Ferill 586. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 1018 — 586. mál.
Fyrirspurn
til innanríkisráðherra um betrun í fangelsum og aðstoð að lokinni afplánun.
Frá Helga Hrafni Gunnarssyni.
1. Hefur átt sér stað stefnumótun um betrun í fangelsum hér á landi? Ef svo er, hvernig hefur hún þá farið fram og hefur verið litið til þess hvernig slíkri stefnumótun er háttað í grannríkjum?
2. Hver er endurkomutíðni í íslenskum fangelsum og hvernig er hún reiknuð?
3. Hvaða aðstoð stendur föngum til boða eftir að afplánun lýkur? Stendur til boða aðstoð í húsnæðis- og atvinnumálum? Hefur verið horft til nágrannaríkja í þessum efnum?