríki sem virðir mannréttindi.
Kínversk yfirvöld beittu sér mjög gegn því að kínverski friðarsinninn fengi verðlaunin og höfðu uppi ýmsar hótanir í garð norskra stjórnvalda af því tilefni. Þau brugðust á endanum afar illa við afhendingunni og töldu hana ganga gegn öllum meginreglum friðarverðlaunanna og vera nánast „goðgá“.
Liu Xiaobo var handtekinn 8. desember 2008 vegna friðarbaráttu sinnar og ákærður fyrri að hvetja til undirróðurs gegn kínverskum yfirvöldum. Á jóladag 2009 var hann síðan dæmdur til ellefu ára fangavistar fyrir framangreindar sakir að loknum réttarhöldum sem stóðu aðeins yfir í tvo klukkutíma.
Á undanförnum árum hafa kínversk yfirvöld og fyrirtæki sýnt Íslandi lofsamlegan áhuga, nú síðast þegar auðjöfurinn og ljóðskáldið Huang Nubo vildi festa kaup á stórri spildu af Íslandi vegna ástar sinnar á landinu. Það væri við hæfi fyrir Íslendinga að endurgjalda þennan áhuga með því að skjóta skjólshúsi yfir Liu Xiaobo sem ekki virðist vera pláss fyrir í hinu víðlenda heimalandi stórskáldsins Li Bai (Lí Pó) sem eins og hinn hagorði Huang Nubo nú öldum síðar bar orðstír heimalands síns um alla heimsbyggðina.
