Ferill 207. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 1269 — 207. mál.
2. umræða.
Breytingartillaga
við frumvarp til laga um úrskurðarnefnd velferðarmála.
Frá meiri hluta velferðarnefndar (BN, ÁsF, ELA, HBK, PJP).
1. Fyrri málsliður 1. gr. orðist svo: Úrskurðarnefnd velferðarmála skal úrskurða í kærumálum vegna stjórnvaldsákvarðana eftir því sem mælt er fyrir um í lögum sem kveða á um málskot til nefndarinnar.
2. Við 2. gr.
a. Í stað orðsins „níu“ í 1. málsl. komi: tólf.
b. Í stað orðanna „tvo varaformenn“ í 1. málsl. 1. tölul. komi: þrjá nefndarmenn.
c. Í stað orðsins „sex“ í 1. málsl. 3. tölul. komi: átta.
d. Í stað orðanna „og einn skal vera læknir“ í 2. málsl. 3. tölul. komi: einn skal vera læknir og einn skal hafa sérþekkingu á sviði barnaverndarmála.
3. Við 3. gr.
a. 1. málsl. 2. mgr. orðist svo: Úrskurðarnefndin skal starfa í fjórum þriggja manna deildum.
b. Í stað orðanna „eigi sæti“ í 4. málsl. 2. mgr. komi: eigi hverju sinni sæti.
c. 5. málsl. 2. mgr. orðist svo: Formaður eða nefndarmaður sem skipaður er í fullt starf skv. 1. tölul. 2. gr. stýrir störfum nefndarinnar við umfjöllun máls.
4. Við 4. gr.
a. Við bætist ný málsgrein er verði 1. mgr., svohljóðandi:
Um vinnslu nefndarmanna og starfsmanna og ráðgjafa nefndarinnar á persónuupplýsingum fer samkvæmt lögum um persónuvernd og meðferð persónuupplýsinga.
b. Fyrirsögn greinarinnar orðist svo: Vernd persónuupplýsinga.
5. 2. mgr. 5. gr. falli brott.
6. Orðin „eða beiðni um úrskurð eða álit nefndarinnar“ í 6. gr. falli brott.
7. Við 7. gr.
a. Orðin „eða gefur álit í ágreiningsmáli“ í 2. mgr. falli brott.
b. Orðin „eða gefa álit“, „eða álitsbeiðandi“ og „eða álits“ í 3. mgr. falli brott.
c. Í stað orðanna „Úrskurðir og álit nefndarinnar eru endanleg“ í 4. mgr. komi: Úrskurðir nefndarinnar eru endanlegir.
8. Í stað orðanna „ef sérstakar ástæður mæla með því“ í síðari málslið 1. mgr. 8. gr. komi: meðan kæra er til meðferðar þar sem ástæður mæla með því.
9. 9. gr. orðist svo ásamt fyrirsögn:
Birting úrskurða. Ársskýrsla.
Nefndin skal árlega skila ráðherra skýrslu um störf sín og helstu niðurstöður og ályktanir sem draga má af úrskurðum nefndarinnar.
10. Í stað orðanna „og birtingu úrskurða og álita“ í 1. mgr. 11. gr. komi: birtingu úrskurða og efni ársskýrslu.
11. Í stað ártalsins „2015“ í 12. gr. komi: 2016.
12. 3.–5. tölul. 13. gr. falli brott.
13. Við ákvæði til bráðabirgða II.
a. Á eftir 1. málsl. komi nýr málsliður, svohljóðandi: Kærunefnd greiðsluaðlögunarmála skal þó ljúka öllum málum sem bárust nefndinni fyrir 1. janúar 2015.
b. Við bætist nýr málsliður, svohljóðandi: Heimilt er þó að framlengja skipunartíma kærunefndar greiðsluaðlögunarmála um allt að tólf mánuði frá gildistöku laga þessara.
