Ferill 442. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 794 — 442. mál.
Svar
iðnaðar- og viðskiptaráðherra við fyrirspurn frá Vilhjálmi Árnasyni um
aldurssamsetningu stjórnenda stofnana ráðuneytisins.
Fyrirspurnin hljóðar svo:
Hvernig er aldurssamsetning stjórnenda stofnana atvinnuvega- og nýsköpunarráðuneytisins sem heyra undir iðnaðar- og viðskiptaráðherra og fulltrúa í nefndum og ráðum sem heyra undir hann?
Aldurssamsetning æðstu stjórnar stofnana og fulltrúa í nefndum og ráðum er samkvæmt meðfylgjandi töflu. Miðað er við stöðu 31. desember 2015 og náði samantektin til alls 233 einstaklinga.
Í töflunni kemur fram fjöldi einstaklinga á fimm mismunandi aldursbilum, auk heildarfjölda og meðalaldurs fyrir A-hluta stofnanir, nefndir og ráð sem heyra undir iðnaðar- og viðskiptaráðherra. Til æðstu stjórnar stofnana teljast forstöðumenn stofnana. Í samantektinni varðandi nefndir og ráð voru eingöngu teknir aðalmenn og í þeim tilvikum þar sem sami einstaklingur er í mörgum nefndum og ráðum er viðkomandi talinn með í öllum nefndum og ráðum sem hann situr í.
Stofnanir | Nefndir og ráð | |
Yngri en 30 ára | 0 | 7 |
30–39 ára | 0 | 41 |
40–49 ára | 4 | 82 |
50–59 ára | 0 | 66 |
60 ára og eldri | 2 | 37 |
Fjöldi | 6 | 233 |
Meðalaldur | 52 ár | 49 ár |