Ferill 199. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Prentað upp.
Þingskjal 328 — 199. mál.
Nýr liður.
2. umræða.
Breytingartillaga
við frumvarp til laga um Haf- og vatnarannsóknir.
Frá meiri hluta atvinnuveganefndar (JónG, ÁsF, HarB, EI, PJP, ÞorS).
Við ákvæði til bráðabirgða.
a. Á eftir 1. mgr. komi ný málsgrein, svohljóðandi:
Starfsmenn Hafrannsóknastofnunar og Veiðimálastofnunar sem ráðnir verða til starfa hjá hinni nýju stofnun halda réttindum sem þeir hafa áunnið sér til námsleyfis og um lengdan uppsagnarfrest samkvæmt kjarasamningi Félags íslenskra náttúrufræðinga og fjármálaráðherra sem miðast við samfellt starf hjá sömu stofnun.
b. Í stað orðanna „undirbúa gildistöku laganna í samráði við ráðherra sjávarútvegsmála“ í 3. mgr. komi: undirbúa starfsemi stofnunarinnar fyrir gildistöku laganna í samráði við ráðherra.
