Ferill 254. máls. Aðrar útgáfur af skjalinu: PDF - Word Perfect.


145. löggjafarþing 2015–2016.
Þingskjal 276  —  254. mál.




Fyrirspurn



til félags- og húsnæðismálaráðherra um fjárveitingar til endurhæfingar geðsjúkra.

Frá Ernu Indriðadóttur.


     1.      Hver eru rökin fyrir því að félagasamtökum sem veita geðsjúkum endurhæfingu er mismunað með fjárveitingum frá ríkinu?
     2.      Hvers vegna hefur umsóknum Hugarafls um styrki til endurhæfingar geðsjúkra verið hafnað?


Skriflegt svar óskast.


Greinargerð.

    Nokkur félagasamtök veita geðsjúkum endurhæfingu. Staða þeirra er mjög mismunandi þótt starfsemi þeirra sé sambærileg. Hugarafl fær þannig tvær milljónir króna frá heilbrigðisráðherra en Geðhjálp, Geysir og Hlutverkasetur fá tugi milljóna króna í styrki frá velferðarráðuneytinu beint og óbeint. Umsóknum Hugarafls til velferðarráðuneytisins um sambærilega styrki hefur hins vegar verið hafnað.