Aðrar útgáfur af skjalinu: PDF - Word Perfect. Ferill 592. máls.
140. löggjafarþing 2011–2012.
Þingskjal 1576 — 592. mál.
1. Hversu margir útlendingar hafa verið handteknir og úrskurðaðir í gæsluvarðhald síðastliðin tíu ár á þeim grundvelli að þeir hafi ekki gefið upp hverjir þeir eru, rökstuddur grunur sé um að þeir gefi rangar upplýsingar um hverjir þeir eru eða þeir hafi sýnt hegðun sem gefi til kynna að af þeim stafi hætta?
1. tölul. fyrirspurnarinnar virðist varða beitingu ákvæðis 7. mgr. 29. gr. laga um útlendinga, nr. 96/2002, sem hljóðar svo:
„Ef útlendingur neitar að gefa upp hver hann er, rökstuddur grunur er um að útlendingur gefi rangar upplýsingar um hver hann er eða hann sýnir af sér hegðun sem gefur til kynna að af honum stafi hætta er heimilt að handtaka útlendinginn og úrskurða í gæsluvarðhald samkvæmt reglum laga um meðferð sakamála, eftir því sem við á. Einnig getur lögregla lagt fyrir hann að tilkynna sig eða halda sig á ákveðnu afmörkuðu svæði.“
Í tilefni af fyrirspurninni aflaði ráðuneytið upplýsinga hjá Útlendingastofnun, lögreglu og Fangelsismálastofnun. Útlendingastofnun tók saman upplýsingarnar og byggði á því, með hliðsjón af að fyrirspurnin vísaði til þess hversu margir útlendingar hafi verið dæmdir í gæsluvarðhald á grundvelli gæsluvarðhaldsheimildar í 7. mgr. 29. gr. laga um útlendinga. Í umsögn stofnunarinnar kemur fram að Útlendingastofnun fari ekki fram á gæsluvarðhald heldur sé heimild til þess að fara fram á gæsluvarðhald hjá viðkomandi lögregluembætti sem fer með rannsókn máls. Útlendingastofnun hafi hins vegar upplýsingar um hvað hefur orðið um viðkomandi einstaklinga. Fangelsismálastofnun hafi upplýsingar um þá sem úrskurðaðir eru í gæsluvarðhald. Þá er í svari Útlendingastofnunar gerður sá fyrirvari að engin miðlæg skrá sé haldin þar sem fram kemur á hvaða grundvelli menn eru úrskurðaðir í gæsluvarðhald og upplýsingar um það efni eru ekki aðgengilegar hjá dómstólum eða dómstólaráði. Gæsluvarðhaldsúrskurðir sé almennt ekki birtir opinberlega og teljast til viðkvæmra upplýsinga. Samkvæmt upplýsingum frá lögreglunni á Suðurnesjum sé almennt byggt á 29. gr. laga um útlendinga þegar farið er fram á gæsluvarðhald vegna mála sem varða fölsuð skilríki.
Að þessu sögðu hafa 58 einstaklingar verið úrskurðaðir í gæsluvarðhald á grundvelli 29. gr. útlendingalaga á undanförnum tíu árum.
Útlendingastofnun tók saman yfirlit yfir brottvísanir, sbr. eftirfarandi töflu, í samráði við Fangelsismálastofnun þar sem er að finna samanteknar upplýsingar.
2. Hversu lengi sat hver og einn þeirra í gæsluvarðhaldi?
Fjöldi gæsluvarðhaldsdaga var frá 1 degi upp í 118 daga. Nánari grein er gerð fyrir lengd gæsluvarðhaldsvistar hvers og eins í eftirfarandi töflu:
3. Hver urðu afdrif þeirra eftir að gæsluvarðhaldsvist lauk? Voru þeir sendir til þess lands sem þeir komu frá, heimalands eða annað?
3. tölul. fyrirspurnarinnar varðar afdrif útlendinganna eftir að gæsluvarðhaldsvist lauk, hvort þeir hafi verið sendir til þess lands sem þeir komu frá, heimalands eða annað. Til svars við þessum lið fyrirspurnarinnar vísast til yfirlits hér að framan. Til glöggvunar ber að geta þess að einstaklingur sem fær refsidóm og er brottvísað er ávallt sendur til heimaríkis eða þess ríkis þar sem hann fær heimild til dvalar.
Einstaklingur sem er sendur úr landi á grundvelli Dyflinnarreglugerðarinnar fer ávallt til þess ríkis þar sem hann á umsókn um hæli til meðferðar eða hefur haft umsókn til meðferðar, það ríki er ekki endilega ríkið sem viðkomandi kom frá til Íslands.
Nú er einstaklingi vísað frá landi og af Schengen-svæðinu og þarf hann þá að fara til heimaríkis eða þess ríkis sem hann hefur heimild til dvalar í.
140. löggjafarþing 2011–2012.
Þingskjal 1576 — 592. mál.
Svar
innanríkisráðherra við fyrirspurn Birgittu Jónsdóttur um gæsluvarðhald útlendinga.
1. Hversu margir útlendingar hafa verið handteknir og úrskurðaðir í gæsluvarðhald síðastliðin tíu ár á þeim grundvelli að þeir hafi ekki gefið upp hverjir þeir eru, rökstuddur grunur sé um að þeir gefi rangar upplýsingar um hverjir þeir eru eða þeir hafi sýnt hegðun sem gefi til kynna að af þeim stafi hætta?
1. tölul. fyrirspurnarinnar virðist varða beitingu ákvæðis 7. mgr. 29. gr. laga um útlendinga, nr. 96/2002, sem hljóðar svo:
„Ef útlendingur neitar að gefa upp hver hann er, rökstuddur grunur er um að útlendingur gefi rangar upplýsingar um hver hann er eða hann sýnir af sér hegðun sem gefur til kynna að af honum stafi hætta er heimilt að handtaka útlendinginn og úrskurða í gæsluvarðhald samkvæmt reglum laga um meðferð sakamála, eftir því sem við á. Einnig getur lögregla lagt fyrir hann að tilkynna sig eða halda sig á ákveðnu afmörkuðu svæði.“
Í tilefni af fyrirspurninni aflaði ráðuneytið upplýsinga hjá Útlendingastofnun, lögreglu og Fangelsismálastofnun. Útlendingastofnun tók saman upplýsingarnar og byggði á því, með hliðsjón af að fyrirspurnin vísaði til þess hversu margir útlendingar hafi verið dæmdir í gæsluvarðhald á grundvelli gæsluvarðhaldsheimildar í 7. mgr. 29. gr. laga um útlendinga. Í umsögn stofnunarinnar kemur fram að Útlendingastofnun fari ekki fram á gæsluvarðhald heldur sé heimild til þess að fara fram á gæsluvarðhald hjá viðkomandi lögregluembætti sem fer með rannsókn máls. Útlendingastofnun hafi hins vegar upplýsingar um hvað hefur orðið um viðkomandi einstaklinga. Fangelsismálastofnun hafi upplýsingar um þá sem úrskurðaðir eru í gæsluvarðhald. Þá er í svari Útlendingastofnunar gerður sá fyrirvari að engin miðlæg skrá sé haldin þar sem fram kemur á hvaða grundvelli menn eru úrskurðaðir í gæsluvarðhald og upplýsingar um það efni eru ekki aðgengilegar hjá dómstólum eða dómstólaráði. Gæsluvarðhaldsúrskurðir sé almennt ekki birtir opinberlega og teljast til viðkvæmra upplýsinga. Samkvæmt upplýsingum frá lögreglunni á Suðurnesjum sé almennt byggt á 29. gr. laga um útlendinga þegar farið er fram á gæsluvarðhald vegna mála sem varða fölsuð skilríki.
Að þessu sögðu hafa 58 einstaklingar verið úrskurðaðir í gæsluvarðhald á grundvelli 29. gr. útlendingalaga á undanförnum tíu árum.
Útlendingastofnun tók saman yfirlit yfir brottvísanir, sbr. eftirfarandi töflu, í samráði við Fangelsismálastofnun þar sem er að finna samanteknar upplýsingar.
|
Ár úr- skurðar |
Ríkisfang | Dómstóll | Gæsluvarð- hald hefst |
Raunverulegur lokadagur gæsluvarðhalds |
Fjöldi daga í gæsluvarðhaldi |
Afdrif viðkomandi |
| 2003 | Kongó | Hd. Reykjaness | 10-des-03 | 09-feb-04 | 61 | Brottvísað til Belgíu |
| 2003 | Marokkó | Hd. Reykjaness | 21-des-03 | 09-jan-04 | 19 | Brottvísað til Belgíu |
| 2006 | Rúmenía | Hd. Austurlands | 10-maí-06 | 10-maí-06 | 0 | Brottvísað til heimalands |
| 2003 | Rúmenía | Hd. Reykjaness | 13-des-03 | 17-des-03 | 4 | Brottvísað til heimalands |
| 2004 | Rúmenía | Hd. Reykjaness | 03-mar-04 | 12-mar-04 | 9 | Brottvísað til heimalands |
| 2005 | Singapúr | Hd. Reykjaness | 19-maí-05 | 02-jún-05 | 14 | Brottvísað til heimalands |
| 2004 | Kasakstan | Hd. Reykjavíkur | 10-sep-04 | 15-sep-04 | 5 | Brottvísað til heimalands/Litháen |
| 2010 | Nígería | Hd. Reykjaness | 13-nóv-10 | 19-nóv-10 | 6 | Brottvísað til heimalands eða dvalarleyfislands |
| 2007 | Brasilía | Hd. Reykjaness | 07-des-07 | 14-des-07 | 7 | Brottvísað til heimaríkis/Brasilía |
| 2002 | Litháen | Hd. Reykjavíkur | 12-jan-02 | 21-jan-02 | 9 | Brottvísað til heimaríkis/Litháen |
| 2011 | Nígería | Hd. Norðurl. v. | 19-júl-11 | 26-júl-11 | 7 | Brottvísað til Noregs |
| 2003 | Belgía | Hd. Reykjaness | 10-des-03 | 09-feb-04 | 61 | Brottvísun til heimaríkis/Belgía |
| 2011 | Georgía | Hd. Reykjaness | 24-sep-11 | 30-sep-11 | 6 | Dublin – er hér á landi í hælismeðferð |
| 2011 | Sómalía | Hd. Reykjaness | 13-sep-11 | 06-okt-11 | 23 | Dublin – er hér á landi í hælismeðferð |
| 2011 | Súdan | Hd. Reykjaness | 14-okt-11 | 17-okt-11 | 3 | Dublin – er hér á landi í hælismeðferð |
| 2008 | Nígería | Hd. Reykjaness | 18-nóv-08 | 09-des-08 | 21 | Dublin – hælisumsókn hafnað – hvarf |
| 2008 | Albanía | Hd. Reykjaness | 16-okt-08 | 22-okt-08 | 6 | Dublin – hælisumsókn hafnað – sendur til ábyrgðarríkis |
| 2011 | Georgía | Hd. Reykjaness | 24-sep-11 | 30-sep-11 | 6 | Dublin – hælisumsókn hafnað – sendur til ábyrgðarríkis |
| 2010 | Alsír | Hd. Reykjaness | 21-jún-10 | 21-jún-10 | 0 | Dublin – sendur til ábyrgðarríkis |
| 2003 | Kongó | Hd. Reykjaness | 21-des-03 | 09-jan-04 | 19 | Dublin – sendur til ábyrgðarríkis |
| 2008 | Gana | Hd. Reykjaness | 22-okt-08 | 19-nóv-08 | 28 | Dublin – sendur til ábyrgðarríkis |
| 2010 | Írak | Hd. Reykjaness | 30-sep-10 | 07-okt-10 | 7 | Dublin – sendur til ábyrgðarríkis |
| 2010 | Írak | Hd. Reykjaness | 30-sep-10 | 07-okt-10 | 7 | Dublin – sendur til ábyrgðarríkis |
| 2011 | Írak | Hd. Reykjaness | 23-ágú-11 | 06-sep-11 | 14 | Dublin – sendur til ábyrgðarríkis |
| 2010 | Íran | Hd. Reykjaness | 24-sep-10 | 01-okt-10 | 7 | Dublin – sendur til ábyrgðarríkis |
| 2010 | Íran | Hd. Reykjaness | 10-ágú-10 | 20-ágú-10 | 10 | Dublin – sendur til ábyrgðarríkis |
| 2009 | Íran | Hd. Reykjaness | 22-maí-09 | 19-jún-09 | 28 | Dublin – sendur til ábyrgðarríkis |
| 2007 | Óþekkt | Hd. Reykjaness | 13-okt-07 | 24-okt-07 | 11 | Dublin – sendur til ábyrgðarríkis |
| 2007 | Óþekkt | Hd. Reykjaness | 13-okt-07 | 24-okt-07 | 11 | Dublin – sendur til ábyrgðarríkis |
| 2004 | Óþekkt | Hd. Reykjavíkur | 26-maí-04 | 22-jún-04 | 27 | Dublin – sendur til ábyrgðarríkis |
| 2004 | Óþekkt | Hd. Reykjavíkur | 26-maí-04 | 22-jún-04 | 27 | Dublin – sendur til ábyrgðarríkis |
| 2008 | V-Sahara | Hd. Reykjaness | 12-sep-08 | 17-sep-08 | 5 | Dublin – sendur til ábyrgðarríkis |
| 2010 | Jemen | Hd. Reykjaness | 24-sep-10 | 01-okt-10 | 7 | Dublin – sendur til ábyrgðarríkis |
| 2004 | Palestína | Hd. Reykjavíkur | 26-maí-04 | 23-jún-04 | 28 | Dublin – sendur til ábyrgðarríkis, Noregs |
| 2010 | Afganistan | Hd. Reykjaness | 20-júl-10 | 23-júl-10 | 3 | Dublin – sendur til ábyrgðarríkis, Austurríkis |
| 2005 | Afganistan | Hd. Reykjavíkur | 14-des-05 | 21-des-05 | 7 | Dublin – sendur til ábyrgðarríkis, Bretlands |
| 2011 | Írak | Hd. Reykjaness | 23-ágú-11 | 06-sep-11 | 14 | Dublin – sendur til ábyrgðarríkis, Sviss |
| 2009 | Frakkland | Hd. Reykjaness | 04-sep-09 | 11-sep-09 | 7 | EES-borgari búsettur á Íslandi |
| 2004 | Kína | Hd. Reykjavíkur | 11-jan-04 | 05-mar-04 | 54 | Finnst ekki í gögnum UTL |
| 2004 | Kína | Hd. Reykjavíkur | 11-jan-04 | 05-mar-04 | 54 | Finnst ekki í gögnum UTL |
| 2006 | Óþekkt | Hd. Austurlands | 05-apr-06 | 06-apr-06 | 1 | Finnst ekki í gögnum UTL |
| 2004 | Singapúr | Hd. Reykjavíkur | 13-mar-04 | 25-mar-04 | 12 | Finnst ekki í gögnum UTL |
| 2004 | Singapúr | Hd. Reykjavíkur | 13-mar-04 | 25-mar-04 | 12 | Finnst ekki í gögnum UTL |
| 2004 | Svíþjóð | Hd. Reykjaness | 30-des-04 | 19-jan-05 | 20 | Fór sjálfur til heimalands, ekki brottvísað |
| 2012 | Nígería | Hd. Reykjaness | 18-jan-12 | 08-feb-12 | 21 | Hælisumsókn í vinnslu |
| 2010 | Afganistan | Hd. Reykjaness | 28-ágú-10 | 07-sep-10 | 10 | Hælisumsókn samþykkt |
| 2004 | Eþíópía | Hd. Reykjaness | 30-des-04 | 13-jan-05 | 14 | Hælisumsókn samþykkt |
| 2010 | Íran | Hd. Reykjaness | 14-sep-10 | 20-sep-10 | 6 | Hælisumsókn samþykkt |
| 2010 | Sómalía | Hd. Reykjaness | 18-okt-10 | 19-okt-10 | 1 | Hælisumsókn samþykkt |
| 2008 | Albanía | Hd. Reykjaness | 16-okt-08 | 22-okt-08 | 6 | Hælisumsókn hafnað, fluttur til heimaríkis |
| 2008 | Albanía | Hd. Reykjaness | 15-okt-08 | 22-okt-08 | 7 | Hælisumsókn hafnað, fluttur til heimaríkis |
| 2004 | Eþíópía | Hd. Reykjaness | 30-des-04 | 13-jan-05 | 14 | Hælisumsókn hafnað, fluttur til heimaríkis |
| 2005 | Kína | Hd. Reykjaness | 08-júl-05 | 15-júl-05 | 7 | Hælisumsókn hafnað, fluttur til heimaríkis |
| 2008 | Pakistan | Hd. Reykjaness | 17-sep-08 | 26-sep-08 | 9 | Hælisumsókn, dró til baka og fór |
| 2005 | Kína | Hd. Reykjaness | 08-júl-05 | 15-júl-05 | 7 | Hælisumsókn, hvarf og mál lagt upp |
| 2004 | Írak | Hd. Reykjavíkur | 31-maí-04 | 15-jún-04 | 15 | Maki íslendings, dvalarleyfi á Íslandi |
| 2004 | Litháen | Hd. Reykjaness | 23-nóv-04 | 26-nóv-04 | 3 | Var ekki brottvísað, fékk leyfi og flutti síðar úr landi |
| 2002 | Kongó | Hd. Reykjavíkur | 23-mar-02 | 19-júl-02 | 118 | Var með leyfi en hefur ekki haft leyfi eftir að gæsluvarðhaldi lauk |
2. Hversu lengi sat hver og einn þeirra í gæsluvarðhaldi?
Fjöldi gæsluvarðhaldsdaga var frá 1 degi upp í 118 daga. Nánari grein er gerð fyrir lengd gæsluvarðhaldsvistar hvers og eins í eftirfarandi töflu:
| Fjöldi einstaklinga | Fjöldi gæsluvarðhaldsdaga |
| 2 | 0 |
| 2 | 1 |
| 3 | 3 |
| 1 | 4 |
| 2 | 5 |
| 6 | 6 |
| 11 | 7 |
| 3 | 9 |
| 2 | 10 |
| 2 | 11 |
| 2 | 12 |
| 5 | 14 |
| 1 | 15 |
| 2 | 19 |
| 1 | 20 |
| 2 | 21 |
| 1 | 23 |
| 2 | 27 |
| 3 | 28 |
| 2 | 54 |
| 2 | 61 |
| 1 | 118 |
3. Hver urðu afdrif þeirra eftir að gæsluvarðhaldsvist lauk? Voru þeir sendir til þess lands sem þeir komu frá, heimalands eða annað?
3. tölul. fyrirspurnarinnar varðar afdrif útlendinganna eftir að gæsluvarðhaldsvist lauk, hvort þeir hafi verið sendir til þess lands sem þeir komu frá, heimalands eða annað. Til svars við þessum lið fyrirspurnarinnar vísast til yfirlits hér að framan. Til glöggvunar ber að geta þess að einstaklingur sem fær refsidóm og er brottvísað er ávallt sendur til heimaríkis eða þess ríkis þar sem hann fær heimild til dvalar.
Einstaklingur sem er sendur úr landi á grundvelli Dyflinnarreglugerðarinnar fer ávallt til þess ríkis þar sem hann á umsókn um hæli til meðferðar eða hefur haft umsókn til meðferðar, það ríki er ekki endilega ríkið sem viðkomandi kom frá til Íslands.
Nú er einstaklingi vísað frá landi og af Schengen-svæðinu og þarf hann þá að fara til heimaríkis eða þess ríkis sem hann hefur heimild til dvalar í.
