Ferill 346. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 424 — 346. mál.
Fyrirspurn
til félags- og húsnæðismálaráðherra um ofbeldi gegn fötluðum konum.
Frá Steinunni Þóru Árnadóttur.
1. Hvernig hefur af hálfu ráðuneytisins verið brugðist við niðurstöðum skýrslu um ofbeldi gegn fötluðum konum sem birtist 25. mars 2013 og unnin var fyrir atbeina ráðuneytisins?
2. Er áformað af hálfu ráðuneytisins að bregðast við niðurstöðum nýlegrar skýrslu sem ber heitið „Ofbeldi gegn fötluðum konum og aðgengi þeirra að stuðningsúrræðum“? Ef svo er, hvernig?
3. Hvaða ráðstafanir telur ráðherra haldbestar til að hindra ofbeldi gegn fötluðum konum og hyggst ráðherra gera ráðstafanir til þess að þeim verði beitt?
4. Hyggst ráðherra beita sér fyrir því að fjármunum verði varið til fræðslu starfsfólks sem vinnur með fötluðu fólki um ólíkar birtingarmyndir ofbeldis gegn fötluðu fólki?
Skriflegt svar óskast.
