Ferill 204. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 348 — 204. mál.
Svar
heilbrigðisráðherra við fyrirspurn frá Sigríði Ingibjörgu Ingadóttur
um ferðamenn sem leita heilbrigðisþjónustu á Íslandi.
Fyrirspurnin hljóðar svo:
Hve margir erlendir ferðamenn hafa leitað eftir heilbrigðisþjónustu á Íslandi á tímabilinu 2005–2014? Óskað er eftir sundurliðuðum upplýsingum eftir ári og heilbrigðisumdæmi.
Svör við fyrirspurninni birtast í eftirfarandi töflu. Á höfuðborgarsvæðinu er fjöldi erlendra ferðamanna sundurliðaður eftir hvort um komu á heilsugæslu er að ræða eða á Landspítalann. Á Norðurlandi eru tölur frá sjúkrahúsinu og heilsugæslunni á Akureyri saman og tölur frá öðrum stöðum í heilbrigðisumdæmi Norðurlands saman. Í öðrum heilbrigðisumdæmum er ekki greint á milli stofnana.
Ekki var unnt að greina milli ferðamanna og annarra erlendra borgara, t.d. þeirra sem voru með tímabundið atvinnuleyfi. Á Suðurlandi koma ekki fram tölur fyrir árið 2005 hjá neinni heilsugæslustöð nema á Selfossi og þær vantar hjá fjórum stöðvum fyrir 2006. Tölur fengust ekki frá Hveragerði fyrir 2007 og Vestfjörðum árin 2005 og 2006 og heilsugæslunni á Norðurlandi árin 2005–2009.
| 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | |
| Heilbrigðisumdæmi | ||||||||||
| Höfuðborgarsvæði | ||||||||||
| – Heilsugæsla | 197 | 330 | 338 | 339 | 324 | 423 | 564 | 661 | 761 | 875 |
| – Landspítali | 1.613 | 1.535 | 1.228 | 1.200 | 1.251 | 1.187 | 1.251 | 1.470 | 1.248 | 2.124 |
| Suðurnes | 73 | 103 | 110 | 100 | 102 | 124 | 122 | 97 | 134 | 161 |
| Suðurland | 260 | 267 | 192 | 639 | 798 | 665 | 822 | 1258 | 1432 | 1753 |
| Austurland | 1.066 | 937 | 1.065 | 1.143 | 1.045 | 1.198 | 1.741 | 2.004 | 2.148 | 2.126 |
| Norðurland | ||||||||||
| – SAk | 223 | 282 | 310 | 321 | 262 | 269 | 307 | 384 | 371 | 421 |
| – Heilsugæsla | - | - | - | - | - | 188 | 221 | 286 | 422 | 446 |
| Vestfirðir | - | 4 | 32 | 55 | 102 | 77 | 60 | 111 | 170 | 169 |
| Vesturland | 241 | 242 | 266 | 248 | 252 | 233 | 247 | 278 | 318 | 363 |
| Samtals | 3.673 | 3.700 | 3.541 | 4.045 | 4.136 | 4.364 | 5.335 | 6.549 | 7.004 | 8.438 |