Ferill 717. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 1200 — 717. mál.
Fyrirspurn
til sjávarútvegs- og landbúnaðarráðherra um ráðstafanir
vegna riðuveiki í sauðfé.
Frá Svandísi Svavarsdóttur.
1. Á hversu mörgum býlum hefur sauðfjárstofn verið skorinn niður vegna riðuveiki síðan hert var á aðgerðum gegn riðu árið 1996, hvar á landinu eru þessi býli, hversu mörgu fé var fargað af þessum ástæðum og hvenær var það gert?
2. Hvernig er hræjum riðusjúks fjár fargað?
3. Hver hefur kostnaður ríkissjóðs vegna ráðstafana gegn riðuveiki verið frá 1996?
4. Fer fram á vegum hins opinbera skipuleg fræðsla og upplýsingamiðlun um riðuveiki til bænda, sláturleyfishafa og annarra sem málið varðar?
5. Telur ráðherra að grípa þurfi til frekari ráðstafana til að vinna bug á riðuveiki í sauðfé og þá hverra?
Skriflegt svar óskast.
