Aðrar útgáfur af skjalinu: PDF - Word Perfect. Ferill 81. máls.
143. löggjafarþing 2013–2014.
Þingskjal 139 — 81. mál.
Fyrirspurnin hljóðar svo:
Hvaða útreikningar liggja til grundvallar hækkun skrásetningargjalda í opinberum háskólum sem boðuð er í nýju fjárlagafrumvarpi? Hafa skólarnir lagt fram sundurgreiningu á þeim kostnaðarþáttum sem eru innifaldir í skrásetningargjöldum? Ef svo er, hvernig skiptast þeir?
Hækkun skráningargjalda í opinberum háskólum, sem boðuð er í fjárlagafrumvarpi fyrir árið 2014, tekur mið af sundurliðuðum útreikningum í sameiginlegu erindi frá opinberu háskólunum sem barst ráðuneytinu 26. ágúst 2013. Þar er gerð tillaga um að árleg skráningargjöld verði hækkuð úr 60 þús. kr. í 75 þús. kr. Samkvæmt a-lið 24. gr. laga um opinbera háskóla, nr. 85/2008, er opinberum háskólum heimilt að innheimta skráningargjöld af nemendum vegna skráningar og þjónustu við nemendur sem ekki telst til kostnaðar við kennslu og rannsóknastarfsemi. Í erindi háskólanna til ráðuneytisins kemur fram að kostnaður Háskóla Íslands við hvern nemanda er ríflega 75 þús. kr. en kostnaður Háskólans á Akureyri er um 80 þús. kr. Kostnaður Háskóla Íslands árið 2012 er sundurliðaður í meðfylgjandi töflu.
Þá skal þess einnig getið hér að skráningargjöld hækkuðu síðast árið 2012 úr 45 þús. kr. í 60 þús. kr. Hefðu gjöldin hins vegar fylgt almennu verðlagi (neysluverðsvísitölu) frá árinu 2005, þegar þau námu 45 þús. kr., yrðu þau ríflega 78 þús. kr. á árinu 2014. Hækkunin sem boðuð er í fjárlagafrumvarpi fyrir árið 2014 heldur því ekki fyllilega í við verðlagsþróun undanfarinna ára eins og sjá má nánar í töflu hér að neðan.
143. löggjafarþing 2013–2014.
Þingskjal 139 — 81. mál.
Svar
mennta- og menningarmálaráðherra við fyrirspurn frá Svandísi Svavarsdóttur um grundvöll hækkunar skrásetningargjalda opinberra háskóla.
Fyrirspurnin hljóðar svo:
Hvaða útreikningar liggja til grundvallar hækkun skrásetningargjalda í opinberum háskólum sem boðuð er í nýju fjárlagafrumvarpi? Hafa skólarnir lagt fram sundurgreiningu á þeim kostnaðarþáttum sem eru innifaldir í skrásetningargjöldum? Ef svo er, hvernig skiptast þeir?
Hækkun skráningargjalda í opinberum háskólum, sem boðuð er í fjárlagafrumvarpi fyrir árið 2014, tekur mið af sundurliðuðum útreikningum í sameiginlegu erindi frá opinberu háskólunum sem barst ráðuneytinu 26. ágúst 2013. Þar er gerð tillaga um að árleg skráningargjöld verði hækkuð úr 60 þús. kr. í 75 þús. kr. Samkvæmt a-lið 24. gr. laga um opinbera háskóla, nr. 85/2008, er opinberum háskólum heimilt að innheimta skráningargjöld af nemendum vegna skráningar og þjónustu við nemendur sem ekki telst til kostnaðar við kennslu og rannsóknastarfsemi. Í erindi háskólanna til ráðuneytisins kemur fram að kostnaður Háskóla Íslands við hvern nemanda er ríflega 75 þús. kr. en kostnaður Háskólans á Akureyri er um 80 þús. kr. Kostnaður Háskóla Íslands árið 2012 er sundurliðaður í meðfylgjandi töflu.
Bókfærður kostnaður Háskóla Íslands árið 2012 vegna skráningargjalda (sértekjur dregnar frá).
| Kostnaðarliðir | Nettógjöld |
| 1. Skráning stúdenta í námskeið og próf | 282.324 |
| 2. Nemendakerfi | 23.880 |
| 3. Upplýsingamiðlun og námsráðgjöf | 106.146 |
| 4. Skipulag kennslu og prófa | 46.725 |
| 5. Framlög til samtaka og stofnana stúdenta, FS og SHÍ | 77.326 |
| 6. Skrifstofa kennslusviðs | 9.479 |
| 7. Þjónusta Alþjóðaskrifstofu | 37.986 |
| 8. Aðgangur að bókasafni og lesaðstöðu | 91.323 |
| 9. Aðgangur að tölvum, prenturum o.fl. | 133.184 |
| 10. Aðstaða og stjórnun | 97.005 |
| Samtals kostnaðarliðir skráningargjalds | 905.378 |
| – þar af sérstaklega bókfærð gjöld | 442.989 |
| – þar af reiknuð hlutdeild í öðrum bókfærðum gjöldum | 431.734 |
| Innheimt skráningargjöld 2012 | 772.482 |
| Mismunur (kostnaðarliðir – innheimt 2012) | 132.896 |
| Raunkostnaður á hvern nemenda miðað við kostnað (13 000 nemendur) | 69.644 |
| – framreiknað miðað við verðlag 2013 | 72.430 |
| – framreiknað miðað við áætlað verðlag 2014 | 75.327 |
Þá skal þess einnig getið hér að skráningargjöld hækkuðu síðast árið 2012 úr 45 þús. kr. í 60 þús. kr. Hefðu gjöldin hins vegar fylgt almennu verðlagi (neysluverðsvísitölu) frá árinu 2005, þegar þau námu 45 þús. kr., yrðu þau ríflega 78 þús. kr. á árinu 2014. Hækkunin sem boðuð er í fjárlagafrumvarpi fyrir árið 2014 heldur því ekki fyllilega í við verðlagsþróun undanfarinna ára eins og sjá má nánar í töflu hér að neðan.
Þróun skráningargjalda með tilliti til verðlagsþróunar.
| Tímabil | Vísitala neysluverðs | Skráningargjöld |
| Janúar 2005 | 239,2 | 45.000 |
| Janúar 2013 | 403,3 | 75.872 |
| Júlí 2013 | 412,4 | 77.584 |
| Ágúst 2013 | 413,8 | 77.847 |
| September 2013 | 415,2 | 78.110 |
| Janúar 2014 | 417,3 | 78.501 |
