Aðrar útgáfur af skjalinu: PDF - Word Perfect. Ferill 420. máls.
143. löggjafarþing 2013–2014.
Þingskjal 945 — 420. mál.
1. Hvað felst í fyrirhugaðri endurskoðun á rekstrarformi ríkisstofnana, t.d. heilbrigðisstofnana, sem fjallað er um í fjárlagafrumvarpinu? Er sú vinna hafin og ef svo er, hverjir koma að þeirri endurskoðun?
Í fjárlagafrumvarpinu kemur fram að markmiðið með endurskoðun á rekstrarformi stofnana sé skilvirkari stofnanir og hagkvæmari einingar. Liður í umræddri endurskoðun er sameining heilbrigðisstofnana á landsbyggðinni. Ætlunin er að í hverju heilbrigðisumdæmi verði ein stofnun eins og gert er ráð fyrir í lögum nr. 40/2007, um heilbrigðisþjónustu. Um þau áform heilbrigðisráðherra má einnig lesa í fjárlagafrumvarpinu. Sameiningunni er ætlað að bæta þjónustu við íbúana. Reynslan sýnir að stærri og öflugri rekstrareiningar eru betur í stakk búnar að bjóða fjölbreytta heilbrigðisþjónustu. Það hefur verið og er erfiðleikum bundið að tryggja ásættanlega mönnun heilbrigðisstarfsfólks í smáum dreifðum stofnunum, jafnvel svo að erfiðlega gengur að standa vörð um grunnþjónustuna.
Vinna við sameininguna er hafin, en að henni koma, auk starfsmanna ráðuneytisins, utanaðkomandi aðilar sem til málanna þekkja.
2. Í hverju felast tillögur, sem koma fram í fjárlagafrumvarpinu, um að skipulag heilsugæslunnar á höfuðborgarsvæðinu verði endurskoðað og stjórnkerfi einfaldað? Er vinna við endurskoðunina hafin og ef svo er, hverjir koma að þeirri endurskoðun?
Árið 2011 var ráðist í ítarlega greiningu á íslenska heilbrigðiskerfinu. Erlenda ráðgjafafyrirtækið Boston Consulting Group leiddi greiningarvinnuna með aðkomu fjölmargra hérlendra sérfræðinga í heilbrigðismálum víða að úr heilbrigðiskerfinu. Tekin voru saman ýmis einkenni íslenska heilbrigðiskerfisins og þau borin saman við skipulagið hjá nágrannaþjóðum okkar. Settir voru á fót vinnuhópar sem gerðu tillögur til úrbóta á afmörkuðum sviðum. Á grundvelli þeirra skilaði ráðgjafahópur fyrrverandi velferðarráðherra tillögum í desember 2012. Niðurstöður greiningarinnar voru m.a. þær að endurskipuleggja þyrfti þjónustu heilsugæslunnar á höfuðborgarsvæðinu. Í því sambandi benti ráðgjafafyrirtækið á óskilvirkt stjórnkerfi heilsugæslunnar og mikinn breytileika í afköstum lækna á þeim 15 heilsugæslustöðvum sem undir hana heyra. Heilbrigðisráðherra er sammála þessari greiningu og hefur ýtt úr vör vinnu sem byggir á fyrrgreindum tillögum og miðar að því að stýra flæði sjúklinga milli heilsugæslu, sérfræðinga og sjúkrahúsa sem taki mið af þjónustuþörf þar sem heilsugæslunni er ætlað lykilhlutverk í slíkri stýringu. Á heimasíðu ráðuneytisins er að finna meðfylgjandi slóð þar sem verkefninu er deilt niður á vinnuhópa. Þar má einnig sjá hverjir taka þátt í vinnuhópunum, en helsta verkefni vinnuhóps um heilsugæsluna er að móta verkferla innan heilsugæslunnar á höfuðborgarsvæðinu með það að markmiði að koma tillögum verkefnahóps um þjónustustýringu frá 2012 í framkvæmd ( www.velferdarraduneyti.is/media/betri-heilbrigdisthjonusta/BetriHeilbrigdisthjonusta_Kynningarfundur_11032014.pdf).
3. Er stefna ríkisstjórnarinnar í samræmi við þann vilja sem birtist í Þjóðmálakönnun Félagsvísindastofnunar í apríl 2013 þegar 81,1% aðspurðra taldi að rekstur heilbrigðisþjónustu ætti fyrst og fremst að vera á vegum hins opinbera?
Markmið ríkisstjórnarinnar er að vinna að umbótum í þágu almennings og ná fram bættri heilbrigðisþjónustu með aukinni framleiðni og betri nýtingu fjármuna. Áhersla er á að draga úr kerfislægum ágöllum og byggja upp einfaldari, markvissari og árangursríkari opinbera þjónustu. Þessum markmiðum verður m.a. náð með breytingum á skipulagi og sameiningu stofnana eins og farið hefur verið yfir hér að framan. Ekki verður séð hvernig markmið af því tagi sem hér hafa verið dregin fram stríði gegn þjóðarvilja í umræddri könnun.
143. löggjafarþing 2013–2014.
Þingskjal 945 — 420. mál.
Svar
heilbrigðisráðherra við fyrirspurn frá Sigríði Ingibjörgu Ingadóttur
um rekstrarform heilbrigðisþjónustu.
1. Hvað felst í fyrirhugaðri endurskoðun á rekstrarformi ríkisstofnana, t.d. heilbrigðisstofnana, sem fjallað er um í fjárlagafrumvarpinu? Er sú vinna hafin og ef svo er, hverjir koma að þeirri endurskoðun?
Í fjárlagafrumvarpinu kemur fram að markmiðið með endurskoðun á rekstrarformi stofnana sé skilvirkari stofnanir og hagkvæmari einingar. Liður í umræddri endurskoðun er sameining heilbrigðisstofnana á landsbyggðinni. Ætlunin er að í hverju heilbrigðisumdæmi verði ein stofnun eins og gert er ráð fyrir í lögum nr. 40/2007, um heilbrigðisþjónustu. Um þau áform heilbrigðisráðherra má einnig lesa í fjárlagafrumvarpinu. Sameiningunni er ætlað að bæta þjónustu við íbúana. Reynslan sýnir að stærri og öflugri rekstrareiningar eru betur í stakk búnar að bjóða fjölbreytta heilbrigðisþjónustu. Það hefur verið og er erfiðleikum bundið að tryggja ásættanlega mönnun heilbrigðisstarfsfólks í smáum dreifðum stofnunum, jafnvel svo að erfiðlega gengur að standa vörð um grunnþjónustuna.
Vinna við sameininguna er hafin, en að henni koma, auk starfsmanna ráðuneytisins, utanaðkomandi aðilar sem til málanna þekkja.
2. Í hverju felast tillögur, sem koma fram í fjárlagafrumvarpinu, um að skipulag heilsugæslunnar á höfuðborgarsvæðinu verði endurskoðað og stjórnkerfi einfaldað? Er vinna við endurskoðunina hafin og ef svo er, hverjir koma að þeirri endurskoðun?
Árið 2011 var ráðist í ítarlega greiningu á íslenska heilbrigðiskerfinu. Erlenda ráðgjafafyrirtækið Boston Consulting Group leiddi greiningarvinnuna með aðkomu fjölmargra hérlendra sérfræðinga í heilbrigðismálum víða að úr heilbrigðiskerfinu. Tekin voru saman ýmis einkenni íslenska heilbrigðiskerfisins og þau borin saman við skipulagið hjá nágrannaþjóðum okkar. Settir voru á fót vinnuhópar sem gerðu tillögur til úrbóta á afmörkuðum sviðum. Á grundvelli þeirra skilaði ráðgjafahópur fyrrverandi velferðarráðherra tillögum í desember 2012. Niðurstöður greiningarinnar voru m.a. þær að endurskipuleggja þyrfti þjónustu heilsugæslunnar á höfuðborgarsvæðinu. Í því sambandi benti ráðgjafafyrirtækið á óskilvirkt stjórnkerfi heilsugæslunnar og mikinn breytileika í afköstum lækna á þeim 15 heilsugæslustöðvum sem undir hana heyra. Heilbrigðisráðherra er sammála þessari greiningu og hefur ýtt úr vör vinnu sem byggir á fyrrgreindum tillögum og miðar að því að stýra flæði sjúklinga milli heilsugæslu, sérfræðinga og sjúkrahúsa sem taki mið af þjónustuþörf þar sem heilsugæslunni er ætlað lykilhlutverk í slíkri stýringu. Á heimasíðu ráðuneytisins er að finna meðfylgjandi slóð þar sem verkefninu er deilt niður á vinnuhópa. Þar má einnig sjá hverjir taka þátt í vinnuhópunum, en helsta verkefni vinnuhóps um heilsugæsluna er að móta verkferla innan heilsugæslunnar á höfuðborgarsvæðinu með það að markmiði að koma tillögum verkefnahóps um þjónustustýringu frá 2012 í framkvæmd ( www.velferdarraduneyti.is/media/betri-heilbrigdisthjonusta/BetriHeilbrigdisthjonusta_Kynningarfundur_11032014.pdf).
3. Er stefna ríkisstjórnarinnar í samræmi við þann vilja sem birtist í Þjóðmálakönnun Félagsvísindastofnunar í apríl 2013 þegar 81,1% aðspurðra taldi að rekstur heilbrigðisþjónustu ætti fyrst og fremst að vera á vegum hins opinbera?
Markmið ríkisstjórnarinnar er að vinna að umbótum í þágu almennings og ná fram bættri heilbrigðisþjónustu með aukinni framleiðni og betri nýtingu fjármuna. Áhersla er á að draga úr kerfislægum ágöllum og byggja upp einfaldari, markvissari og árangursríkari opinbera þjónustu. Þessum markmiðum verður m.a. náð með breytingum á skipulagi og sameiningu stofnana eins og farið hefur verið yfir hér að framan. Ekki verður séð hvernig markmið af því tagi sem hér hafa verið dregin fram stríði gegn þjóðarvilja í umræddri könnun.
