Ferill 489. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 779 — 489. mál.
Fyrirspurn
til heilbrigðisráðherra um fækkun fæðingarstaða og ungbarnaeftirlit í dreifbýli.
Frá Lilju Rafneyju Magnúsdóttur.
1. Hvert er viðhorf ráðherra til þess að fæðingarstöðum hefur fækkað á undanförnum árum samkvæmt skýrslum frá fæðingaskrá og fæðingum kvenna á leið á fæðingarstað fjölgað?
2. Telur ráðherra, í ljósi þess hversu margar konur hafa alið börn sín á leið á fæðingarstað undanfarið, að öryggi kvenna sem búa langt frá fæðingarstöðum sé nægilega tryggt?
3. Hver hefur kostnaður verið við flutning kvenna á fæðingarstað undanfarin fimm ár og hvernig skiptist hann eftir heilbrigðisumdæmum?
4. Hver er afstaða ráðherra til heimafæðinga og skipulags ljósmæðraþjónustu með tilliti til þeirra?
5. Hvernig er háttað ungbarnaeftirliti í dreifbýli og er því sinnt með sama hætti og sömu tíðni og í þéttbýli?
Skriflegt svar óskast.
