Aðrar útgáfur af skjalinu: PDF - Word Perfect. Ferill 244. máls.

---

143. löggjafarþing 2013–2014.
Þingskjal 502  —  244. mál.

Svar

heilbrigðisráðherra við fyrirspurn frá Helga Hrafni Gunnarssyni um sjúkraflutninga.

    Fyrirspurnin hljóðar svo:
     1.      Hvernig er rekstri sjúkraflutninga hjá heilbrigðisstofnunum landsins háttað? Hjá hvaða stofnunum er reksturinn í höndum stofnunarinnar sjálfrar og hjá hverjum er reksturinn í höndum verktaka?
     2.      Hver er gildistími samninga við verktaka um sjúkraflutninga á þeim stöðum þar sem slíkir samningar hafa verið gerðir? Svar óskast sundurliðað eftir heilbrigðisstofnunum og lengd samninga.
     3.      Verður samið við verktaka á stöðum þar sem samningar eru útrunnir eða renna út fljótlega?

    Svar við efni fyrirspurnarinnar er sett fram í eftirfarandi töflu, raðað eftir sjúkrastofnunum og þjónustusvæðum. Fyrirkomulag sjúkraflutninga er með þrenns konar hætti:
     –      Samningur Sjúkratrygginga Íslands (SÍ) við verksala sem eru slökkvilið bæjarfélaga.
     –      Samningur sjúkrastofnunar við verksala sem almennt eru sveitarfélög.
     –      Sjúkraflutningar eru á hendi stofnunar.

Svæði/sjúkrastofnun	Fyrirkomulag	Staða samnings
Höfuðborgarsvæði	Samningur SÍ við Slökkvilið höfuðborgarsvæðis.	Samningur rann út í árslok 2011 en SHS sinnir þjónustunni áfram. Leitað lausna á fyrirkomulagi þjónustu.
Heilbrigðisstofnun Vesturlands	Þjónusta í höndum stofnunar.	Á ekki við.
Heilbrigðisstofnun Vestfjarða 1	Þjónusta í höndum stofnunar vegna Þingeyrar.	Á ekki við.
Heilbrigðisstofnun Vestfjarða 2	Samningur við sveitarfélag vegna Ísafjarðarbæjar, Bolungarvíkurkaupstaðar og Súðavíkurhrepps.	Samningur rann út um síðustu áramót en þjónusta veitt áfram. Unnið er að samningsgerð.
Heilbrigðisstofnunin Blönduósi	Þjónusta í höndum stofnunar.	Á ekki við.
Heilbrigðisstofnunin Sauðárkróki	Samningur við sveitarfélag.	Samningi var sagt upp fyrir ári miðað við árslok 2013. Þjónusta veitt áfram og samningaviðræður standa yfir.
Heilbrigðisstofnun Fjallabyggðar	Þjónusta í höndum stofnunar.	Á ekki við.
Dalvíkurbyggð	Þjónusta í höndum stofnunar.	Á ekki við.
Akureyrarsvæði	Samningur SÍ við Akureyrarbæ.	Samningur rann út í árslok 2012. Þjónustu sinnt áfram og unnið að gerð nýs samnings.
Heilbrigðisstofnun Þingeyinga	Þjónusta í höndum stofnunar.	Á ekki við.
Heilbrigðisstofnun Austurlands 1	Í höndum stofnunar á Egilsstöðum, Breiðdalsvík, Djúpavogi og að degi til á Seyðisfirði.	Á ekki við.
Heilbrigðisstofnun Austurlands 2	Samningur við Fjarðabyggð vegna Neskaupstaðar, Reyðarfjarðar, Eskifjarðar, Fáskrúðsfjarðar og Stöðvarfjarðar.	Samningur útrunninn frá síðustu áramótum. Samningsgerð stendur yfir.
Heilbrigðisstofnun Austurlands 3	Samningur við Brunavarnir Austurlands vegna Vopnafjarðar.	Gildir til ársloka 2018.
Heilbrigðisstofnun Austurlands 4	Samningur við björgunarsveit vegna næturvakta á Seyðisfirði.	Samningur rennur út í janúar 2014 og er stefnt að endurnýjun hans.
Heilbrigðisstofnun Suðausturlands	Þjónustan í höndum stofnunar.	Á ekki við.
Heilbrigðisstofnun Suðurlands	Þjónustan í höndum stofnunar.	Á ekki við.
Heilbrigðisstofnunin Vestmannaeyjum	Þjónustan í höndum stofnunar.	Á ekki við.
Heilbrigðisstofnun Suðurnesja 1	Þjónusta í höndum stofnunar vegna Grindavíkur.	Á ekki við.
Heilbrigðisstofnun Suðurnesja 2	Samningur SÍ við Brunavarnir Suðurnesja vegna Reykjanesbæjar.	Samningur um þjónustu árið 2013 og unnið að samningi vegna 2014.