Aðrar útgáfur af skjalinu: PDF - Word Perfect. Ferill 94. máls.
141. löggjafarþing 2012–2013.
2. uppprentun.

Þingskjal 667  —  94. mál.
    Viðbót.

2. umræða.


Breytingartillaga



við frumvarp til laga um breytingu á lögum nr. 3/2006, um ársreikninga, með síðari breytingum (starfrækslugjaldmiðill og skoðunarmenn og endurskoðendur).

Frá meiri hluta efnahags- og viðskiptanefndar (HHj, LRM, MSch, JBjarn, SkH).


     1.      Við 1. gr. bætist nýr stafliður, svohljóðandi: Við 1. málsl. 4. tölul. bætist: sem og samlagsfélög þar sem ábyrgðaraðilar eru félög sem talin eru upp í 1.–3. tölul.
     2.      7. gr. orðist svo:
                   Eftirfarandi breytingar verða á 65. gr. laganna:

Hér er efni sem sést aðeins í pdf-skjalinu.


                  a.      Orðið „og“ í lok 4. tölul. 1. mgr. fellur brott.
                  b.      Við 1. mgr. bætist nýr töluliður, svohljóðandi: fjölda ársverka á reikningsári.
                  c.      3. mgr. orðast svo:
                     Í hlutafélögum og einkahlutafélögum skal upplýsa um fjölda hluthafa í upphafi og lok reikningsárs. Þá skal upplýsa um að lágmarki tíu stærstu hluthafa eða alla ef hluthafar eru færri en tíu, og hundraðshluta hlutafjár hvers þeirra í lok ársins. Við útreikning þennan telst samstæða einn aðili. Ef atkvæðahlutdeild er mismunandi miðað við fjárhæð hluta skal að lágmarki gerð grein fyrir atkvæðahlutdeild þeirra tíu hluthafa sem fara með stærstu atkvæðahlutdeild í félaginu í lok ársins. Hafi orðið breytingar á atkvæðahlutdeild á reikningsárinu skal þeirra getið sérstaklega. Í hlutafélögum og einkahlutafélögum þar sem hluthafar eru fleiri en tíu skal jafnframt fylgja skrá um alla hluthafa í stafrófsröð ásamt upplýsingum um hlutafjáreign hvers þeirra.
     3.      Í stað orðsins „Viðskiptaráði“ í b-lið 26. gr. komi: Viðskiptaráði Íslands.
     4.      Í stað hlutfallstölunnar „50%“ í 28. gr. komi: 60%.
     5.      Við 31. gr. bætist nýr málsliður, svohljóðandi: Ákvæði 28. gr. gildir þó um ársreikninga og samstæðureikninga fyrir hvert það reikningsár sem hefst 1. janúar 2012 eða síðar.