Aðrar útgáfur af skjalinu: PDF - Word Perfect. Ferill 82. máls.
143. löggjafarþing 2013–2014.
Þingskjal 153 — 82. mál.
1. Hversu margir nemendur hafa lokið prófum í iðngreinum á undanförnum fimm árum og hversu margir þar af án sveinsprófs?
Hagstofa Íslands safnar árlega upplýsingum um fjölda skráðra nemenda í framhaldsskólum og um fjölda brautskráðra, þ.m.t. fjölda þeirra sem ljúka sveinsprófum. Þær upplýsingar má sjá í eftirfarandi töflu:
Ekki var kannað sérstaklega hvort hér væri um sömu nemendur að ræða, þ.e. þá sem ljúka námi af iðnnámsbraut skóla og sveinsprófi ár hvert, en ætla má að svo sé.
2. Hve margir nemendur eru í hverri grein?
Í töflu 2 kemur fram fjöldi skráðra nemenda í hverri grein á árunum 2007–2011, þ.m.t. í grunnnámi einstakra starfaflokka, en tölur Hagstofunnar miðast við stöðuna 15. október ár hvert.
3. Hve margir eru í hverjum framhaldsskóla?
Í töflu 3, sem er unnin upp úr upplýsingakerfinu Innu, kemur fram hversu margir nemendur voru á iðnnámsbrautum framhaldsskóla árin 2007–2012.
Hér kemur fram misræmi milli talna Hagstofunnar og Innu um nemendafjölda fyrir einstök ár. Skýringin kann að vera sú að Hagstofan telur alla nemendur, einnig þá sem eru á námssamningi og eru þar af leiðandi ekki skráðir í skóla á sama tíma, en Inna birtir eingöngu tölur um þá nema sem eru skráðir í viðkomandi skóla. Hér má t.d. bera saman fjölda nema í matvælagreinum annars vegar (bakaraiðn, framreiðslu, kjötiðn og matreiðslu) og hins vegar fjölda nemenda á iðnnámsbrautum Menntaskólans í Kópavogi, þar sem flestir iðnnemar í matvælagreinum stunda nám sitt.
4. Hve margir þeirra sem luku námi síðustu ár hafa „komist á samning“?
Erfitt er að henda reiður á hversu margir nemendur komust á námssamning hjá iðnfyrirtæki eða meistara að námi loknu, þar eð breytilegt getur verið hvenær nemendur gera samninga um vinnustaðanám. Nemendur geta verið á samningi enda þótt þeir stundi jafnhliða nám í skóla, þótt oft sé það þannig að þeir geri námssamning fyrst að loknu skólanámi. Upplýsingum um fjölda gerðra námssamninga fyrir tilgreint tímabil var aflað hjá Iðunni – fræðslusetri og Fræðsluskrifstofu rafiðnaðarins og má sjá þær í töflu 4.
Almennt má segja um einstaka starfaflokka að í bíliðngreinum hefur orðið fjölgun í gerð námssamninga í seinni tíð. Í bygginga- og mannvirkjagreinum hefur verið lægð undanfarin ár vegna óvissunnar á vinnumarkaði. Í hönnunar- og handverksgreinum hefur ávallt verið erfitt að komast á samning, en þó hefur gerðum námssamningum fjölgað, einkum í kjólasaumi, klæðskurði og gull- og silfursmíði. Gott ástand er almennt í matvælagreinum, þó að erfitt hafi reynst að komast á samning í bakaraiðn. Í málmiðngreinum komast þeir á samning sem þess óska og sama má segja um rafiðngreinar. Í snyrtigreinum hefur verið tregða að taka nemendur á samning í hársnyrtiiðn vegna aukinnar verktöku í greininni, en þá starfa meistarar sjálfstætt og taka ekki nemendur. Í upplýsinga- og fjölmiðlagreinum hefur verið lægð undanfarin ár, en hún birtist einnig í fjölda skráðra nemenda í skólum. Erfitt hefur verið fyrir nemendur að komast á samning í ljósmyndun, en þó virðist sem nokkuð hafi ræst úr með tilkomu vinnustaðanámssjóðs, sem á raunar við um fleiri greinar, t.d. matvælagreinar.
143. löggjafarþing 2013–2014.
Þingskjal 153 — 82. mál.
Svar
mennta- og menningarmálaráðherra við fyrirspurn frá Svandísi Svavarsdóttur
um fjölda iðnnema og námslok þeirra.
1. Hversu margir nemendur hafa lokið prófum í iðngreinum á undanförnum fimm árum og hversu margir þar af án sveinsprófs?
Hagstofa Íslands safnar árlega upplýsingum um fjölda skráðra nemenda í framhaldsskólum og um fjölda brautskráðra, þ.m.t. fjölda þeirra sem ljúka sveinsprófum. Þær upplýsingar má sjá í eftirfarandi töflu:
Tafla 1. Fjöldi brautskráninga og sveinsprófa eftir árum.
Ár | Fjöldi brautskráðra af iðnnámsbrautum |
Fjöldi nemenda sem luku sveinsprófi |
2006–2007 | 693 | 664 |
2007–2008 | 723 | 678 |
2008–2009 | 764 | 736 |
2009–2010 | 778 | 644 |
2010–2011 | 691 | 560 |
Samtals | 3.649 | 3.282 |
Ekki var kannað sérstaklega hvort hér væri um sömu nemendur að ræða, þ.e. þá sem ljúka námi af iðnnámsbraut skóla og sveinsprófi ár hvert, en ætla má að svo sé.
2. Hve margir nemendur eru í hverri grein?
Í töflu 2 kemur fram fjöldi skráðra nemenda í hverri grein á árunum 2007–2011, þ.m.t. í grunnnámi einstakra starfaflokka, en tölur Hagstofunnar miðast við stöðuna 15. október ár hvert.
Tafla 2. Skráðir nemendur á iðnnámsbrautum
framhaldsskóla eftir greinum og árum.
Iðnnámsbrautir | 2007 | 2008 | 2009 | 2010 | 2011 |
Bakaraiðn | 27 | 25 | 22 | 23 | 18 |
Bifreiðasmíði | 23 | 21 | 29 | 31 | 27 |
Bifvélavirkjun | 122 | 127 | 153 | 139 | 145 |
Bílamálun | 25 | 24 | 24 | 31 | 27 |
Blikksmíði | 10 | 14 | 10 | 6 | 7 |
Bókband | 0 | 0 | 0 | 0 | 0 |
Framreiðsla | 34 | 27 | 31 | 26 | 45 |
Grunnnám bíliðna | 174 | 150 | 155 | 130 | 159 |
Grunnnám bygg. og mannvgr. | 354 | 282 | 233 | 172 | 111 |
Grunnnám matvælagreina | 70 | 66 | 61 | 173 | 46 |
Grunnnám málmiðna | 212 | 214 | 296 | 339 | 391 |
Grunnnám rafiðna | 416 | 511 | 562 | 506 | 490 |
Grunnnám uppl. og fjölmgr. | 269 | 272 | 268 | 233 | 208 |
Gull- og silfursmíði | 20 | 25 | 26 | 30 | 19 |
Hársnyrtiiðn | 294 | 288 | 292 | 277 | 269 |
Húsasmíði | 637 | 673 | 582 | 383 | 346 |
Húsgagnabólstrun | 2 | 2 | 0 | 0 | 1 |
Húsgagnasmíði | 31 | 21 | 23 | 38 | 79 |
Kjólasaumur | 38 | 40 | 23 | 14 | 15 |
Kjötiðn | 20 | 17 | 12 | 24 | 16 |
Klæðskurður | 9 | 14 | 4 | 9 | 10 |
Ljósmyndun | 2 | 11 | 22 | 12 | 15 |
Matreiðsla | 143 | 133 | 126 | 127 | 136 |
Málaraiðn | 50 | 81 | 55 | 52 | 36 |
Málmsuða | 0 | 0 | 0 | 0 | 0 |
Múraraiðn | 49 | 41 | 33 | 29 | 16 |
Netagerð | 6 | 0 | 5 | 6 | 2 |
Pípulagnir | 133 | 133 | 95 | 78 | 62 |
Prentsmíð | 15 | 15 | 19 | 23 | 32 |
Prentun | 2 | 3 | 5 | 3 | 0 |
Rafeindavirkjun | 51 | 48 | 30 | 41 | 52 |
Rafveituvirkjun | 19 | 0 | 0 | 1 | 0 |
Rafvélavirkjun | 0 | 0 | 0 | 0 | 0 |
Rafvirkjun | 306 | 187 | 161 | 208 | 198 |
Rennismíði | 9 | 20 | 12 | 14 | 30 |
Símsmíði | 0 | 0 | 0 | 0 | 0 |
Skósmíði | 1 | 2 | 0 | 0 | 1 |
Skrúðgarðyrkja | 9 | 21 | 22 | 29 | 21 |
Snyrtifræði | 182 | 185 | 218 | 217 | 216 |
Stálsmíði | 13 | 12 | 11 | 7 | 27 |
Steinsmíði | 1 | 0 | 0 | 0 | 0 |
Söðlasmíði | 2 | 3 | 0 | 0 | 0 |
Veggfóðrun og dúkalögn | 4 | 3 | 3 | 1 | 1 |
Vélvirkjun | 52 | 97 | 94 | 82 | 97 |
Samtals | 3.836 | 3.808 | 3.717 | 3.514 | 3.371 |
3. Hve margir eru í hverjum framhaldsskóla?
Í töflu 3, sem er unnin upp úr upplýsingakerfinu Innu, kemur fram hversu margir nemendur voru á iðnnámsbrautum framhaldsskóla árin 2007–2012.
Tafla 3. Fjöldi nemenda á iðnnámsbrautum eftir skólum.
Skóli | 2007 | 2008 | 2009 | 2010 | 2011 | 2012 |
Borgarholtsskóli | 373 | 359 | 385 | 362 | 438 | 404 |
Fjölbrautaskóli Norðurlands vestra | 107 | 101 | 105 | 103 | 100 | 95 |
Fjölbrautaskóli Snæfellinga | 6 | |||||
Fjölbrautaskóli Suðurlands | 136 | 112 | 95 | 99 | 109 | 124 |
Fjölbrautaskóli Suðurnesja | 153 | 189 | 178 | 155 | 126 | 90 |
Fjölbrautaskóli Vesturlands | 170 | 166 | 172 | 141 | 122 | 120 |
Fjölbrautaskóli nn í Breiðholti | 427 | 446 | 503 | 450 | 474 | 430 |
Fjölbrautaskóli nn við Ármúla | 14 | 5 | 0 | 0 | 0 | 1 |
Flensborgarskóli | 49 | 45 | 38 | 35 | 40 | 36 |
Framhaldsskóli A-Skaftafellssýslu | 5 | 1 | 1 | |||
Framhaldsskóli Vestmannaeyja | 14 | 12 | 18 | 10 | 3 | 3 |
Iðnskólinn í Hafnarfirði | 327 | 321 | 305 | 287 | 298 | 301 |
Menntaskólinn á Ísafirði | 49 | 50 | 43 | 28 | 39 | 31 |
Menntaskólinn í Kópavogi | 64 | 61 | 59 | 59 | 53 | 67 |
Tækniskólinn | 957 | 971 | 984 | 840 | 756 | 637 |
Verkmenntaskóli Austurlands | 86 | 58 | 68 | 101 | 91 | 64 |
Verkmenntaskólinn Akureyri | 272 | 280 | 263 | 275 | 278 | 287 |
Samtals | 3.198 | 3.175 | 3.221 | 2.945 | 2.934 | 2.691 |
Hér kemur fram misræmi milli talna Hagstofunnar og Innu um nemendafjölda fyrir einstök ár. Skýringin kann að vera sú að Hagstofan telur alla nemendur, einnig þá sem eru á námssamningi og eru þar af leiðandi ekki skráðir í skóla á sama tíma, en Inna birtir eingöngu tölur um þá nema sem eru skráðir í viðkomandi skóla. Hér má t.d. bera saman fjölda nema í matvælagreinum annars vegar (bakaraiðn, framreiðslu, kjötiðn og matreiðslu) og hins vegar fjölda nemenda á iðnnámsbrautum Menntaskólans í Kópavogi, þar sem flestir iðnnemar í matvælagreinum stunda nám sitt.
4. Hve margir þeirra sem luku námi síðustu ár hafa „komist á samning“?
Erfitt er að henda reiður á hversu margir nemendur komust á námssamning hjá iðnfyrirtæki eða meistara að námi loknu, þar eð breytilegt getur verið hvenær nemendur gera samninga um vinnustaðanám. Nemendur geta verið á samningi enda þótt þeir stundi jafnhliða nám í skóla, þótt oft sé það þannig að þeir geri námssamning fyrst að loknu skólanámi. Upplýsingum um fjölda gerðra námssamninga fyrir tilgreint tímabil var aflað hjá Iðunni – fræðslusetri og Fræðsluskrifstofu rafiðnaðarins og má sjá þær í töflu 4.
Tafla 4. Fjöldi gerðra námssamninga árin 2007–2012.
Iðngreinar | 2007 | 2008 | 2009 | 2010 | 2011 | 2012 |
Bakaraiðn | 9 | 9 | 4 | 7 | 16 | 7 |
Bifreiðasmíði | 7 | 6 | 12 | 3 | 9 | |
Bifvélavirkjun | 17 | 48 | 19 | 29 | 29 | 47 |
Bílamálun | 9 | 8 | 5 | 6 | 7 | 16 |
Blikksmíði | 5 | 8 | 3 | 3 | 1 | 9 |
Bókband | 3 | 1 | 1 | |||
Framreiðsluiðn | 17 | 13 | 20 | 24 | 40 | 38 |
Gull- og silfursmíði | 6 | 3 | 1 | 5 | 4 | 12 |
Hársnyrtiiðn | 97 | 74 | 68 | 64 | 57 | 52 |
Húsasmíði | 180 | 169 | 95 | 77 | 79 | 73 |
Húsgagnabólstrun | 1 | 1 | ||||
Húsgagnasmíði | 8 | 7 | 1 | 1 | 1 | 7 |
Kjólasaumur | 1 | 9 | 7 | 8 | 9 | 17 |
Kjötiðn | 1 | 9 | 3 | 8 | 11 | 14 |
Klæðskurður | 2 | 7 | 4 | 8 | 8 | |
Ljósmyndun | 4 | 8 | 5 | 1 | 9 | 8 |
Matreiðsla | 44 | 83 | 64 | 62 | 107 | 136 |
Málaraiðn | 20 | 28 | 11 | 8 | 23 | 12 |
Múraraiðn | 7 | 17 | 8 | 12 | 9 | 8 |
Netagerð | 5 | 2 | 4 | |||
Pípulagnir | 46 | 33 | 28 | 22 | 29 | 18 |
Prentsmíð | 6 | 7 | 3 | 4 | 11 | 5 |
Prentun | 1 | 3 | 3 | 4 | ||
Rafeindavirkjun | 16 | 14 | 24 | 6 | 18 | 19 |
Rafvélavirkjun | 1 | |||||
Rafveituvirkjun | 3 | 1 | 4 | 1 | ||
Rafvirkjun | 150 | 138 | 115 | 71 | 92 | 77 |
Rennismíði | 4 | 7 | 14 | 4 | 3 | 10 |
Skósmíði | 1 | 1 | ||||
Snyrtifræði | 50 | 49 | 38 | 43 | 43 | 52 |
Söðlasmíði | 2 | |||||
Stálsmíði | 12 | 8 | 9 | 4 | 10 | 15 |
Veggfóðrun og dúkalögn | 3 | 1 | 1 | |||
Vélvirkjun | 48 | 62 | 80 | 73 | 66 | 60 |
Samtals | 769 | 687 | 507 | 485 | 695 | 739 |
Almennt má segja um einstaka starfaflokka að í bíliðngreinum hefur orðið fjölgun í gerð námssamninga í seinni tíð. Í bygginga- og mannvirkjagreinum hefur verið lægð undanfarin ár vegna óvissunnar á vinnumarkaði. Í hönnunar- og handverksgreinum hefur ávallt verið erfitt að komast á samning, en þó hefur gerðum námssamningum fjölgað, einkum í kjólasaumi, klæðskurði og gull- og silfursmíði. Gott ástand er almennt í matvælagreinum, þó að erfitt hafi reynst að komast á samning í bakaraiðn. Í málmiðngreinum komast þeir á samning sem þess óska og sama má segja um rafiðngreinar. Í snyrtigreinum hefur verið tregða að taka nemendur á samning í hársnyrtiiðn vegna aukinnar verktöku í greininni, en þá starfa meistarar sjálfstætt og taka ekki nemendur. Í upplýsinga- og fjölmiðlagreinum hefur verið lægð undanfarin ár, en hún birtist einnig í fjölda skráðra nemenda í skólum. Erfitt hefur verið fyrir nemendur að komast á samning í ljósmyndun, en þó virðist sem nokkuð hafi ræst úr með tilkomu vinnustaðanámssjóðs, sem á raunar við um fleiri greinar, t.d. matvælagreinar.