Aðrar útgáfur af skjalinu: PDF - Word Perfect. Ferill 496. máls.
140. löggjafarþing 2011–2012.
Þingskjal 758  —  496. mál.




Fyrirspurn



til velferðarráðherra um brjóstastækkunaraðgerðir með PIP-sílikonpúðum.

Frá Álfheiði Ingadóttur.


     1.      Hvaða læknastofur hafa sett PIP-sílikonpúða í brjóst kvenna á Íslandi frá 1. janúar 2000?
     2.      Hversu margar eru aðgerðirnar á fyrrgreindum stofum á ári, hverri fyrir sig?
     3.      Hafa PIP-púðar verið settir í konur á heilbrigðisstofnunum eða sjúkrahúsum, annaðhvort í verktöku eða í reglubundinni starfsemi, og þá hvaða stofnunum, og hversu margar eru aðgerðirnar á hverjum stað?
     4.      Hversu margir af púðunum sem spurt er um hafa verið fjarlægðir nú þegar og á hvaða stofum eða stofnunum?
     5.      Hvers konar sílikon hefur fundist í hinum sviknu PIP-púðum og til hvers konar notkunar er það ætlað?
     6.      Hefur farið fram efnagreining á PIP-púðum sem teknir hafa verið úr konum hér á landi eða annars staðar og hvað sýnir hún?
     7.      Hefur farið fram efnagreining á brjóstamjólk kvenna sem bera leka PIP-púða hér á landi eða annars staðar og hvað sýnir hún?


Skriflegt svar óskast.