Ferill 349. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 433 — 349. mál.
Fyrirspurn
til umhverfis- og auðlindaráðherra um notkun gúmmíkurls úr dekkjum á leik- og íþróttavöllum.
Frá Willum Þór Þórssyni.
1. Hvernig hyggst ráðherra bregðast við þeirri umræðu sem hefur farið fram um notkun gúmmíkurls úr dekkjum á leik- og íþróttavöllum?
2. Hvaða reglur gilda um notkun efna eins og gúmmíkurls á leik- og íþróttavöllum og áhrif þeirra á heilsu og umhverfi manna?
3. Hvernig er eftirliti Umhverfisstofnunar háttað með notkun efna eins og gúmmíkurls á leik- og íþróttavöllum?
4. Mun ráðherra beina því til Umhverfisstofnunar að yfirfara reglur um notkun efna á leik- og íþróttavöllum?
5. Mun ráðherra beina því til Umhverfisstofnunar að gefa út tilmæli um að notast við hættuminni efni á leik- og íþróttavöllum?
6. Mun ráðherra beita sér fyrir því að notkun gúmmíkurls úr dekkjum á leik- og íþróttavöllum verði alfarið bönnuð?