144. löggjafarþing 2014–2015.
Þingskjal 1211 — 555. mál.
Fyrirspurnin hljóðar svo:
Á grundvelli hvaða laga, reglna, úrskurða eða ákvarðana er hægt að birta opinberlega
eftirfarandi gögn hins opinbera sem vísað er til í kafla 3.3 í skýrslu fjármálaráðherra til
Alþingis um endurreisn viðskiptabankanna (694. mál 139. þings):
a.
samning um stofnfjármögnun,
b.
rammasamning og samning um útgáfu skuldabréfa,
c.
upphafleg skuldabréf,
d.
skilyrt skuldabréf,
e.
tryggingar,
f.
samning um meðferð krafna um skuldajöfnun,
g.
hluthafasamning?
Í fyrirspurninni er vísað til kafla 3.3 í skýrslu fjármálaráðherra um endurreisn viðskipta
bankanna sem lögð var fyrir Alþingi hinn 30. mars 2011. Í kaflanum er gerð grein fyrir niður
stöðum samninga í tengslum við stofnun Landsbankans hf.
Helstu upplýsingar um samningana eru birtar í áðurnefndri skýrslu fjármálaráðherra. Auk
þess hefur hluti þeirra gagna sem vísað er til verið birtur opinberlega í heild sinni eða
aðgangur veittur að þeim á grundvelli upplýsingalaga, nr. 140/2012. Þá er rétt að nefna að
úrskurðarnefnd um upplýsingamál hefur í nokkur skipti fjallaði um málefni tengd samningum
af sama toga á milli Nýja Kaupþings hf. (nú Arion banka hf.) og slitabús Kaupþings.
Íslenska ríkið átti ekki aðild að öllum samningunum og m.a. vegna þess var nauðsynlegt
að fá úr því skorið hjá nefndinni að hvaða marki væri heimilt að veita upplýsingar sem snertu
fjárhagslega hagsmuni þeirra einkaaðila sem áttu aðild að samningunum, þ.e. gömlu og nýju
bankanna. Þá þurfti að leggja mat á sjónarmið um þagnarskyldu samkvæmt lögum um fjár
málafyrirtæki, nr. 161/2002, og þagnarskyldu samkvæmt lögum um opinbert eftirlit með
fjármálastarfsemi, nr. 87/1998.
Rétt er að nefna að Hagsmunasamtök heimilanna óskuðu eftir aðgangi hjá Fjármálaeftir
litinu að öllum gögnum sem vörðuðu yfirfærslu eigna gömlu bankanna til hinna nýju og
lyktaði því máli með úrskurði úrskurðarnefnda um upplýsingamál hinn 30. maí 2014 í máli
nr.
531/2014
. Sá úrskurður tekur á flestum álitaefnum sem fjallað er um í fyrirspurninni og
má almennt vísa til hans um lagagrundvöll fyrir afhendingu viðkomandi samninga.
Upplýsingaréttur almennings og heimildir stjórnvalda til að gera upplýsingar aðgengilegar
opinberlega sæta hliðstæðum takmörkunum. Stjórnvöld geta birt opinberlega upplýsingar að
því marki sem slík birting er ekki háð takmörkunum vegna lögmætra hagsmuna einstaklinga
og annarra lögaðila eða mikilvægra almannahagsmuna. Heimildir stjórnvalda til þess að birta
upplýsingar og takmarkanir á þeim fara þannig saman við heimildir almennings til þess að óska eftir aðgangi að upplýsingum. Þau gögn sem tilgreind eru í fyrirspurninni og heimilt er
að birta hafa annaðhvort þegar verið birt eða aðgangur veittur að þeim.
Verður nú vikið að úrlausnum um afhendingu þeirra gagna sem talin eru upp í fyrirspurn
inni.
a.
Aðgangur að samningi LBI og Landsbankans um stofnfjármögnun Landsbankans og um
uppgjör milli bankanna tveggja („Capitalisation Agreement“) frá 15. desember 2009
hefur verið veittur í samræmi við úrskurð úrskurðarnefndar um upplýsingamál frá 30.
maí 2014 í máli nr. A-531/2014. Engar takmarkanir eru því á heimildum til birtingar
skjalsins.
b.
Rammasamningur um útgáfu skuldabréfa. Í samningnum er kveðið á um innbyrðis til
högun á uppgjöri á milli LBI og Landsbankans hf. og ekki er um eiginlega ráðstöfun
opinberra eigna að ræða, eins og staðfest var í áðurnefndum úrskurði úrskurðarnefndar
um upplýsingamál. Sagði nefndin að um væri að ræða upplýsingar sem þessir aðilar ættu
rétt á að ekki yrði upplýst um, með eftirfarandi röksemdum: „Að áliti úrskurðarnefndar
um upplýsingamál er samkvæmt framangreindu um að ræða samninga og gögn sem
varða mikilvæg viðskipta- og fjárhagsmálefni bankanna, eftirlitsskyldra aðila skv. 2. gr.
laga nr. 87/1998, sbr. 13. gr. laga nr. 87/1998 og 58. gr. laga nr. 161/2002. Þagnarskylda
bankanna samkvæmt síðastnefnda ákvæðinu færðist til Fjármálaeftirlitsins þegar stofn
unin tók við gögnunum skv. 2. mgr. Tekið skal fram að mjög víða í umræddum gögnum
er einnig að finna upplýsingar sem falla myndu undir 9. gr. upplýsingalaga ætti hin sér
staka þagnarskylda ekki við um þær. Þetta á við um svo stóran hluta gagnanna að ekki
kemur til greina að leggja fyrir Fjármálaeftirlitið að veita aðgang að því sem eftir
stendur, sbr. 3. mgr. 5. gr. upplýsingalaga.“
c.
Upphafleg skuldabréf. Á sömu forsendum og áður greinir (í b-lið) er óheimilt að veita
aðgang að skuldabréfum samkvæmt rammasamningi um útgáfu skuldabréfa.
d.
Skilyrt skuldabréf. Nefndin staðfesti að óheimilt væri að afhenda gögnin, á sama
grundvelli (sbr. b-lið), enda mæla þau fyrir um „viðkvæma þætti varðandi aðferðir sem
viðhafðar voru við uppgjör fjárhagslegra skuldbindinga“ á milli gamla og nýja bankans.
e.
Tryggingar. Á sömu forsendum og áður greinir er óheimilt að veita aðgang að veðsamn
ingum til tryggingar útgáfu skuldabréfa á milli gamla og nýja bankans.
f.
Samningur um meðferð krafna um skuldajöfnun. Nefndin staðfesti að óheimilt væri að
afhenda samning um skuldajöfnun (Agreement in relation to set-off arrangements and
inter-company claims), á sama grundvelli og áður greinir, enda er í samningnum mælt
fyrir um „viðkvæma þætti varðandi aðferðir sem viðhafðar voru við uppgjör fjárhags
legra skuldbindinga“ á milli gamla og nýja bankans.
g.
Hluthafasamningur („Shareholders' Agreement“) á milli NBI hf. (nú Landsbankans hf.),
Landsbanka Íslands hf. (nú LBI hf.) og fjármálaráðuneytisins f.h. ríkisstjórnar Íslands
frá 15. desember 2009 var birtur með
frétt
á vef ráðuneytisins hinn 11. janúar 2012.
Hagsmunir lögaðila af fjárhags- eða viðskiptalegum toga njóta, líkt og aðrir einkahags
munir, verndar samkvæmt upplýsingalögum, lögum um fjármálafyrirtæki og lögum um eftir
lit með fjármálastarfsemi. Stjórnvöldum er ekki heimilt að veita aðgang að eða birta upplýs
ingar sem varða slíka hagsmuni nema samkvæmt samþykki þeirra lögaðila sem í hlut eiga.
Þingskjal 1211 — 555. mál.
Svar
fjármála- og efnahagsráðherra við fyrirspurn frá Jóni Þór Ólafssyni
um birtingu gagna um endurreisn viðskiptabanka.
Fyrirspurnin hljóðar svo:
Á grundvelli hvaða laga, reglna, úrskurða eða ákvarðana er hægt að birta opinberlega
a.
b.
c.
d.
e.
f.
g.
Í fyrirspurninni er vísað til kafla 3.3 í skýrslu fjármálaráðherra um endurreisn viðskipta
Helstu upplýsingar um samningana eru birtar í áðurnefndri skýrslu fjármálaráðherra. Auk
Íslenska ríkið átti ekki aðild að öllum samningunum og m.a. vegna þess var nauðsynlegt
Rétt er að nefna að Hagsmunasamtök heimilanna óskuðu eftir aðgangi hjá Fjármálaeftir
Upplýsingaréttur almennings og heimildir stjórnvalda til að gera upplýsingar aðgengilegar
Verður nú vikið að úrlausnum um afhendingu þeirra gagna sem talin eru upp í fyrirspurn
a.
b.
c.
d.
e.
f.
g.
Hagsmunir lögaðila af fjárhags- eða viðskiptalegum toga njóta, líkt og aðrir einkahags